Jerimaia 51:16 - Edo Bible (E Baibol Ẹdo) Version 1996

¹⁶ Ọ gu amẹ ne ọ rre odukhunmwu iso guan, ọ kegha davan. Ọ si amẹ koko ke ehe ne agbọn sẹẹ gha dee ọ ye ayan yan ke uwu amẹ ne ọ rhọ, ọ keghi gie okpẹhoho ke uwa aza ọghọe ladian.

Jerimaia 51:16 ပူးပေါင်းရင်းမြစ်များ

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

Job 37:13

Osanobua giẹ amẹ ne ọ do gbe khakha otọ, ọ sẹtin giee ne ọ do rri emwa oya, ra ne ọ do ru iran ẹse.

Job 38:22

“Wẹ he sẹ avbe aza ne I viọ esia kevbe amẹ ne ọ zeze yi ra?

Job 40:9

Wẹ wegbe vba mwẹ ra? Urhu ruẹ gha sẹtin vanhiẹn vba ọghomwẹ ra?

Psalm 104:7

U gu avbe amẹ gui, iran khirhi lẹ kua, vbe u zọkan gu iran guan.

Psalm 135:7

Ọ mu okpẹhoho okuku amẹ ke ehe ne agbọn sẹe gha dee, ọ ru ayan ne okpẹhoho, ọ kevbe kie okpẹhoho ke uwu aza ẹre ladian.

Psalm 147:18

Ọ guanrẹn, avbe esia nii keghi ranran; ọ gie ẹhoho rre, avbe amẹ keghi gha lẹ.

Psalm 18:13

Ẹkpo nii, e Nọyaẹnmwa keghi van avan ke iso rre. A keghi họn urhu Ne ọ yo sẹẹ Ehia.

Psalm 46:6

Ohan mu avbe okpẹvbo a vbe mu avbe otọ arriọba rueghe; Osanobua van avan otọ agbọn keghi ranran an.

Psalm 68:33

Ghe irẹn nii ne ọ hin khian vbe iso ẹvbo nẹdẹ nii wa danmwehọ ẹre vbe ọ ya urhu ne ọ la davan.

Psalm 78:26

Ọ keghi vbe ru ẹe ne ẹhoho odẹ ahọ hoho ọ keghi ya ẹtin ẹnrẹn gua ẹhoho odẹ ekẹn kpao.

Ẹksọdọs 10:13

Ẹre Mosis na niẹn ọkpọ ẹre, e Nọyaẹnmwa na gie ẹhoho hoho la otọe nii hia la ẹghẹ avan kevbe ẹghẹ asọn hia ke odẹ ọlarre ovẹn gha dee. Ẹdẹ ghi gbe, ọ viọ avbe irhiso nii hia rre nẹ.

Ẹksọdọs 10:19

E Nọyaẹnmwa keghi fi ẹhoho nii werriẹ khian ọ ghe odẹ orrie ne ọ viọ avbe irhiso nii, ọ ke kpolo ehia ku okun Irunmwu. Irhiso ọkpa ma vbe ke ẹe vbe otọ Igipt.

Ẹksọdọs 14:21

E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Ezikiẹl 10:5

Owogho ne ifuẹn avbe aranmwẹ nii gbe, a keghi wa gha họn ẹẹn vbe ẹghodo ne ọ ke ore. Ọ keghi ye vbe urhu Osanobua ne Oghodua.

Emọs 9:7

E Nọyaẹnmwa khare wẹẹ, “Wa ne ivbi Izrẹl, vbene ẹmwẹ uwa ye mwẹ vbe ekhọe ọ re ẹmwẹ ivbi e Sudan vbe ye mwẹ vbe ekhọe. E Kret ọ re I ke viọ ivbi e Filistin gha dee, I keghi viọ ivbi e Siria ke Kaa gha dee zẹ vbene I viọ uwa ke Igipt gha dee.

Jona 1:4

Sokpan, e Nọyaẹnmwa keghi gie okpẹhoho la okun, ẹhoho nii wegbe sẹrriọ wẹ te okọ ghi ra yannọ kua.

Jona 4:8

Ugbẹn vbe ovẹn ghi yan rre nẹ, Osanobua keghi gie ẹhoho owẹn owiẹ ne ọ tọn ẹsẹse rre. Ovẹn ni ghi gbe e Jona uhunmwu, ekherhe ọ kere ne ọ wa lahin. Ọ keghi rhunmwuda ọnii gha kha wẹ rẹn kpa miẹn uwu, rẹn gha wa wu. Ọ wẹẹ, “I wa wu hin agbọn rre ọre ọ maa sẹ agbọn ne imẹ ye na.”