Jerimaia 51:11 - Edo Bible (E Baibol Ẹdo) Version 1996

¹¹ E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Jerimaia 51:11 ပူးပေါင်းရင်းမြစ်များ

I Ọba 11:14

Ẹre Nọyaẹnmwa na ru ẹe ne Hadad ne ọ ke ẹgbẹe ọba ọghe Idọm rre, sọtẹ e Solomọn.

I Ọba 11:23

Osanobua keghi vbe ru ẹe ne Rezọn ne ovbi Eliada sọtẹ e Solomọn. E Rezọn na, te ọ lẹ fua vbe ehe ne Hadadeza ne ọba e Zọba, ne arowa ẹre ye.

I Krọnikol 5:26

Ẹre Osanobua na ru ẹe ne Pul ne ọba nọkhua ọghe Asiria, (Rẹn a vbe tie ẹre Tiglat Pailesa) ya khọn ẹvbo nii. Ọ keghi munọ avbe ẹwae Riubẹn, e Gad ke odẹ Ahọ e Manasẹ oghunmwu kpao, ọ na ya viọ iran ye Hala, e Habọ kevbe Hara ke ọkpẹn Ẹzẹ Gozan ne iran gha rre evba ẹdẹdẹmwẹdẹ.

II Krọnikol 36:22

Vbe ukpo ne okaro ne Sairọs khian ọgbaisi e Pẹsia, e Nọyaẹnmwa keghi ruẹe ne ẹmwẹ ne ọ la unu e Jerimaia ne akhasẹ ta, do sẹ. Ọ keghi rhie ye Sairọs ekhọe ne ọ ta ẹmwẹ na ladian, ne ọ gbẹnnẹ ọẹn ye ebe ne a vbe tie ẹre ladian vbe ehe ne otọ arriọba ẹre sẹe ehe ne ọ rhanmwẹ wẹẹ:

Ẹzra 1:1

Vbe ukpo ne okaro ne Sairọs ya gha re ọgbaisi e Pẹsia, e Nọyaẹnmwa keghi ru ẹe ne ẹmwẹ ne ọ la unu e Jerimaia ne akhasẹ ta do sẹ. Ọ keghi rhie ẹre ye Sairọs ekhọe, ne ọ ta ẹmwẹ na ladian, kevbe ne ọ gbẹnnẹ ọẹn ne a vbe tie ẹre ne emwa hia vbe otọe arriọba ẹre hia wẹẹ,

Aizaia 10:26

Mẹ ne Nọyaẹnmwa ne Udazi gha ya asan gbe iran zẹ vbene I ru ivbi e Midian vbe Okuta Orẹb. I gha rri Asiria oya zẹ vbene I rri Igipt oya.

Aizaia 21:2

I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”

Aizaia 21:5

Vbe umian nii, a keghi le evbare eghọ yotọ. A keghi wa ukpọn lele otọ ne avbe emwa ne a tiere tota yi. Iran kegha re, iran na gha da. Vbe udomwurri, urhu asẹ okpa keghi tae wẹẹ, “Ewọe, wa viọ asa ne uwa mu egbe yotọ.”

Aizaia 41:25

“I hannọ orhiọnkpa ne ọ rre odẹ ahọ zẹ nẹ. I gha ru ẹe ne ọ ya la odẹ okuọ suẹn igbinna. Te ọ ya owẹ rrilo irriegie mu otọ, vbe ne a khakha ighẹ ọrho iran khin, zẹ vbene ọmakhe ya owẹ rrilo obuẹ.

Aizaia 45:1

E Nọyaẹnmwa zẹẹ Sairọs nẹ ne ọ rriọba. Ọ vbe zẹẹ ọe nẹ ne ọ gha khọn avbe uhunmwu ẹvbo miotọ; ọ gie ẹẹ ne ọ ya bannọ ẹtin hin obọ avbe ọba rre e Nọyaẹnmwa gha kie urho avbe okpẹvbo ne ẹẹn. E Nọyaẹnmwa tama Sairọs wẹẹ,

Aizaia 45:5

“Mẹ ọrọre Nọyaẹnmwa, osa ọvbehe irrọọ. I gha rhie ẹtin ne ọ khẹ kuẹ nuẹn, a gha rhe miẹn wẹ, u ma rẹn mwẹ.

Aizaia 46:11

Mẹ tie okpia ọkpa ne ọ ke odẹ ahọ gha dee, ọ gha vin rrie otọ zẹ vbe ahua ọ ghi do ru emwi ne I mwamwa yotọ. I guan nẹ, te a ra ruẹe.

Jerimaia 46:3

“Avbe ọkaokuo ivbi Igipt wa davan wẹẹ, ‘Wa viọ asa uwa mwẹ, ne uwa khian la uwu okuo!

Jerimaia 46:4

Wa gbalọ avbe ẹsin uwa egbe, ne uwa hin iran! Wa tẹn ye uviẹn ne uwa viọ erhu uwa rhuẹ. Wa lọ asoro uwa! Wa viọ ẹwu ematọn okuo uwa yọ!’

Jerimaia 46:9

Tama avbe ẹsin ne iran gha khian, kevbe avbe ikẹkẹ okuo ne iran khianmwu. Gie avbe ivbiyokuo ladian, emwa ni ke Sudan kevbe Libya rre, iran ni viọ asa mwẹ, kevbe emwa ni guẹ uhanbọ ne a fi, ni ke Lidia rre.’ ”

Jerimaia 50:25

I kie aza ne I viọ emwi igbinna mwẹ yi nẹ, I keghi vbe ya ohu viọ iran ladian, rhunmwuda, mẹ ne Nọyaẹnmwa ne Udazi, e Nọyaẹnmwa ne Oghodua, mwẹ emwi ne I ra ru vbe Babilọn.

Jerimaia 50:3

Uhunmwu ẹvbo okpa ke odẹ okuọ dee do dekun e Babilọn, te ọ ra ya ẹe khian ato. Te emwa nagbọn kevbe aranmwẹ oha! Ra lẹ kua vbọ, a i vbe miẹn emwa ne ọ gha di evba ya.”

Jerimaia 50:45

Rhunmwuda ọnii, danmwehọ vbene I khuan khọ e Babilọn hẹẹ, kevbe ne I ho ne I ru emwa rẹn hẹ ya sẹ egbe avbe ivbi iran, te a ra kpolo ehia gha rrie dọmwadẹ ọghọe ghi runran.

Jerimaia 50:9

I ra ya bọ avbe uhunmwu ẹvbo eso ni wegbe vbe odẹ okuọ yọ ne iran dekun e Babilọn. Iran gha mwamwa egbe ye okuo ghe ẹvbo nii, iran ghi khọn rẹn, ohuẹ ni guee ẹsẹse ọ re iran khin, iran ni fi ifẹnmwẹ nẹi ba emwi ku.

Jerimaia 51:12

Wa tama iran ne iran dekun ekẹn e Babilọn. Wa viọ ẹvbo ba iran ni ba odẹ, wa gie iran ni khẹ odẹ gha khian, wa gie emwa ni gha lẹre gbakhẹ iran vbe odẹ.” E Nọyaẹnmwa ru emwi ne ọ wẹ rẹn gha ru ivbi e Babilọn re nẹ.

Jerimaia 51:24

E Nọyaẹnmwa khare wẹẹ, “Wa gha miẹn ọẹn vbe I a gha ha e Babilọn osa emwi dan ne iran ru vbe Jerusalẹm.

Jerimaia 51:35

Wa gie ivbi e Zaiọn kha wẹẹ, “Iba ne emwa zẹẹ vbe egbe mwa, uhunmwu e Babilọn ọ re ọ ye!” Wa gie ivbi e Jerusalẹm kha wẹẹ, “Oya ne ima ree hia uhunmwu e Babilọn ọ re ọ ye.”

Jerimaia 51:36

Ẹre Nọyaẹnmwa na tama ivbi e Jerusalẹm wẹẹ, “I gha mu ẹzọ ruẹ gui, I ghi vbe ru ẹe ne avbe eghian rri oya ye emwi ne iran ru uwa re. I gha si uhunmwu ẹzẹ e Babilọn ka, I ghi vbe gie avbe ẹzẹ ọre ka.

Daniẹl 5:30

Vbe asọn ọkpa nii, iran keghi gbe ẹe rua ighe Bẹlsiaza ne ọba e Babilọn.

Joẹl 3:10

Wa ya unu ẹguẹ uwa dunmwu umozo, kevbe erọ ulema ọwua, asoro. Te avbe emitan gha ye vbe gbinna.

Joẹl 3:9

“Wa ya ẹmwẹ na wewe, ma avbe uhunmwu ẹvbo wẹẹ, ‘Wa mu egbe okuo; wa si iyokuo uwa koko ne uwa khianmwu!

Levitikọs 26:25

I ghi si okuo yi uwa egbe ne I ya rri uwa oya ye ne uwa na rhie obọ gberra ile ne ima gba ta, wa na ya si egbe koko ye ẹvbo uwa ne obọ ghẹ vba uwa, I ghi gie emianmwẹ nẹ i mwẹ ukhunmwu gie uwa, ẹ i re aro sẹẹnrẹn wa gha ya de ye igue vbe odaro avbe eghian uwa.

Zẹkaraia 14:12

E Nọyaẹnmwa gha mu emianmwẹ ne ọ wegbe ku avbe uhunmwu ẹvbo hia ni mu okuo ye Jerusalẹm. Ikpakpa egbe iran gha kẹkẹ ua vbe iran ma he wu, aro iran kevbe aranmwẹ iran gha kẹkẹ ua.

Zẹkaraia 14:2

E Nọyaẹnmwa gha si avbe uhunmwu ẹvbo hia kugbe ne iran do gu e Jerusalẹm gbinna. A gha khọn mu ẹvbo nii, a gha fu emwi ni rre owa vbọ viọ. A gha mu avbe ikhuo ni rrọ yagha. A gha wa ẹvbo nii ye ihe eva, obọkpa vbọ gha yo iwe, sokpan, a i ra viọ iran ni ghi dekẹe hin ore ẹvbo rre.