Jerimaia 50:46 - Edo Bible (E Baibol Ẹdo) Version 1996

⁴⁶ Ẹdẹ ne Babilọn gha de gbotọ, ọ gha la sẹ vberriọ wẹ otọe agbọn hia ghi mu rueghe, avbe agbọn ẹvbo nekpa gha họn utumwẹ wa bu rre ẹre.”

Jerimaia 50:46 ပူးပေါင်းရင်းမြစ်များ

Aizaia 15:5

Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Jerimaia 46:12

Agbọn ẹvbo họn efa ne ọ rruan uwa nẹ, agbọn hia họẹn vbe uwa viẹ. Ovbiyokuo ọkpa ghi ya owẹ rri ọvbehe gberra iran eveva ghi dele gbe otọ.

Jerimaia 49:19

Zẹ vbe oduma ne ọ ke uwa ẹgbo Ẹzẹ Jọdan ladian la uwu oha ne aranmwẹ na rria ne ọ bii nunuunu, I gha rre ne ivbi Idọm ye ugbugbe lẹ hin ẹvbo iran rre. Ẹghẹ nii, ọkaolotu ne imẹ zẹe ghi ghi do gha khaemwisẹ yan avbe uhunmwu ẹvbo. De ọmwa ne a gha ya gie mwẹ yi? De ọmwa ne ohan gha gie ẹe si mwẹ evẹn? De ogie ne ohan gha gie ẹe gbe odan ghe mwẹ?

Jerimaia 49:21

Idọm gha de, uwemwẹ emwa gha mu otọ agbọn hia rueghe, urhu urunranmwẹ ghi gha re ne avbe họn ya sẹ odẹ Abọ Ẹzẹ Akaba.

Jerimaia 51:29

Otọe guọe zẹzẹzẹ, ọ kevbe mu rueghe, rhunmwuda, e Nọyaẹnmwa mu ẹẹn sẹ nian ighe ne ọ na wẹ te irẹn ra ya Babilọn khian ato, ehe ne ọmwarhọkpa i ghi ye.

Jerimaia 51:54

E Nọyaẹnmwa khare wẹẹ, “Wa danmwehọ urhu eve vbe Babilọn ọghe iran ni khiẹ ye uguọghọmwẹ otọe nii.

Ezikiẹl 26:18

Banbanna nian, vbe ẹdẹ ne ọ de guọghua, avbe otọe ne amẹ lẹga gha guọ, orrirri gbe ku emwa iran, vbe iran miẹn vbene a rẹnkhẹn ọẹn ruan hẹ.’ ”

Ezikiẹl 27:28

Ugomwẹ avbe oziguẹ ne ẹzẹ gbe khian kegha khuẹnniẹn muotọ vbe eghute.

Ezikiẹl 31:16

I gha rhie ẹre gha rrie ẹvbo iran ni wulo nẹ ulamwẹ udemwẹ ọnrẹn gha mu avbe uhunmwu ẹvbo rueghe. Avbe erhan ni rre Idẹni hia, kevbe avbe erhan esiesi ne a gbe amẹ khakha vbe Lebanọn, ni kpao gha rrie agbọn ne ọ rre uwu otọ nẹ, oha gha ghọghọ ye udemwẹ ọnrẹn.

Ezikiẹl 32:10

Emwi ne I ru uwẹ re gha gbe orrirri ku avbe uhunmwu ẹvbo nibun. I gha fieghe umozo mwẹ, avbe ọba gha runran, iran ghi vbe gha guọ zẹzẹzẹ. Vbe ẹdẹ ne u gha wa de nii, iran hia gha guọ rhunmwuda iran ma rẹn vbene ọ gha vbe ye iran hẹ.”