Jerimaia 50:41 - Edo Bible (E Baibol Ẹdo) Version 1996

⁴¹ Arhin eso ke odẹ okuọ dee, okpẹvbo ne ọ wegbe ne ọ rrei ẹsẹse; avbe ọba nibun wa mu egbe okuo.

Jerimaia 50:41 ပူးပေါင်းရင်းမြစ်များ

Jerimaia 25:14

I gha ha e Babilọn osa emwi ne iran ru, avbe uhunmwu ẹvbo kevbe avbe ọba nibun ghi ya iran gha ru eviẹn.’ ”

Jerimaia 50:9

I ra ya bọ avbe uhunmwu ẹvbo eso ni wegbe vbe odẹ okuọ yọ ne iran dekun e Babilọn. Iran gha mwamwa egbe ye okuo ghe ẹvbo nii, iran ghi khọn rẹn, ohuẹ ni guee ẹsẹse ọ re iran khin, iran ni fi ifẹnmwẹ nẹi ba emwi ku.

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Daniẹl 5:26

Emwi ne a yae kha ọ re ena khin: a kaa ẹe: Osanobua kaa ikpẹdẹ arriọba ruẹ nẹ, ọ na mu ufomwẹ yọ.

Arhie Maan 17:16

Igho igbe ne u dẹghe, kevbe aranmwẹ oha nii gha do gha khu iwu ebabotu nii, iran gha viọ emwi ne ọ mwẹ hia kpao, iran ghi sẹ ọe rae ye irhunmwirhuan. Iran gha rri efun egbe ẹre, iran gha ya erhẹn giẹn uan.