Jerimaia 50:39 - Edo Bible (E Baibol Ẹdo) Version 1996

³⁹ Rhunmwuda ọnii, e Babilọn gha khian ne avbe esu, avbe orhiọn dan kevbe avbe ahianmwẹ ni ma huan ghi ru ọbafi ẹre khian. Emwa i ra dọlegbe yin evba nii ọvbehe, yasẹ ẹghẹ ne ọ dee hia fẹẹrẹ.

Jerimaia 50:39 ပူးပေါင်းရင်းမြစ်များ

Aizaia 14:23

I gha ya e Babilọn khian otọe ne ọ gbe ẹvbi, avbe esughusughu ọ re ọ ghi gha rre evba. I gha ya owẹ ne ọ gha, kpolo emwi hia gha rrie, kpolo e Babilọn, Mẹ ne Nọyaẹnmwa ne Udazi ọ re ọ tae.”

Jerimaia 25:12

“ ‘Vbe iyekọnii, I gha do rri e Babilọn kevbe ọba ẹre oya ye orukhọ iran. I gha fuẹn ẹvbo nii, I gha ya ẹe khian itowa ẹdẹdẹmwẹdẹ.

Jerimaia 50:3

Uhunmwu ẹvbo okpa ke odẹ okuọ dee do dekun e Babilọn, te ọ ra ya ẹe khian ato. Te emwa nagbọn kevbe aranmwẹ oha! Ra lẹ kua vbọ, a i vbe miẹn emwa ne ọ gha di evba ya.”

Jerimaia 51:26

Okuta ne a ghẹ ghi lo i rrọ vbe itowa ruẹ ne a ya ẹe bọ owa. Te u ra yevbe ato ẹdẹdẹmwẹdẹ. Mẹ ne Nọyaẹnmwa ọ re ọ taa ẹe.

Jerimaia 51:43

Avbe okpẹvbo ni rrọọ khian emwi ne ọ mianmwẹ ughe, ọ keghi vbe yevbe ato ne amẹ i ye, ehe ne emwa i ye a ma wẹ te emwa ra khian sọe.

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.