Jerimaia 50:34 - Edo Bible (E Baibol Ẹdo) Version 1996

³⁴ Sokpan, ọmwa ne ọ wegbe ọ re ọmwa ne ọ ra miẹn iran fan khin, e Nọyaẹnmwa ne Oghodua, ọ re a tie ẹre. Rẹn ọ re ọ ra tobọ ẹre mu ẹzọ iran gui, ọ ghi rhie ọfumwegbe ye otọ agbọn, sokpan, orueghe ghi gha re ọghe ivbi e Babilọn.”

Jerimaia 50:34 ပူးပေါင်းရင်းမြစ်များ

II Krọnikol 6:39

U ghi họn erhunmwu iran. U ghi họn urhu iran vbe owa ruẹ vbe ẹrinmwi ne u tohan iran, ne u ya orukhọ hia ọghe emwa ruẹn bọ iran.

Job 19:25

Sokpan, mẹ rẹnrẹn ighẹ arhiọnkpa rre ẹrinmwi, ne ọ gha do mu ẹzọ mwẹ gui.

Psalm 35:1

E Nọyaẹnmwa, mu aro da iran ni mu aro da mwẹ gu iran ni gunmwẹ gbinna, gbinna.

Psalm 43:1

Osanobua, bu asẹ mẹ, ne u mu ẹzọ mwẹ gui vbe ehe ne iran ne emwa dan ye; miẹn mwẹ fan vbe obọ emwa dan, kevbe avbe ọhọn ohoghe nii.

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Itan 22:23

E Nọyaẹnmwa ọ re ọ ra gui ẹzọ iran ne iran, ọ ghi niẹn obọ ye iran aro ighe avbe emwa ni vbe niẹn obọ ye iran aro.

Itan 23:11

E Nọyaẹnmwa ọrọre ọmwa ẹtin ne ọ gbinna ne iran, ọ gha guẹ gui ẹzọ iran.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 43:14

Osanobua nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Ne I miẹn ehe na miẹn uwa fan, I gha gie ivbiyokuo ne iran ya gu e Babilọn khọn; I gha guọghọ ẹkhu onurho ne ọ rrọọ sẹ otọ uwemwẹ ne emwa ni rrọọ te wee, gha khian eve.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 47:4

Osanobua nọhuanrẹn ọghe Izrẹl fannọ ima kua! Eni ẹnrẹn ọrọre e Nọyaẹnmwa ne Oghodua.

Aizaia 49:25

E Nọyaẹnmwa keghi wanniẹn wẹẹ, “Emwi ne ọ ra sunu zẹẹ ọ re ọnii khin. A gha viọ avbe oleghan avbe ivbiyokuo kpao a gha vbe gbe ọmwa ọkhọ miẹn ẹre emwi ne ọ fu viọ I gha gu ọmwa ne ọ a rhirhi guẹ gbinna gbinna, I gha miẹn avbe ivbuẹ fan.

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Jerimaia 15:21

I gha miẹn ruẹn fan vbe obọ ẹtin emwa dan kevbe emwa ọkhọ. Mẹ ne Nọyaẹnmwa ta ẹe nẹ.”

Jerimaia 30:20

I gha rhie ẹtin nẹdẹ ọghe ẹvbo nii werriegbe ye ihe I ghi dọlegbe gbe ẹre ẹkun sotọ ẹsẹse I gha rri iran ni wọ iran uhunmwu oya.

Jerimaia 31:11

I fannọ emwa Izrẹl kua nẹ I keghi vbe miẹn iran fan vbe obọ uhunmwu ẹvbo ne ọ wa mwẹ ẹtin.

Jerimaia 31:35

E Nọyaẹnmwa keghi yi owẹn ne ọ gha rhie uwanmwẹ rre vbe avan, uki kevbe orhọnmwẹ, ne iran gha baa vbe asọn ọ tughu okun, ọ keghi gie ẹe da van, e Nọyaẹnmwa ne Oghodua ọ re a tie ẹre.

Jerimaia 32:18

U rhie aho ẹmwẹ ọmwa ne ẹ i beghe ma arriaisẹn, erriọ vbe nọ, u vbe rri emwa eso oya ye orukhọ ne evbibiẹ iran ru. Osanobua nọkpọlọ kevbe ne ọ mwẹ ẹtin ọ re uwẹ khin. Wẹ ọrọre Nọyaẹnmwa ne Oghodua.

Jerimaia 48:15

A fuẹn Moab kevbe avbe okpẹvbo ni rrọ ua nẹ a gbele avbe igbama ni mose ni rrọ ua. Mẹ ọrọre ọba, e Nọyaẹnmwa ne Oghodua, I vbe guaan nẹ.”

Jerimaia 51:19

Osanobua Jekọb i ye vbe iran, rẹn ọ re ọmwa ne ọ yii emwi hia, ọ keghi zẹẹ Izrẹl ne iran wa gha re emwa irẹn to bọ irẹn. E Nọyaẹnmwa ne Oghodua ọre a tie ẹre.

Jerimaia 51:36

Ẹre Nọyaẹnmwa na tama ivbi e Jerusalẹm wẹẹ, “I gha mu ẹzọ ruẹ gui, I ghi vbe ru ẹe ne avbe eghian rri oya ye emwi ne iran ru uwa re. I gha si uhunmwu ẹzẹ e Babilọn ka, I ghi vbe gie avbe ẹzẹ ọre ka.

Eve Orriara 3:58

“E Nọyaẹnmwa, wẹ gbe bu mwẹ rre u keghi do miẹn mwẹ fan.

Joẹl 2:11

E Nọyaẹnmwa ghi davan gie ivbiyokuo ẹre uhunmwu, otu iyokuo ni ru vbene ọ khare, wa bun ẹsẹse, iran vbe wegbe. U miẹn vbe ẹdẹ e Nọyaẹnmwa mu ohan hẹ. De ọmwa ne ọ gha miẹn uhunmwu vbọ?

Maika 4:10

Wa gha mannọ egbe ne uwa gha rriakọn, zẹ vbe okhuo ne ọ ra biẹ, wa ne ivbi e Jerusalẹm, rhunmwuda, te uwa ghẹ ghi kpao hin adesẹ ore rre, ne uwa ya di oha ya. Te uwa ghẹ ghi yo e Babilọn nian, sokpan, evba nii ọ re Nọyaẹnmwa ra na ya fannọ uwa ye otọ vbe ohọ eghian uwa.

Maika 7:9

Ma ru orukhọ ghe Nọyaẹnmwa nẹ, rhunmwuda ọnii, te ọ kere ne ima ziengbe ohu ẹre vbe omwa ẹghẹ eso, sokpan, vbe okiekie, ọ gha mu ẹzọ ima gui, ọ ghi kpe ima oya emwi ne a ya ru ima khọ ua.

Arhie Maan 18:8

Rhunmwuda ọnọna, okpe emianmwẹ ọnrẹn gha kinmwi ẹn ẹdẹ ọkpa, emianmwẹ irhia ẹko kevbe ukhunmwu. A gha ya erhẹn giẹn ọnrẹn uan rhunmwuda, Nọyaẹnmwa Osanobua ne ọ bu ohiẹn ọnrẹn, ne ọ mwẹ ẹtin nọ.”