Jerimaia 50:33 - Edo Bible (E Baibol Ẹdo) Version 1996

³³ E Nọyaẹnmwa ne Oghodua khare wẹẹ, “A wọ ivbi Izrẹl kevbe Juda uhunmwu. Iran ni munọ iran oghunmwu gha baba iran, iran i ra gie iran kpao gha rrie.

Jerimaia 50:33 ပူးပေါင်းရင်းမြစ်များ

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Ẹksọdọs 8:2

Danmwehọ, a deghẹ u ma kue ne iran gha khian, I gha ya ẹkirẹ ru emwa ẹvbo ruẹ hia emwi.

Aizaia 14:17

Ọmwa nii ne ọ guọghọ avbe okpẹvbo ua ọ re ọ na khin ra, ọ na ya otọe agbọn khian otọe ne ọ gbe ẹvbi. Ọmwa nii ne ẹ i fannọ oleghan rẹn kua ra ne ọ gie iran gha rrie owa ọ re ọna khin ra?’

Aizaia 47:6

Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Aizaia 51:23

Mẹ gha rhie ẹre ne iran ni wọ uwa uhunmwu iran ne ọ wẹ ne uwa lovbiẹ vbe adesẹ ore iran na gha ya owẹ rilo uwa zẹ vbe iku.”

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Jerimaia 30:20

I gha rhie ẹtin nẹdẹ ọghe ẹvbo nii werriegbe ye ihe I ghi dọlegbe gbe ẹre ẹkun sotọ ẹsẹse I gha rri iran ni wọ iran uhunmwu oya.

Jerimaia 50:7

A vba gbe ọ re iran ghi khin, avbe eghian iran khare wẹẹ, ‘Iran sẹ ẹmwẹ e Nọyaẹnmwa nẹ, rhunmwuda ọnii, ma ma ru a ghẹ i ru. E Nọyaẹnmwa ọ re avbe erha iran odede mu ẹtin yan, te ọ te kei ne iran vbe rhie ekhọe lele ẹe.’