Jerimaia 50:32 - Edo Bible (E Baibol Ẹdo) Version 1996

³² Okpẹvbo ruẹ ne u ye hio gha rrua owẹ, ọ ghi de, ọmwa ne ọ gha si ẹẹ kpaegbe, i rrọ. I gha mu erhẹn ye avbe okpẹvbo ruẹ, emwi ni rre eni hia ghi la ọ rhiae rrie.”

Jerimaia 50:32 ပူးပေါင်းရင်းမြစ်များ

Psalm 119:78

Te ekhue gha mu iran ni tọn egbe mu ne iran na ba mwẹ ohoghe. Zẹ vbe ọghomwẹ, mẹ gha mu ẹmwẹ igiodẹ ruẹ roro.

Itan 16:18

Te uhiomwẹ khian rrie odẹ ọfuan, itengbemu ọ re ọ vbe si udemwẹ.

Itan 18:12

A i yọghọ ne ọmwa adeghẹ ẹ i mu egbe rriotọ; emwa ni tengbemu, odẹ ọfuan ọre iran gbẹn khian.

Jerimaia 21:14

Sokpan, I gha rrio oya ye emwi ne u ru. I gha mu erhẹn ye ẹguae ruẹ, erhẹn ni gha giẹn emwi ni lẹga ẹre hia sotọ. Mẹ ne Nọyaẹnmwa ọ re ọ tae.”

Jerimaia 49:27

I gha mu erhẹn ye ekẹn e Damaskọs, I ghi vbe giẹn ẹguae e Bẹnhadad na. Mẹ ne Nọyaẹnmwa ne Oghodua taa ẹe nẹ.”

Jerimaia 51:26

Okuta ne a ghẹ ghi lo i rrọ vbe itowa ruẹ ne a ya ẹe bọ owa. Te u ra yevbe ato ẹdẹdẹmwẹdẹ. Mẹ ne Nọyaẹnmwa ọ re ọ taa ẹe.

Jerimaia 51:64

U ghi vbe kha wẹẹ, ‘Emwi ne ọ ra rruan e Babilọn ọ re ọ na khin ọ gha dinmwi, ẹ i ghi ra vbe dọlegbe laghe odukhunmwu, rhunmwuda ọkhọ ne Nọyaẹnmwa ra gie ẹe do sunu vbe egbe ẹre.’ ” Ẹmwẹ e Jerimaia fo vbe emwa.

Daniẹl 5:20

Sokpan, ugbẹn vbe ọ ghi do ze vbudu, ọ na gha hioo, ọ na do gha ru emwi dan, a keghi sii ẹe hin ẹkete ẹre rre, uyi ne ọ rre ọre egbe keghi wii.

Emọs 1:10

Rhunmwuda ọnii, I gha mu erhẹn ye ekẹn ne a gbe lẹga e Taia, I ghi vbe giẹn odin ẹnrẹn hia sẹ otọ.”

Emọs 1:12

Rhunmwuda ọnii I gha rhu erhẹn ye ore Tẹman, I ghi giẹn odin e Bozra sẹ otọ.”

Emọs 1:14

Rhunmwuda ọnii, I gha mu erhẹn ye ekẹn ne a gbe ga e Raba, I ghi vbe giẹn odin ẹnrẹn sẹ otọ. Ẹghẹ nii, iran gha tu okokoko vbe ẹdẹ okuo, igbinna ghi gha khọn emwi hia khian zẹ vbe okpẹhoho.

Emọs 1:4

Rhunmwuda ọnii, I gha rhu erhẹn ye ẹguae ne ọ bọe ighe Hazaẹl ne Ọba, I gha giẹn ehia mu otọ ighe ẹvbo ne a gbe odin ga ọghe Bẹnhadad.

Emọs 1:7

Rhunmwuda ọnii, I gha mu erhẹn ye ekẹn ne a gbe ga e Gaza. I gha vbe giẹn odin ne a gbe ga ẹre hia a.

Emọs 2:2

I gha rhu erhẹn ye otọe Moab, I ghi vbe giẹn odin e Keriọt. Uwu owogho okuo, ọre ivbi e Moab ra wulo yi, ehe ne ivbiyokuo na goo, avbe okpe vbe tu.

Emọs 2:5

rhunmwuda ọnii, I gha rhu erhẹn ye Juda I ghi vbe giẹn avbe odin e Jerusalẹm ruan.”

Emọs 5:2

Izrẹl ne uvbi de guọghọ ua, ẹ i ghi kpaegbe vbe otọ ẹdẹ! A he ẹe ye ehe ne ọ lovbiẹ yi vbe otọ. A ma miẹn ọmwa ne ọ si ẹe kpaegbe.

Diuteronomi 32:22

Ohu mwẹ gha ba ghe odukhunmwu vbe erhẹn ọ ghi giẹn emwi hia ni rre agbọn uan. Ọ ghi sẹ agbọn ne ọ rre uwu otọ, ọ ghi giẹn inian ọghe avbe oke ua.

Arhie Maan 18:8

Rhunmwuda ọnọna, okpe emianmwẹ ọnrẹn gha kinmwi ẹn ẹdẹ ọkpa, emianmwẹ irhia ẹko kevbe ukhunmwu. A gha ya erhẹn giẹn ọnrẹn uan rhunmwuda, Nọyaẹnmwa Osanobua ne ọ bu ohiẹn ọnrẹn, ne ọ mwẹ ẹtin nọ.”