Jerimaia 50:3 - Edo Bible (E Baibol Ẹdo) Version 1996

³ Uhunmwu ẹvbo okpa ke odẹ okuọ dee do dekun e Babilọn, te ọ ra ya ẹe khian ato. Te emwa nagbọn kevbe aranmwẹ oha! Ra lẹ kua vbọ, a i vbe miẹn emwa ne ọ gha di evba ya.”

Jerimaia 50:3 ပူးပေါင်းရင်းမြစ်များ

Gẹnẹsis 6:7

Ẹre ọ ghi na kha wẹẹ, “I gha fuẹn iran an ighẹ emwa ne I yi, I gha fuẹn iran an ighẹ avbe aranmwẹ kevbe ahianmwẹ rhunmwuda I kpa rẹn I ghẹ yi iran.”

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Aizaia 41:25

“I hannọ orhiọnkpa ne ọ rre odẹ ahọ zẹ nẹ. I gha ru ẹe ne ọ ya la odẹ okuọ suẹn igbinna. Te ọ ya owẹ rrilo irriegie mu otọ, vbe ne a khakha ighẹ ọrho iran khin, zẹ vbene ọmakhe ya owẹ rrilo obuẹ.

Aizaia 45:1

E Nọyaẹnmwa zẹẹ Sairọs nẹ ne ọ rriọba. Ọ vbe zẹẹ ọe nẹ ne ọ gha khọn avbe uhunmwu ẹvbo miotọ; ọ gie ẹẹ ne ọ ya bannọ ẹtin hin obọ avbe ọba rre e Nọyaẹnmwa gha kie urho avbe okpẹvbo ne ẹẹn. E Nọyaẹnmwa tama Sairọs wẹẹ,

Jerimaia 21:6

I gha gbele emwa hia ni rre ẹvbo na, emwa nagbọn kevbe avbe aranmwẹ, emianmwẹ dan gha gbele iran hia.

Jerimaia 50:9

I ra ya bọ avbe uhunmwu ẹvbo eso ni wegbe vbe odẹ okuọ yọ ne iran dekun e Babilọn. Iran gha mwamwa egbe ye okuo ghe ẹvbo nii, iran ghi khọn rẹn, ohuẹ ni guee ẹsẹse ọ re iran khin, iran ni fi ifẹnmwẹ nẹi ba emwi ku.

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Jerimaia 51:48

Emwi hia ni rre otọe kevbe ni rre iso gha wee ne oghọghọ vbe emwa ni ke odẹ okuọ rre do fuẹn e Babilọn, a gele rhie ẹre gbe otọ.

Jerimaia 51:62

‘E Nọyaẹnmwa, u tae nẹ ighẹ u gha fuẹn emwa na sẹrriọ, a i ghi ra miẹn emwi ne ọ ma he wu rhọkpa vbọ, ọ re ọmwa nọ ra aranmwẹ, kevbe wẹ, ọ gha vbe gha yevbe ato ẹdẹdẹmwẹdẹ.’

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Zẹfanaia 1:3

Emwa ne agbọn hia kevbe avbe aranmwẹ oha, avbe ahianmwẹ kevbe avbe ehẹn. I gha ru ẹe ne avbe emwa dan de guọghọ ua. I gha fuẹn emwa ne agbọn uan, ọkpa ne ọ ra kẹe i rrọ. Mẹ ne Nọyaẹnmwa ọ re ọ ta ẹe.