Jerimaia 50:29 - Edo Bible (E Baibol Ẹdo) Version 1996

²⁹ “Wa tama iran ni fi uhanbọ ne iran dekun e Babilọn. Wa gie iran gha khian ighe avbe emwa ni ghi guara fi uhanbọ kevbe ifẹnmwẹ. Wa ghae ga ẹvbo nii, wa ghẹ vbe gie ọmwarhọkpa miẹn uhunmwu vbọ. Wa ru ẹre emwi hia ne irẹn vbe ru emwa re werriegbe. Wa hae nẹ zẹ vbene irẹn ka ru. Rhunmwuda, uhiomwẹ ọ re ọ ya yin da mwẹ, mẹ ne ọmwa Nọhuanrẹn ọghe Izrẹl.

Jerimaia 50:29 ပူးပေါင်းရင်းမြစ်များ

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Aizaia 37:23

De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Aizaia 47:10

“Te u wa gha ya obọ so udu ye iba ne u zẹ u na gha ro wẹ ọmwa ne ọ bẹghe ruẹ i rrọọ. Ẹwaẹn kevbe irẹnmwi ruẹn keghi ya a bibi odẹ u keghi tama egbe ruẹ wẹẹ, ‘Mẹ ọrọre Osanobua ọmwa ne ọ yevbe mwẹ i rrọọ.’

Jerimaia 25:14

I gha ha e Babilọn osa emwi ne iran ru, avbe uhunmwu ẹvbo kevbe avbe ọba nibun ghi ya iran gha ru eviẹn.’ ”

Jerimaia 48:26

E Nọyaẹnmwa khare wẹẹ, “Wa ye ayọn ne Moab da ne ọ gha gbe ẹe, rhunmwuda ọ sọtẹ mwẹ nẹ. E Moab gha de wunnu vbe uwu ekpa ne ọ kpaa yotọ, emwa hia ghi gha giẹ ọe.

Jerimaia 49:16

Itengbemu ruẹ hiẹ ruẹ nẹ. Ai ghi miẹn ọmwa ne ọ muohan ruẹn zẹ vbene a te ka mu ohan ruẹn yi. Odukhunmwu okuta nekhua ni yo sẹẹ ọ re u diaa, odukhunmwu gban an ọghe avbe oke nekhua, ọ gha khọn ruẹn ne u ya gha rre uwu iso zẹ vbe oghohọn, te Nọyaẹnmwa ra siọ fi otọ. E Nọyaẹnmwa taa ẹe nẹ.

Jerimaia 50:24

E Babilọn, te uwẹ gunmwẹ gha gbinna, banbanna nian, ifi ne I khuẹẹn khẹ ruẹ mu ẹẹn nẹ, a gha rhe miẹn wẹ, wẹ ma rẹn.

Jerimaia 50:26

Wa la igienenẹ dekun ẹnrẹn, ne uwa zẹ ọduẹ ye ehe ne ọ viọ oka yi. Wa si emwi ne uwa fu viọ vbọ gboo, zẹ vbe ne a si avbe ọka gboo! Wa fuẹn ẹvbo ni uan! Wa ghẹ sẹ emwi ọkpa rae vbọ hiehiere!

Jerimaia 50:32

Okpẹvbo ruẹ ne u ye hio gha rrua owẹ, ọ ghi de, ọmwa ne ọ gha si ẹẹ kpaegbe, i rrọ. I gha mu erhẹn ye avbe okpẹvbo ruẹ, emwi ni rre eni hia ghi la ọ rhiae rrie.”

Jerimaia 50:9

I ra ya bọ avbe uhunmwu ẹvbo eso ni wegbe vbe odẹ okuọ yọ ne iran dekun e Babilọn. Iran gha mwamwa egbe ye okuo ghe ẹvbo nii, iran ghi khọn rẹn, ohuẹ ni guee ẹsẹse ọ re iran khin, iran ni fi ifẹnmwẹ nẹi ba emwi ku.

Jerimaia 51:24

E Nọyaẹnmwa khare wẹẹ, “Wa gha miẹn ọẹn vbe I a gha ha e Babilọn osa emwi dan ne iran ru vbe Jerusalẹm.

Jerimaia 51:3

Ghẹ rhie ẹghẹ ne ivbiyokuo ẹre ya viọ ẹwu igbinna iran yọ, ra ne iran fi ifẹnmwẹ iran. Ghẹ fi yi vbe avbe igbama rẹn hiehiere! Wa fuẹn ivbiyokuo iran an fẹẹrẹ.

Jerimaia 51:49

E Babilọn gbele emwa nibun vbe agbọn na hia, banbanna nian, e Babilọn gha de rhunmwuda, ọ gbele ivbi Izrẹl nibun. Mẹ ne Nọyaẹnmwa taa ẹe nẹ.”

Jerimaia 51:56

Te iran rre do fuẹn Babilọn ruan kevbe ivbiyokuo ẹre hia, a vbe bunnọ uhanbọ iran. Osanobua ne ọ rria ikhi orukhọ mẹ khin, I gha ru e Babilọn emwi ne ọ ma ẹẹn.

Eve Orriara 1:9

Te a wa rherhe rẹn wẹ ọ ma huan sokpan, rẹn ma zẹ ye emwi ne ọ sunu vbe egbe irẹn. Udemwẹ ọnrẹn kegha re ne ọ mu ohan; ọmwa ne ọ gha sẹtin fu ẹre ẹko rre i rrọọ. Obọ avbe eghian gba ẹre nẹ, Te ọ ghi tu nọ itohan vbe obọ e Nọyaẹnmwa.

Eve Orriara 3:64

“Rri iran oya ye emwi ne iran ru Nọyaẹnmwa.

Daniẹl 11:36

Ọba e Siria ghi gha da gbe da mu, ọ ghi gha rhuọ we rẹn kpọlọ sẹẹ avbe ẹbọ, kevbe wẹ rẹn sẹ Osanobua ne ọ kpọlọ Sẹehia. Ọ gha sẹtin gha ru avbe emwi na ọ te do sẹ ẹghẹ ne Osanobua gha ya rria ẹre ikhi. Osanobua gha ru zẹ vbene ọ mwamwaẹn zẹẹ.

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Obedaia 1:15

“Ẹdẹ bu otọ nẹ ne imẹ ne Nọyaẹnmwa gha bu ohiẹn avbe uhunmwu ẹvbo. Idọm, vbene u ru emwa ọ re a ra vbe ruẹ. Emwi ne u ya ru ẹse ọ re a gha vbe rhie ne uẹn.

II Tẹsalonaika 1:6

Rhunmwuda, ẹ i mwẹ Osanobua ma ru vbene ọ ke yi, ọ gha hihiẹ usẹ yan iran ni sẹ uwa usẹ ẹghẹ na.

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.