Jerimaia 50:27 - Edo Bible (E Baibol Ẹdo) Version 1996

²⁷ Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Jerimaia 50:27 ပူးပေါင်းရင်းမြစ်များ

Job 18:20

Ke ahọ ya sẹ orrie, egbe hia ghi gha guẹ ọmwa ne ọ họn emwi ne ọ rruan rẹn.

Psalm 22:12

Eghian nibun lẹga mwẹ zẹvbe ẹkhuia ẹmila. Iran hia wa lẹga mwẹ zẹvbe ẹkhuia ẹmila ne ọ khọ, ne a miẹn vbe otọe Basian.

Psalm 37:13

Sokpan e Nọyaẹnmwa gha giẹ emwa dan rhunmwuda ọ rẹnrẹn ighe a gha fuẹn iran an ban.

Aizaia 21:12

Mẹ keghi wanniẹn wẹẹ, “Ẹdẹ wan dee nẹ, sokpan, ẹdẹ gha vbe dọlegbe mu. Adeghẹ, u ho ne u dọlegbe nọ, u ghi werriegbe rre do nọ.”

Aizaia 34:6

Esagiẹn kevbe efun egbe iran gha gba umozo ẹre aro kevbe iyeke, zẹvbe esagiẹn kevbe efun ivbiohuan kevbe ẹwe ne a ya zọ ese. E Nọyaẹnmwa gha zọ ese na vbe Bozra; ọ gha ru ẹe ne obọ ugbemwẹ ọnrẹn dotọ ẹsẹse vbe otọe Idọm.

Aizaia 34:7

Emwa ni gha dele zẹ vbe ede kevbe ivbi ẹkhuia ẹmila, otọ ghi gha baa ne esagiẹn, efun ghi vbe gba ehe hia.

Jerimaia 12:3

Sokpan wẹ rẹn mwẹ Nọyaẹnmwa; wẹ miẹn emwi ne I ru, kevbe vbene I ho ẹmwẹ ruẹn hẹ. Silo avbe emwa dan na gha khian zẹ vbe avbe ohuan ne a ra gbele ua. Gha baba iran ọ te sẹ ẹghẹ ne a gha ya gbele iran an.

Jerimaia 25:34

“Wa gha viẹe, wa ne avbe ọkaolotu, wa ne ọsuohuan avbe ohuan mwẹ. Wa gha khiẹ, ne uwa vbe gha werriẹ vbe uwu ebubẹ. Ẹghẹ sẹ nẹ nian ne a gha ya lọkọ uwa a, a gha gbele uwa vbene a gbele ogho.

Jerimaia 27:7

Te uhunmwu ẹvbo hia ra gae, iran ghi ga ovbi ẹre, iran ghi vbe ga eyẹ ọre ọ te do sẹ ẹghẹ ne uhunmwu ẹvbo ọghọe gha ya de. Ẹghẹ nii, uhunmwu ẹvbo ọghọe ghi gha gae avbe uhunmwu ẹvbo ni mwẹ ẹtin kevbe avbe ọba nekhua.

Jerimaia 46:21

Uhin avbe ivbiyokuo ne ọ ve ẹre igho viọ ba egbe, egbe wọ ehia yotọ nẹ zẹ vbe ivbi ẹkhuia ẹmila. Iran ma kpaegbe ne iran gbinna iran hia fi iyeke gbe, iran na lẹẹ ẹdẹ ne iran ra khian rhie sotọ nẹ, ẹdẹ ne iran ra la ọrhiae rrie.

Jerimaia 48:10

(Ihẹn nọ ne ọmwa ne ọ ma ye ekhọekekhọe winna iwinna e Nọyaẹnmwa! Ihẹn nọ ne ọmwa ne ọ ma fian ke ne ọ vbe gbua.)

Jerimaia 48:15

A fuẹn Moab kevbe avbe okpẹvbo ni rrọ ua nẹ a gbele avbe igbama ni mose ni rrọ ua. Mẹ ọrọre ọba, e Nọyaẹnmwa ne Oghodua, I vbe guaan nẹ.”

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Jerimaia 50:11

E Nọyaẹnmwa khare wẹẹ, “Wa ne ivbi e Babilọn, wa ọ re ọ ya khọn ẹvbo mwẹ. Wa ghọghọ nian, ẹko wa vbe rhiẹnrhiẹn uwa, wa gha hẹ yo hẹ rre vbe ẹmila ne ọ wiẹn ọka ra ẹsin ne ọ ra mu.

Jerimaia 50:31

E Babilọn, uhiomwẹ wa gba ruẹ egbe rhunmwuda ọnii, mẹ ne Udazi, e Nọyaẹnmwa ne Oghodua, mu aro igbinna da ruẹ. Ẹghẹ sẹẹ nẹ ne I gha na rria ruẹ ikhi.

Jerimaia 51:40

I gha viọ iran ne a gbelua zẹ vbe ivbi ohuan, ewe kevbe ogho. Mẹ ne Nọyaẹnmwa guaan nẹ.”

Eve Orriara 1:21

“Danmwehọ ikhiẹkhiegbe mwẹ ọmwa ne ọ ra fu mwẹ ẹko rre i rrọọ. Avbe eghianmwẹ wa ghọghọ ua ighe u gie ọkhọ rruan mwẹ. Gi ẹdẹ ne u buruu ni gele rre, gie eghian mwẹ rrioya zẹ vbe mwẹ.

Arhie Maan 18:10

Iran mudia ye urria, rhunmwuda, ohan oya ne ọ re mu iran, iran ghi vbe kha wẹ: “Okokokoo! Ena mu ohan gbe o! Babilọn ne ẹvbo nọkhua ne ọ wo vbe egbe, vbe uwu ẹgogo ọkpa, ọre a na rri uwẹ oya vbe nian!”

Arhie Maan 19:17

I keghi bẹghe odibosa ọkpa vbe ọ mudia ye owẹn. Ọ keghi davan tama avbe ahianmwẹ ni tin khian vbe aro iso wẹẹ, “Wa gha dee do si egbe koko ye eghọ nọkhua ọ ghe Osanobua.