Jerimaia 50:26 - Edo Bible (E Baibol Ẹdo) Version 1996

²⁶ Wa la igienenẹ dekun ẹnrẹn, ne uwa zẹ ọduẹ ye ehe ne ọ viọ oka yi. Wa si emwi ne uwa fu viọ vbọ gboo, zẹ vbe ne a si avbe ọka gboo! Wa fuẹn ẹvbo ni uan! Wa ghẹ sẹ emwi ọkpa rae vbọ hiehiere!

Jerimaia 50:26 ပူးပေါင်းရင်းမြစ်များ

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 14:23

I gha ya e Babilọn khian otọe ne ọ gbe ẹvbi, avbe esughusughu ọ re ọ ghi gha rre evba. I gha ya owẹ ne ọ gha, kpolo emwi hia gha rrie, kpolo e Babilọn, Mẹ ne Nọyaẹnmwa ne Udazi ọ re ọ tae.”

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 45:3

I gha viọ emwi ighobioye guẹ kevbe avbe ẹkhokho ni so ebiebi rre, ẹghẹ nii ọ re u gha na rẹn wẹ mẹ ọrọre Nọyaẹnmwa. Kevbe wẹ Osanobua ọghe Izrẹl ọ re ọ so eni ruẹn ya tie ruẹ.

Aizaia 5:26

E Nọyaẹnmwa ru iyama nẹ wẹ ne a tie uhunmwu ẹvbo okpa ne ọ rre urria rre. Ọ fi ewọe gie iran wẹ ne iran ke ehe ne agbọn sẹe gha dee. Ghe vbe iran zẹgiẹgiẹ ya ululẹ dee.

Jerimaia 50:10

Iran gha fu emwi viọ vbe Babilọn. Iran ni fu emwi viọ vbọ gha viọ emwi nẹ ọ yẹ iran. Mẹ ne Nọyaẹnmwa tae nẹ.”

Jerimaia 50:13

Rhunmwuda ohu mwẹ, ọmwa ne ọ gha yin e Babilọn i ghi rrọ, te a ra yae khian itowa, emwa ni la evba hia, ọ gha yan iran unu an, orrirri ghi vbe gbe ku iran.

Jerimaia 50:15

Wa kpe orhu okuo lẹga ọre ẹvbo nii hia. Banbanna nian, e Babilọn de igue nẹ. A ha uvun la ekẹn ọnrẹn gberra, a keghi dunmwu ẹn ruan sẹ otọ. Te I ghi rria e Babilọn ikhi na. Rhunmwuda ọnii nian, wa vbe rria iran ikhi, ne uwa ru iran zẹ vbene iran vbe ru emwa ọvbehe.

Jerimaia 50:23

“E Babilọn ye umọmọ dunmwu agbọn na hia ukhiọnmwẹ ukhiọnmwẹ. Banbanna nian, nene umọmọ zanzan an, emwi ne ọ rruan ẹvbo nii, wa yan uhunmwu ẹvbo hia unu an.

Jerimaia 50:41

Arhin eso ke odẹ okuọ dee, okpẹvbo ne ọ wegbe ne ọ rrei ẹsẹse; avbe ọba nibun wa mu egbe okuo.

Jerimaia 51:44

I gha rri e Bẹl ne ẹbọ e Babilọn oya, I ghi ru ẹe ne ọ viọ avbe emwi ne ọ do hẹ ladian. Avbe uhunmwu ẹvbo i ghi ra dọlegbe gho ẹre ọvbehe. “Ekẹn e Babilọn dele.

Jerimaia 51:64

U ghi vbe kha wẹẹ, ‘Emwi ne ọ ra rruan e Babilọn ọ re ọ na khin ọ gha dinmwi, ẹ i ghi ra vbe dọlegbe laghe odukhunmwu, rhunmwuda ọkhọ ne Nọyaẹnmwa ra gie ẹe do sunu vbe egbe ẹre.’ ” Ẹmwẹ e Jerimaia fo vbe emwa.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Matiu 6:26

Wa ghe avbe ahianmwẹ ni tin yo tin rre. Iran i kọ, iran i rhọ, iran i mwẹ erru. Erha uwa ne ọ rre ẹrinmwi ọre ọ koko iran. Ive ne ọ rre uwa uhunmwu ma ye ọgbin igho sẹ ọghe ahianmwẹ ra!

Arhie Maan 14:19

Rhunmwuda ọnii, odibosa keghi fieghe abẹkpẹn ọnrẹn ghe agbọn, ọ keghi giagia ọmọ azara hin avbe azara rre, ọ ke viọ ehia ku uwu okọ ne a na ru ẹdin oghẹ izohu Osanobua.

Arhie Maan 19:15

Umozo ne ọ mu ne ọ ra ya khọn uhunmwu ẹvbo hia mu otọ kegha ke unu ẹnrẹn ladian. Ọkpọ ematọn ọre ọ khian ya gha khaemwisẹ yan iran, ọ gha vbe balọ ayọn ne ọ rre uwu okọ izohu Osanobua ne Oghodua ladian.