Jerimaia 50:20 - Edo Bible (E Baibol Ẹdo) Version 1996

²⁰ Ọ gha sẹ ẹghẹ nii, a i ghi ra miẹn orukhọ vbe Izrẹl, ra uyinmwẹ dan vbe Juda rhunmwuda, I gha ya orukhọ bọ avbe emwa ni fi yi vbọ. Mẹ ne Nọyaẹnmwa taa ẹe nẹ.”

Jerimaia 50:20 ပူးပေါင်းရင်းမြစ်များ

Psalm 103:12

Zẹ vbe ne ahọ rrei ne orrie, erriọ rẹn vbe mu orukhọ mwa khian rrei ne ima.

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Psalm 85:3

u dobọ ohu ne a mu ghe iran yi, u keghi vbe gbe ibiẹ rriẹ vbe ohu ruẹ nọkhua.

Aizaia 1:9

Akpawẹ ẹ ire ne Nọyaẹnmwa ne Oghodua na gie eso miẹn uhunmwu vbọ, iran gha wa fuẹn e Jerusalẹm uan fẹẹrẹ zẹvbe Sọdom kevbe Gomorra.

Aizaia 10:21

Ibozẹghẹ vbe uwu ivbi Izrẹl gha dọlegbe bu Osanobua iran ne ọ mwẹ ẹtin gha dee.

Aizaia 33:24

A i ghi vbe miẹn orhiọnkpa vbe ẹvbo ima ne ọ gha kha wẹ rẹn khuọnmwi, a gha vbe ya orukhọ hia bọ ọmwa.

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 44:22

I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Jerimaia 33:15

Ẹghẹ nii, I ghi zẹ ovbi uniẹn e Devid ne ọ maa, zẹ vbe ọba. Ọba nii gha ru emwi ne ọ ghae kevbe ne ọ hẹnhẹn vbe otọe nii hia.

Jerimaia 33:8

I gha khue iran huan hin orukhọ ne iran ru ghe mwẹ, I ghi vbe ya orukhọ kevbe isọtẹ iran bọ iran.

Jerimaia 44:14

Avbe ivbi e Juda ne a sẹrae, ni vbe dọlegbe gha die Igipt, okpa ne ọ ra miẹn uhunmwu i rrọọ. Ọkpa ne ọ gha werriegbe rrie Juda i rrọọ, ehe ne ọ te khọn iran ne iran dọlegbe ya yin nii. Ọmwa okpa ne ọ gha dọlegbe rre i rrọọ gberra omwa ibọzẹghẹ ni lẹ hin owa rre do lẹre vbe evba.”

Jerimaia 50:4

E Nọyaẹnmwa khare wẹẹ, “Ọ gha sẹ ẹghẹ nii, ke ivbi Izrẹl, ke ivbi e Juda gha ye eve gha dee, iran ghi gha gualọ imẹ ne Osanobua iran.

Eve Orriara 4:22

E Zaiọn rrii oya ye orukhọ ne ọ ru nẹ, e Nọyaẹnmwa i ghi ra sẹ mwa rae ye iwe ọvbehe. Sokpan, e Nọyaẹnmwa gha rri uwa oya, wẹ Idọm. Ọ gha we ruẹ uhe ua vbekpa emwi irriabe ne u ru.

Ezikiẹl 18:22

A gha ya orukhọ ẹre hia bọ ẹe, ọ ghi diagbọnya rhunmwuda, ọ ru emwi ne ọ kere.

Maika 7:19

U gha dọlegbe tohan mwa uhukpa bare. U gha ya owẹ rrilo orukhọ mwa mu otọ u ghi kpolo ẹe ku ototọ okun!

Zẹfanaia 3:12

I gha sẹ avbe ọmẹhẹ ni mu egberriotọ rae ye evba, iran na ọ re ọ gha do gha nọ iyobọ vbe obọ mwẹ.

Zẹkaraia 3:9

I ra mu okuta ne ọ mwẹ aro ihinrọn ye odaro Jọsua. I gha gbẹn emwi yọ, I gha viọ orukhọ otọe na kua vbe ikpẹdẹ ọkpa kẹkan.

Nọmbas 23:21

I miẹn ọẹn nẹ wẹ ẹbe ra ọkhọ ẹ i rre ivbi Izrẹl ẹdẹ na khuẹ, e Nọyaẹnmwa ne Osanobua iran rrọ ne iran.

Iwinna 3:19

Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Ebe ne Pọl gbẹẹn gie emwa Rom 11:6

Itohan rẹn ọre ọ lele zẹ emwa ne ọ hannọ zẹ ighẹ ẹ i re rhunmwuda uyinmwẹ iran. Rhunmwuda, akpawẹ rhunmwuda uyinmwẹ emwa ọre Osanobua ya hannọ emwa zẹ, itohan rẹn i ghẹ ghi gha re itohan ẹmwata.

Ebe ne Pọl gbẹẹn gie emwa Rom 5:16

Alughaẹn vbe rrọọ ne emwi ne Osanobua ya ru ọmwa ẹse kevbe orukhọ orhiọnkpa. Orhiọnkpa ghi ru orukhọ nẹ, a keghi bu ohiẹn wẹ, “Ọ rri abe” sokpan vbe iyeke orukhọ ni bun ọre a na miẹn ọhẹ, “Ọ ma rri abe” rhie vbe nọ ma na khẹ ke ọmwa.

Ebe ne Pọl gbẹẹn gie emwa Rom 6:13

Ra ne uwa vbe fan obọ egbe uwa rhọkpa ne orukhọ, ne a gha lo ẹre ye odẹ ọkhọ, sokpan wa fan obọ egbe uwa ne Osanobua zẹ vbe emwa ne a viọ ke uwu ladian la ẹfe nẹ, wa ghi zẹ egbe uwa hia obọ nẹẹn, ne ọ gha lo ẹre ye odẹ ẹmwata.

II Pita 3:15

Wa gha ka i ziengbe Nọyaẹnmwa ye ẹkpo otọ ne ọ rhie ne uwa, ne a ya miẹn uwa fan, zẹ vbene ọtẹn mwa ighẹ Pọl ya ẹwaẹn ne Osanobua rhie nẹẹn gbẹn ebe ẹre gie uwa.