Jerimaia 50:15 - Edo Bible (E Baibol Ẹdo) Version 1996

¹⁵ Wa kpe orhu okuo lẹga ọre ẹvbo nii hia. Banbanna nian, e Babilọn de igue nẹ. A ha uvun la ekẹn ọnrẹn gberra, a keghi dunmwu ẹn ruan sẹ otọ. Te I ghi rria e Babilọn ikhi na. Rhunmwuda ọnii nian, wa vbe rria iran ikhi, ne uwa ru iran zẹ vbene iran vbe ru emwa ọvbehe.

Jerimaia 50:15 ပူးပေါင်းရင်းမြစ်များ

I Krọnikol 29:24

Iran ni rre asẹ hia kevbe avbe ivbiyokuo, uhin ya sẹ egbe ivbi e Devid nekpa, keghi yan wẹ iran gha ye ekhọe ga e Solomọn zẹ vbe ọba.

II Krọnikol 30:8

Wa ghẹ ze vbe udu vbene iran ye, sokpan, wa họn ẹmwẹ ne Nọyaẹnmwa. Wa gha die Ọgua Osa ne ọ rre Jerusalẹm, ehe ne Nọyaẹnmwa ya khian ne ọ huanrẹn nẹ ẹdẹdẹmwẹdẹ, ne uwa do ga ẹe, ne ọ ghẹ ghi mu ohu ghe uwa.

Psalm 149:7

Ne iran ya khọn avbe uhunmwu ẹvbo muotọ, ne iran vbe rri avbe emwa ni oya.

Psalm 94:1

Nọyaẹnmwa, Osanobua ne ọ rri ọmwa oya ye ọkhọ ọ re uwẹ khin; rhie izohu ruẹ maa!

Aizaia 59:17

Ọ gha mu ẹmwata yọ zẹ vbe ẹwu ematọn okuo, kevbe akhọnmiotọ zẹvbe ẹrhu ẹgere. Ọ gha ye amuegbe ne a ya dọlọ emwi hia yi yọ egbe ẹre ẹwu kevbe ne a ya rri emwa oya ne a ya rria ikhi ye emwi dan ne a ru emwa ẹre.

Aizaia 59:18

Ọ gha rri eghian rẹn oya zẹ vbe emwi ne iran vbe ru, ya sẹ egbe iran ni rre odẹ ne ọ rrei.

Aizaia 61:2

Ọ gie mwẹ ne I ya kha, wẹ ẹghẹ sẹ nẹ, ne Nọyaẹnmwa gha ya miẹn emwa rẹn fan. Ọ ghi vbe khọn eghian iran muotọ. Ọ giee mwẹ nẹ I ya fu iran ni khiẹ ẹko rre,

Aizaia 63:4

Te I khare wẹ, ẹghẹ sẹe nẹ ne I gha na miẹn avbe emwa mwẹ fan, ẹghẹ sẹe nẹ ne I gha na rri eghian iran oya.

Jerimaia 46:10

Ẹdẹ Osanobua ne Udazi ne Oghodua ọ na khin ẹdẹnẹrẹ na, ọ ra kioya ẹdẹnẹrẹ na, ọ gha rria avbe eghian rẹn ikhi. Umozo ẹre gha rri iran ne ẹko vuọn ẹẹn ọ gha vbe wọn esagiẹn iran ẹko te do vuọn ẹẹn. Ẹdẹnẹrẹ na ọ re Oghodua ra ye avbe oghunmwu ẹnrẹn zọ ese vbe odẹ okuọ, vbe ọkpẹn e Yufretes.

Jerimaia 50:14

“Wa ni fi uhanbọ, wa ghae ye okuo ne uwa lẹga e Babilọn. Wa ya ifẹnmwẹ uwa hia filo e Babilọn, rhunmwuda, ọ sẹ ẹmwẹ mwẹ nẹ, mẹ ne Nọyaẹnmwa.

Jerimaia 50:25

I kie aza ne I viọ emwi igbinna mwẹ yi nẹ, I keghi vbe ya ohu viọ iran ladian, rhunmwuda, mẹ ne Nọyaẹnmwa ne Udazi, e Nọyaẹnmwa ne Oghodua, mwẹ emwi ne I ra ru vbe Babilọn.

Jerimaia 50:44

“Mẹ ne Nọyaẹnmwa gha ke uwu ẹgbo ladian zẹvbe oduma, vbe ẹkpo e Jọdan kevbe otọe ne avbe aranmwẹ na rria, I ghi ru ẹe ne ivbi e Jọdan ya ugbugbe lẹ hin ẹvbo iran rre, ẹghẹ nii, ọkaolotu ne I zẹe, gha kha yan otọe nii. De ọmwa ne uwa ra ya gie mwẹ yi? De ọmwa ne ohan gha gie ẹe gunmwẹ suan yi?

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Jerimaia 51:14

Nọyaẹnmwa ne Oghodua ọ re ọ tobọ ẹre ya arrọọ irẹn tobọ ẹre vẹn ihẹn wẹ, rẹn gha viọ emwa nibun rre ne iran do gu e Babilọn gbinna zẹ vbe irhiso, iran gha vbe we uwemwẹ akhọnmiotọ.

Jerimaia 51:24

E Nọyaẹnmwa khare wẹẹ, “Wa gha miẹn ọẹn vbe I a gha ha e Babilọn osa emwi dan ne iran ru vbe Jerusalẹm.

Jerimaia 51:25

E Babilọn, te u yevbe oke ne ọ fuẹn uhunmwu otọ agbọn hia, sokpan, mẹ ne Nọyaẹnmwa, oghian ruẹn ọ re imẹ khin. I gha dobọ mu ẹẹn, I ghi guoghọ ọ sẹ otọ, I ghi ya uwẹ khian emuẹn.

Jerimaia 51:30

Avbe ivbiyokuo e Babilọn dobọ igbinna yi nẹ, iran vbe mudia ye okhiẹ ẹvbo iran. “Ẹtin fo iran nẹ, te iran ghi yevbe ikhuo. A guọghọ onurho ẹvbo nii sotọ nẹ avbe owa ni rrọ hia gha giẹn.

Jerimaia 51:36

Ẹre Nọyaẹnmwa na tama ivbi e Jerusalẹm wẹẹ, “I gha mu ẹzọ ruẹ gui, I ghi vbe ru ẹe ne avbe eghian rri oya ye emwi ne iran ru uwa re. I gha si uhunmwu ẹzẹ e Babilọn ka, I ghi vbe gie avbe ẹzẹ ọre ka.

Jerimaia 51:44

I gha rri e Bẹl ne ẹbọ e Babilọn oya, I ghi ru ẹe ne ọ viọ avbe emwi ne ọ do hẹ ladian. Avbe uhunmwu ẹvbo i ghi ra dọlegbe gho ẹre ọvbehe. “Ekẹn e Babilọn dele.

Jerimaia 51:58

A gha rrua ekẹn e Babilọn nọkhua gbe otọ. A ghi vbe giẹn avbe ẹkhu ẹre ne ẹrẹkhẹrẹ sẹ otọ. Iwinna avbe uhunmwu ẹvbo khian ekẹkan, ẹsọn iran giẹn uan vbe erhẹn. Mẹ ne Nọyaẹnmwa ne Oghodua guaan nẹ.”

Jerimaia 51:6

Wa lẹ ladian vbe Babilọn! Wa lẹ rhie uhunmwu hin ẹbe rre! Wa ghẹ gie a gbele uwa ye orukhọ e Babilọn. Te imẹ rria ẹre ikhi na, I ra vbe rri ọre oya ne ọ ma ẹẹn.

Jerimaia 51:64

U ghi vbe kha wẹẹ, ‘Emwi ne ọ ra rruan e Babilọn ọ re ọ na khin ọ gha dinmwi, ẹ i ghi ra vbe dọlegbe laghe odukhunmwu, rhunmwuda ọkhọ ne Nọyaẹnmwa ra gie ẹe do sunu vbe egbe ẹre.’ ” Ẹmwẹ e Jerimaia fo vbe emwa.

Eve Orriara 5:6

Igipt kevbe Asiria ọ re ima na ya gha vbu evbare, ne a miẹn ya da orhiọn yi.

Ezikiẹl 17:18

Ọ rri ihen ne ọ vẹn, ọ rra ebe ne ọ rhie obọ yi. Ọ ru avbe emwi na hia, banbanna nian, ẹ i miẹn uhunmwu.”

Ezikiẹl 21:22

Ẹn hẹn! Obọ erha ọmwa rẹn gua ifẹnmwẹ ne a gbẹn ‘Jerusalẹm’ yi rhie. Ọ tama rẹn wẹ ne ọ ya yọ emwi igbinna, ne ọ ya go ugomwẹ okuo, ne ọ mwamwa emwi igbinna yo odẹ ne a la larọ, ne ọ tọnnọ ekẹn gbe odẹ ke ne ọ tọnnọ uvun yọ.

Nahum 1:2

E Nọyaẹnmwa i zẹdẹ kue ne ọmwaikọmwa gu ẹe mwa ẹrrẹe; te ọ rri iran ni gbe odan ghe ẹre oya. Ọ ha ẹre werriegbe ne iran vbe ohu ẹre.

Matiu 7:2

Rhunmwuda vbene uwa ya bu ohiẹn ẹrrẹ, ọre Osanobua ra vbe ya bu ọghe uwa. Omwa ne uwa ya mwa ne ẹrrẹ, ọre a ra vbe ya mwa ne uwa.

Iyẹn ne ọ Maan Ọghe Luk 21:22

Rhunmwuda ‘Ẹdẹ Irriakhi’ nọ ne a ya mu ẹmwẹ ne Ebe tae hia sẹ.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Ebe ne Pọl gbẹẹn gie emwa Rom 3:5

Sokpan a deghẹ a ghi miẹn wẹ emwi ne ima baku ru ọre ọ zẹẹ ighẹ a rẹn vbene Osanobua ru emwi ẹse hẹ vbo? Vbe ima gha ghi kha hẹ? Wẹ Osanobua ma ru ẹe ẹse vbe ọ gha rri ima oya? (Vbene emwa ne agbọn guan ọre I guan na.)

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

Diuteronomi 32:41

wẹ I gha lọ agbada mwẹ ne wainwain, I ghi miẹn wẹ a ru emwi ye vbene ọ kere. I gha rria avbe eghian mwẹ ikhi, I ghi rri iran ni khuiwu mwẹ oya.

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Jọsua 6:20

Ẹre avbe ohẹn na si orhu, ọwarọkpa vbe avbe emwa nii ghi wa họn ẹẹn, iran keghi kakabọ davan, ekẹn keghi de wiẹghẹ ua. Avbe emwa nii keghi wa rhulẹ la ore ẹvbo nii, iran na khọn rẹn muotọ.

Jọsua 6:5

“Ẹghẹ nii, iran ghi si ẹe uhukpa ne ọ kpẹe vbe otọ. Wa gha wa họn ọnii, emwa nii hia ghi wa davan, ekẹn ne a gbe lẹga ẹvbo nii gha wa de wiẹghẹ ye otọ. Dọmwadẹ ọghọe ghi wa khian ghe odaro la ore ẹvbo nii.”

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”

I Samuẹl 15:33

E Samuẹl keghi kha wẹẹ, “Vbene umozo ya iye nibun khian ne ẹ i ghi mwẹ emọ, erriọ ọ re iye uẹ ra vbe khian ne ẹ i ghi mwẹ ọmọ ẹrẹna.” Ọ keghi hele Agag ike yo odaro aka ne ọ rre Gilgal.