Jerimaia 50:1 - Edo Bible (E Baibol Ẹdo) Version 1996

¹ Uhunmwu ne Nọyaẹnmwa giee gunmwẹ vbekpa ore nọkhua e Babilọn kevbe emwa ni rrọọ ọ re ọna khin:

Jerimaia 50:1 ပူးပေါင်းရင်းမြစ်များ

Gẹnẹsis 10:10

Usun ẹvbo ne ọ kagha khaemwisẹ yan kegha re Babilọn, Frẹk kevbe Akad, iran eheha kegha rre otọe Sina.

Gẹnẹsis 11:31

Tẹra keghi rhie ovbi ẹre ighẹ Ebram, eyẹ ọre ighẹ Lọt ne ọ gha re ovbi e Haran, kevbe Serai ne amwẹ ovbi ẹre, amwẹ Ebram, ọ keghi viọ iran baegbe kpao vbe ẹvbo Ọọ ne ọ rre Babilonia rre, ne ọ gha rrie otọ Kenan. Iran khian sẹ Haran, ehe ne iran na mudia yin ẹnrẹn.

Gẹnẹsis 11:9

A keghi gha tie ẹvbo nii Babilọn, rhunmwuda, evba nii ọre Nọyaẹnmwa na gua ẹvbo ne iran ne emwa nii hia te zẹ, evba ọre ọ keghi zagha iran gba otọ agbọn hia.

II Samuẹl 23:2

Orhiọn e Nọyaẹnmwa guan la unu mwẹ rre, uhunmwu ne ọ gie rre akhuarhamwunu mwẹ.

II Ọba 17:24

Ọba Asiria keghi viọ emwa ke Babilọn gha dee kevbe Kut, Iva, Hamat kevbe Sefavim, ọ na do wẹ ne iran yin avbe ẹvbo e Sameria, ne iran do rhie ihe ivbi Izrẹl ne a hẹ gha rrie iwe. Iran keghi munọ avbe otọe na, iran na yin ẹnrẹn.

Job 1:17

Vbe irẹn ma he ye guan fo, ọguọmwadia ọvbehe keghi rre do kha wẹẹ, “Otu izigan emwa Kialdia eha keghi rre, do hẹ rhu ima. Iran keghi munọ avbe e kamẹl hia viọ gha rrie, iran gbele avbe eguọmwadia ruẹ hia, mẹ ọkpa ọre ọ ghi kẹe. Mẹ ọkpa ọ re ọ miẹn uhunmwu, ọ re I na do tama ruẹn.”

Aizaia 14:4

Ọ gha ghi ru ọna nẹ, iran ghi do gha giẹ ọha e Babilọn wẹẹ: “Ọba ne ekhọe dan nii dee gbotọ! Ẹ i ghi dọlegbe wọ ọmwa rhọkpa uhunmwu ọvbehe.

Aizaia 23:13

(Ivbi e Babilọn ọ re ọ gie avbe aranmwẹ akọn rẹnkhẹn e Taia rua ighe ẹ i re ivbi Asiria. Ivbi e Babilọn ọ re ọ bọlọ owa ọkhẹ ya ghae ga e Taia, iran keghi guọghọ emwi ne a ya gba ogba lẹga ẹre sotọ, iran na ya ẹvbo nii khian itowa iran ke sẹ ọe rae.)

Jerimaia 25:12

“ ‘Vbe iyekọnii, I gha do rri e Babilọn kevbe ọba ẹre oya ye orukhọ iran. I gha fuẹn ẹvbo nii, I gha ya ẹe khian itowa ẹdẹdẹmwẹdẹ.

Jerimaia 27:7

Te uhunmwu ẹvbo hia ra gae, iran ghi ga ovbi ẹre, iran ghi vbe ga eyẹ ọre ọ te do sẹ ẹghẹ ne uhunmwu ẹvbo ọghọe gha ya de. Ẹghẹ nii, uhunmwu ẹvbo ọghọe ghi gha gae avbe uhunmwu ẹvbo ni mwẹ ẹtin kevbe avbe ọba nekhua.

Daniẹl 1:1

Ugbẹn vbe ọ ghi rre ukpo eha ne Jehoiakim rriọba vbe Juda, e Nebukiadneza ne ọba e Babilọn keghi mu okuo gha die Jerusalẹm, ọ na ghae ga ẹvbo nii.

Iwinna 7:4

Rhunmwuda ọnii, rẹn keghi kpao vbe Kialdia rre, ọ na ya yin Haran. Erha Ebraham ghi wu nẹ, Osanobua na wẹ ne ọ si gha die ẹvbo na ne uwa ye na.

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.

Arhie Maan 14:8

Odibosa ogieva keghi lele ne okaro, ọ khare wẹ, “Ọ de guọghọ ua nẹ, Babilọn nọkhua de guọghọ ua nẹ, Ọ mu ayọn ne emwa, ọ si iran da ẹe ayọn ne ọ wo vbe egbe ọghe orriarria alama oghẹ ọre!”