Jerimaia 5:9 - Edo Bible (E Baibol Ẹdo) Version 1996

⁹ Ọ ma kei ne I rri iran oya ye emwi na ra, ne I vbe rria ẹvbo nii ikhi ye emwi vbenian?

Jerimaia 5:9 ပူးပေါင်းရင်းမြစ်များ

Itan 6:29

Erriọ ọ re ọ wa vbe rhia sẹ zẹẹ ne ọmwa rhikhan mu amwẹ ẹrrẹe. ọmwa ne ọ rhirhi danmwẹ ọẹn, ọ gha rrioya.

Aizaia 1:24

Rhunmwuda ọnii nian, danmwehọ vbene ọ kha hẹ ighe e Nọyaẹnmwa ne Oghodua, Osanobua ne ọ mwẹ ẹtin ọghe Izrẹl: “I gha rria uwa ikhi, wa ne eghian mwẹ, wa i ghi ra gha kpokpo mwẹ ọvbehe.

Aizaia 57:6

Wa viọ okuta ikpẹbọ ke evba gha dee, wa ghi ya gho iran zẹ vbe ẹbọ. Wa ghi gha sa ayọn ye otọ zẹvbe emwi ne a ya zọ ese ghe iran, wa ghi vbe gha viọ ọka gie iran vbe emwi izọ ese. Wa yayi wẹ avbe emwi na yẹ mwẹ ra?

Jerimaia 23:2

Vbenian, ọ re Nọyaẹnmwa ne Osanobua Izrẹl khare vbekpa ọkaolotu ne ọ te kei ne ọ gha gbearoghe emwa rẹn: “Wa ma gbearoghe emwa mwẹ, wa zagha iran an, wa keghi khulo iran kua. Banbanna nian, I ra do rri uwa oya ye emwi dan ne uwa ru.

Jerimaia 32:31

Emwa ni rre ẹvbo na, ya ohu mu mwẹ nẹ, ohu ọba nabe vbe ikpẹdẹ ne a wa mu ẹẹn gbọọ. I tae wẹ te I ra fuẹn ọnrẹn uan.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Jerimaia 5:10

I gha gie avbe eghian ne iran do giagia azara emwa mwẹ ku otọ, sokpan, ne iran ghẹ wa fuẹn ọnrẹn uan fẹẹrẹ. I gha wẹ ne iran giagia ẹre abọ kua, rhunmwuda, avbe abọ nii i re ọghomwẹ.

Jerimaia 5:29

“Sokpan, mẹ ne Nọyaẹnmwa gha rria iran ikhi ye emwi na, I gha rria uhunmwu ẹvbo na ikhi.

Jerimaia 6:11

Ohu iran ne ọ mu ẹẹn wa vbe giẹn vbe erhẹn vbe uwu ime, Nọyaẹnmwa, I i ghi sẹtin zin ẹnrẹn ọvbehe.” Ẹre Nọyaẹnmwa na tama mwẹ wẹẹ, “Hihiẹ ohu mwẹ yan avbe ibiẹka vbe adesẹ ore, kevbe ye ehe ne avbe igbama na si koko. A gha viọ avbe ọdọ kevbe avbe amwẹ kpao, a i ra vbe sẹ avbe ọmaẹn rae.

Jerimaia 6:6

E Nọyaẹnmwa ne Oghodua tama avbe ọba nẹ wẹ ne iran gia erhan gbotọ, ne iran ma utete, ne iran miẹn ehe na khọn la Jerusalẹm. Rẹn kha ne wẹẹ, “I gha rria okpẹvbo nii ikhi rhunmwuda a wọ emwa uhunmwu wa rrọọ.

Jerimaia 9:8

Aranmwẹ iran yevbe ifẹnmwẹ obi, ohoghe iran wa ta ẹghẹ hia. Dọmwadẹ ọghọe ghi gha ta ẹmwẹ ne ọ rhiẹnrhiẹn ma ogieva ẹre sokpan vbe ne ẹmwata, ọ gha khuẹn ifi khẹ ọre.

Jerimaia 9:9

Mẹ i ra rria iran ikhi ye emwi vbenian ra? Mẹ i ra rria ẹvbo ne ọ ye vbenian ikhi ra? Mẹ ne Nọyaẹnmwa tae nẹ.”

Eve Orriara 3:42

“Ma ru orukhọ nẹ, a keghi vbe sọtẹ wẹ ne Nọyaẹnmwa ma vbe yabọ mwa.

Eve Orriara 4:22

E Zaiọn rrii oya ye orukhọ ne ọ ru nẹ, e Nọyaẹnmwa i ghi ra sẹ mwa rae ye iwe ọvbehe. Sokpan, e Nọyaẹnmwa gha rri uwa oya, wẹ Idọm. Ọ gha we ruẹ uhe ua vbekpa emwi irriabe ne u ru.

Ezikiẹl 7:9

Mẹ i ra sẹ uwa rae, ra ne I tohan uwa. I ra rria uwa ikhi ye uyinmwẹ ne ọ hu ẹko ne uwa yinrin, nu uwa miẹn ehe na rẹn wẹ mẹ ọrọre Nọyaẹnmwa kevbe wẹ, mẹ ọ re ọ rri uwa oya.”

Hozia 2:13

I gha rria ẹre ikhi ye ẹghẹ ne ọ ya mianmian mwẹ, ọ na ya gha giẹn eturari ne Baal, ọ na silo ikpẹrọnmwọ ye egbe rhikhan lele avbe esiọre. E Nọyaẹnmwa taa ẹe nẹ.

Hozia 8:13

Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Levitikọs 18:25

Uyinmwẹ iran keghi mu awua ye otọe nii, rhunmwuda ọnii, ọre Nọyaẹnmwa na rria otọe nii ikhi, vbe ne ọ na ya ẹe gha zẹ emwa ni yin ẹnrẹn owẹ.

Levitikọs 26:25

I ghi si okuo yi uwa egbe ne I ya rri uwa oya ye ne uwa na rhie obọ gberra ile ne ima gba ta, wa na ya si egbe koko ye ẹvbo uwa ne obọ ghẹ vba uwa, I ghi gie emianmwẹ nẹ i mwẹ ukhunmwu gie uwa, ẹ i re aro sẹẹnrẹn wa gha ya de ye igue vbe odaro avbe eghian uwa.

Nahum 1:2

E Nọyaẹnmwa i zẹdẹ kue ne ọmwaikọmwa gu ẹe mwa ẹrrẹe; te ọ rri iran ni gbe odan ghe ẹre oya. Ọ ha ẹre werriegbe ne iran vbe ohu ẹre.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”