Jerimaia 5:31 - Edo Bible (E Baibol Ẹdo) Version 1996

³¹ Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Jerimaia 5:31 ပူးပေါင်းရင်းမြစ်များ

I Ọba 22:6

Ẹre Ehab na tie avbe akhasẹ ọre ne ọ re omwa uri eva, ọ keghi nọ iran wẹẹ, “Ne I ya gu Ramọt gbinna ra ne I ghẹ yo?” Iran wanniẹn wẹẹ, “Ya khọn rẹn ighẹ e Nọyaẹnmwa gha rhie akhọnmiotọ nuẹn.”

Itan 17:4

Emwa dan ghi gha danmwehọ emwa dan, avbe ọhọn ohoghe ghi vbe gha danmwehọ ohoghe.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 20:6

Ọ gha sẹ ẹghẹ nii, iran ni yin lele eghute ọghe Filistia gha kha wẹẹ, ‘Wa ghe emwi ne ọ sunu vbe egbe emwa ne ima rhie aro yi ighẹ ọ gha miẹn ima fan vbe obọ ọba Asiria, vbe ima ra ya miẹn uhunmwu hẹẹ?’ ”

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Aizaia 43:27

Avbe erha uwa nikaro ru orukhọ, iran ni khaemwisẹ yan uwa rukhọ ghe mwẹ,

Aizaia 47:7

Te u te gha ro ighẹ oloi ọ re u ra gha khin ẹdẹdẹmwẹdẹ, u ma rhie avbe emwi na ye ekhọe ra ne u roro emwi ne ọ gha ke ẹre ikian.

Jerimaia 12:4

Inu ẹghẹ ọ re otọe mwa ra ye hiahia a hia la? Ne irunmwu ni rre oha hia ra na luẹluẹ? Aranmwẹ kevbe ahianmwẹ gha wulo, rhunmwuda ekhọe dan ọghe emwa ima, iran ni kha wẹẹ, “Osanobua i dẹghe emwi ne ima ru.”

Jerimaia 14:14

Sokpan, e Nọyaẹnmwa ke wanniẹn wẹẹ, “Te avbe akhasẹ nii ta ohoghe vbe eni mwẹ, I ma gie iran, ama ghi wẹ ne I tama iran wẹ ne iran ta ẹmwẹ okpa ma iran. Umian ne iran kha nii ẹ i re ehe ne I ye ọ re iran ke rre, emwi ne ọ mwa ma ne iran zẹ iro ẹre vbe ekhọe iran, ọ re ẹmwẹ ne iran ta yotọ khin.

Jerimaia 26:7

Avbe ohẹn, avbe akhasẹ, kevbe avbe emwa ni hia họẹn vbe I ta ẹmwẹ na vbe Ọgua Osa.

Eve Orriara 1:9

Te a wa rherhe rẹn wẹ ọ ma huan sokpan, rẹn ma zẹ ye emwi ne ọ sunu vbe egbe irẹn. Udemwẹ ọnrẹn kegha re ne ọ mu ohan; ọmwa ne ọ gha sẹtin fu ẹre ẹko rre i rrọọ. Obọ avbe eghian gba ẹre nẹ, Te ọ ghi tu nọ itohan vbe obọ e Nọyaẹnmwa.

Eve Orriara 2:14

Avbe akhasẹ, ruẹ i miẹn ẹmwẹ tama ruẹn gberra ohoghe, orhu ne iran kpe keghi de ruẹ odẹ rhunmwuda, iran ma vẹ orukhọ ruẹ uhe ua iran keghi ya uwẹ gha ro ighe orukhọ ne u gha rhunmwuda ẹre fiwerriẹ, irrọ.

Eve Orriara 4:13

Sokpan, ọ sunu, rhunmwuda, avbe akhasẹ ọ re ọ rukhọ avbe ohẹn ọnrẹn vbe rriabe wẹ, iran ọ re ọ gie avbe emwa ni ma rukhọ wulo.

Eve Orriara 4:18

Eghian mwa kegha baba mwẹ; ohan ma ghi gie ima khian ladian ore. Ẹghẹ mwa gberra nẹ, ufomwẹ rre nẹ.

Ezikiẹl 13:10

“Avbe akhasẹ ọ re ọ de avbe emwa mwẹ odẹ vbekpa ne iran na bọ ọma ọma ne iran. Ẹ i zẹdẹ ye ẹse hiehiere. Avbe emwa mwẹ ye okuta ne wẹghẹwẹghẹ gbe ekẹn ọlẹga ẹvbo nẹ, avbe akhasẹ na do ya orhue dọlọ ẹe.

Ezikiẹl 13:6

Imamase ọ re umian iran khin, ohoghe ọ re ẹmwẹ ne iran guan yotọ vbe khin. Iran ghi kha wẹ uhunmwu ne I gie ọ re iran ta, vberriọ, I ma zẹdẹ gie iran. Iran ghi ye vbe gha kha wẹ ẹmwẹ iran gha sẹ!

Ezikiẹl 22:14

Te uwa ro ighe orhiọn gha ye gha rre uwa re, ra ne uwa ye miẹn orhiọn ya tọn obọ mu vbe i a ghi ru uwa emwi nẹ? Mẹ ne Nọyaẹnmwa ọ re ọ guan, I gha taa ẹmwẹ nẹ, te I ru ẹe.

Hozia 4:9

“Oya ne a gha rri emwa ni re ọ re a gha vbe rri uwa ẹre! I gha rri uwa oya, I ghi vbe ru ẹe ne uwa ha osa emwi dan ne uwa ru.

Hozia 6:10

Aro mwẹ miẹn emwi ne ọ ye izegbe zẹ ọmwa vbe Izrẹl. Emwa mwẹ mu awua ye egbe iran vbe ne iran na gha ru ẹbọ.

Hozia 9:5

Ẹghẹ ne a bu yọ ne a ya ru emwiukpo e Nọyaẹnmwa ghẹ ghi sẹ, vbe iran a ra ru hẹ?

Maika 2:11

“Egbe akhasẹ ne iran na ho ọrọre ne ọ talọ ohoghe kevbe ne ọ rẹrẹ emwa, ne ọ vbe kha wẹẹ, ‘I ta ẹe zẹ vbe akhasẹ wẹ ayọn kevbe emwi ne a da gha kpọkua ne uwa!’

Maika 2:6

Emwa nii gha na iyẹn mwẹ iran wẹẹ, “Ghẹ ghi ya unu salọ ima. Ghẹ ghi talọ egbe ẹmwẹ nii. Osanobua i fa ima an.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Zẹfanaia 3:4

Avbe akhasẹ nii rrọ ma rẹn enegbe, uma dan iran si, avbe ohẹn ghi gha ru awua avbe emwi nihuanrẹn, iran gha khiẹn uhi Osanobua ne ọ miẹn ehe na gua emwi ne iran ho ro.

Diuteronomi 32:20

Ọ keghi kha wẹẹ, ‘I i ghi dọlegbe ye iran obọ. Ẹghẹ nii, I gha miẹn emwi ne ọ gha rruan iran ighẹ, emwa ni ze vbe udu ne ẹ i gie a mu ẹtin yan na.’

Diuteronomi 32:29

Iran ma sẹtin rẹn emwi ne ọ gie obọ ke okhunmwu ne iran, iran ma sẹtin rẹn otọ emwi ni sunu.