Jerimaia 5:27 - Edo Bible (E Baibol Ẹdo) Version 1996

²⁷ Zẹ vbene ohuẹ viọ ahianmwẹ vuọn okhuae ẹre, erriọ ọ re iran viọ emwi ne iran furu vuọn owa iran. Ọnii ọ sii ẹe ne iran na fee kevbe ne iran na vbe mwẹ ẹtin.

Jerimaia 5:27 ပူးပေါင်းရင်းမြစ်များ

Job 12:6

Avbe oyi kevbe emwa ni ma rẹn Osanobua, ghi gha rrọọ vbe ọfumwegbe. A gha rhe miẹn wẹ, ẹtin obọ iran ọrọre Osanobua iran.

Aizaia 3:14

E Nọyaẹnmwa ra do buohiẹn avbe ediọn kevbe avbe ọkaolotu emwa irẹn, ọ baa iran ifi ẹzọ wẹẹ, “Wa ya de rhu avbe ogba azara, owa ọghe uwa vuọn ne emwi ne uwa miẹn avbe ivbiogue re.

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Jerimaia 8:5

Emwa mwẹ vbọzẹ yi ne uwa na fi iyeke gbe mwẹ wa i ghi dọlegbe werriegbe? Wa rhikhan mu ẹbọ uwa, wa ma ghi dọlegbe bu mwẹ gha dee.

Hozia 12:9

Sokpan, mẹ ne Nọyaẹnmwa ne Osanobua uwa, ne ọ viọ uwa ke Igipt ladian gha dee, I gha dọlegbe ru ẹe ne uwa dọlegbe ya gha di okhogbo ya. Zẹ vbene uwa gha ru ẹe vbe ẹghẹ ne I na bu uwa rre vbe uwu ato.

Maika 1:12

Ivbi e Marọt rhie aro ye odẹ gha khẹ ne a bu iran rre, rhunmwuda, e Nọyaẹnmwa si ọkhọ kẹ ore Jerusalẹm nẹ.

Zẹfanaia 1:9

I gha rri iran hia oya ighẹ iran ni ru ugamwẹ zẹ vbe ivbi ẹbọ, iran ni rha, ni vbe do izigha ne a miẹn ehe na ye emwi ne a fu hẹ vuọn owa arowa iran; deba erẹrẹ kevbe uyinmwẹ ne ọ wegbe.

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.