Jerimaia 5:22 - Edo Bible (E Baibol Ẹdo) Version 1996

²² Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.

Jerimaia 5:22 ပူးပေါင်းရင်းမြစ်များ

Gẹnẹsis 1:9

Osanobua keghi kha wẹẹ, “Gie amẹ ni rre ototọ iso si koko ye ihọkpa ne otọe miẹn ehe na ladian.” Ọ keghi gha ye rriọ.

I Ọba 13:28

rẹn keghi hin ẹnrẹn, ọ keghi do vba ikun akhasẹ vbe otọ vbe odẹ, oduma ni kevbe ekẹtẹkẹtẹ ni na mudia ke ẹe. Oduma ni ma rri ikun ẹnrẹn ra ne ọ gu ekẹtẹkẹtẹ ni gbinna.

Job 26:10

Ọ ya uviẹn okhiokhi ne ọ vin ye okun, ọ ma vbe giẹ ukhuamwẹ ihẹ ne ọ mu, ya ẹe vẹ ua, wannọ uwanmwẹ hin ebiebi rre.

Job 37:24

Ẹkhabe ne ohan rẹn na mu emwa hia, ne ẹ i na vbe zẹ ye iran ẹre ighẹ iran ni wẹ iran wan.”

Job 38:8

“De ọmwa ne ọ khui urho ke okun yi vbe ẹghẹ ne ọ na vẹ ke uwu otọ ladian?

Psalm 104:9

U mwa uwu yọ, iran i sẹtin gberra evba, ne a ghẹ gie iran ya dọlegbe rhu agbọn ginna otọ.

Psalm 119:120

Ohan mu mwẹ rhunmwuda ruẹ, ohan gba mwẹ ẹko rhunmwuda ibuohiẹn ruẹn.

Psalm 33:7

Ọ si avbe okun hia koko ye ihọkpa ọ keghi khui avbe odin amẹ okun ye aza ẹre.

Psalm 46:3

Ọ gha khọn okun ne ọ gha hu ne ọ vbe gha gbinna ne utuamwẹ ọnrẹn mu avbe oke rueghe.

Psalm 99:1

Osanobua ọrọre ọba, avbe emwa gha guọ. Ọ tota ye ẹkete ẹre vbe odukhunmwu avbe emwi ne a yi ni zẹlẹ ifuẹn, agbọn keghi mu rueghe.

Itan 8:29

ọna tama amẹ okun, wẹ ne ọ ghẹ gberra ehe ne irẹn khare. I rre evba vbe ọ gbe ẹyotọ agbọn na.

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Aizaia 64:2

Iran gha a guọ zẹ vbe amẹ ne ọ ti vbe erhẹn. Do rhie ẹtin ruẹn ma avbe eghian ruẹn, ne u vbe gie avbe uhunmwu ẹvbo gha guọ vbe odaro ruẹ.

Aizaia 66:5

Danmwehọ vbene Nọyaẹnmwa kha hẹ, wa ni mu ohan rẹn, ni vbe họn ẹmwẹ ne ẹẹn: “Rhunmwuda ighẹ wa rhie egbe mu mwẹ, eso vbe uwu avbe emwa khọ ẹko uwa, iran i vbe gu uwa mu obọ hiehiere. Iran ya uwa gbe ogiẹ, iran ghi vbe kha wẹẹ, ‘Wa gie Nọyaẹnmwa rhie ukpọlọmwẹ ọnrẹn ma nian, ne ọ miẹn uwa fan, ne ima miẹn ọẹn vbe uwa a gha ghọghọ.’ Sokpan, te a ra fa iran tobọ iran an.

Jerimaia 10:7

De ọmwa ne ẹ i ra ya ọghọ ne uẹn, ọba avbe uhunmwu ẹvbo, hia? U sẹe ne a yọghọ na ọmwa ne ọ ye vbe ruẹ i rrọọ, vbe uwu avbe umẹwaẹn uhunmwu ẹvbo hia, ra vbe uwu avbe ọba iran.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 31:35

E Nọyaẹnmwa keghi yi owẹn ne ọ gha rhie uwanmwẹ rre vbe avan, uki kevbe orhọnmwẹ, ne iran gha baa vbe asọn ọ tughu okun, ọ keghi gie ẹe da van, e Nọyaẹnmwa ne Oghodua ọ re a tie ẹre.

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Emọs 4:12

“Rhunmwuda ọnii nian, I ra do rri uwa oya, wa ne ivbi Izrẹl. Rhunmwuda ne I ra na ru emwi na, wa mu egbe ne obọ ibuohiẹn mwẹ vba uwa!”

Emọs 9:6

Ẹrinmwi ọre Nọyaẹnmwa bọ owa ẹre yi. Ọ keghi fi iso, zẹ vbe ekharha yan otọ agbọn. Ọ datie amẹ ni rre Okun. Ọ keghi hihiẹ ọe ku otọ agbọn e Nọyaẹnmwa ọrọre eni ẹnrẹn.

Jona 1:16

Ohan emwi na keghi mu avbe oziguẹ sẹrriọ wẹ, iran na zọ ẹse ghe Nọyaẹnmwa, iran na vbe yan wẹ iran gha vbe gha ga ẹe.

Nahum 1:4

Ọ gu okun guan ọ keghi ka mu otọ! Ọ ru ẹe ne avbe ẹzẹ ka mu otọ. Oha ni rre Basan luẹluẹe. Te Oke Kamẹl ghi ba rriẹrriẹ, obobo ni rre Lebanọn fafaa.

Matiu 10:28

Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

Iyẹn ne ọ Maan Ọghe Mak 4:39

Jesu keghi guakpao, ọ tama ẹhoho wẹẹ, “Dobọ owogho yi!” Ọ keghi vbe tama ogbigbi amẹ wẹẹ, “Hunwan hi i i!” Ẹhoho keghi wa dọyọ, ehe hia keghi ye hi i i.

Iyẹn ne ọ Maan Ọghe Luk 12:5

I gha ta ọmwa ne uwa gha a mu ohan rẹn ma uwa. Wa mu ohan Osanobua na a miẹn wẹ ọ gha gbe nẹ, ọ yevbe mwẹ ẹtin ne ọ ya mu orhiọn fi ẹrinmwi ne ehianmwẹ ivin. I tama uwa, wa mu ohan rẹn!

Diuteronomi 28:58

“Wa ya ẹkoata gha lele emwi ne Osanobua ma uwa ẹre ne a gbẹnnẹ ye uwu ebe na, ne uwa vbe gha ya ọghọ ne eni ọyunnuan kevbe ne ọ mu ohan ọghe Nọyaẹnmwa Osanobua rua.

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”