Jerimaia 5:19 - Edo Bible (E Baibol Ẹdo) Version 1996

¹⁹ Iran gha nọ emwi ne ọ si ẹe ne I na ru avbe emwi na, u ghi tama iran Jerimaia wẹ, zẹ vbene iran fi iyeke gbe mwẹ, iran na gha gho ẹbọ ẹrrẹe vbe ẹvbo iran, erriọ zẹẹ iran khian ya ga avbe orhunmwuyẹn vbe ẹvbo ne iran ma yan.”

Jerimaia 5:19 ပူးပေါင်းရင်းမြစ်များ

Jerimaia 13:22

U gha nọ emwi ne ọ si ẹe ne emwi na hia na sunu vbe egbe ruẹ, emwi ne ọ si ẹe ne ukpọn na yanghan ye uwẹ ẹkun, kevbe ne emwa na ye ẹtin mu ẹẹn guẹ gha ru emwi, emwi ne ọ sii ẹe ọrọre wẹ orukhọ ruẹ mu ohan gbe.

Jerimaia 16:13

Rhunmwuda ọnii, I gha filo uwa kua hin otọe na rre, gha rrie ẹvbo ne avbe erha uwa odede kevbe uwa tobọ, uwa ma rẹn. Evba wa gha na ya gha gho avbe ẹbọ ọvbehe ke avan ke asọn, I i ra vbe tohan uwa hiehiere.’ ”

Jerimaia 17:4

Wa gha vbe zobọ vbe otọe ne I te mu ne uwa, I ghi vbe ru ẹe ne uwa ya ga avbe eghian vbe otọe ne uwa ma rẹn emwi rhọkpa vbe ekpa ẹre rhunmwuda te ohu mwẹ ye vbe erhẹn, ọ gha vbe gha yọn rhinrin ẹdẹdẹmwẹdẹ.”

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Jerimaia 2:14

“Izrẹl i re ọviẹn, a ma te biẹ ọre ọviẹn vbọzẹ ne avbe eghian rẹn ghi na zọ owẹ ọre ya khu ẹe khian yi?

Jerimaia 2:35

Te uwa ye kha wẹẹ, ‘I ma rẹn okpa I ma rẹn eva, e Nọyaẹnmwa i ghi mu ohu mwẹ ọvbehe.’ Sokpan, mẹ ne Nọyaẹnmwa gha rri uwa oya, rhunmwuda ne uwa na siẹn ne uwa na tae na ighe wa ma rukhọ.

Jerimaia 5:18

E Nọyaẹnmwa khare wẹẹ, “Uhin do sẹ egbe ẹghẹ ne a kha na, mẹ i ra ye wa fuẹn emwa mwẹ fo.

Jerimaia 5:20

E Nọyaẹnmwa khare wẹẹ, “Wa tama ivbi uniẹn e Jekọb, wa tama ivbi e Juda wẹẹ:

Jerimaia 9:12

Mẹ keghi nọ wẹẹ, “Nọyaẹnmwa, vbọzẹ ne a na rẹnkhẹn ẹvbo ni uan, ne ọ na ghi wa ka zẹ vbe ato, sẹrriọ ne a i ghi na miẹn emwa ni la ẹe gberra. De ọmwa ne ọ mwẹ ẹwaẹn sẹ ne ọ gha sẹtin rẹn otọ ọnọna? De ọmwa ne u rhan otọ ẹre ma, ne irẹn sẹtin ta ẹe ma emwa ọvbehe?”

Jerimaia 9:13

E Nọyaẹnmwa keghi wanniẹn wẹẹ, “Emwi na sunu, rhunmwuda, emwa fi iyeke gbe emwi ne I ma iran re. Iran ma họn ẹmwẹ mẹ ra ne iran ru emwi ne I tama iran.

Eve Orriara 5:8

Avbe emwa ni ma maa sẹ eviẹn ọ re ọ khaemwisẹ yan mwa. Ọmwa ne ọ gha sẹtin fan mwa vbe obọ iran i rrọọ.