Jerimaia 5:15 - Edo Bible (E Baibol Ẹdo) Version 1996

¹⁵ Wa ne ivbi Izrẹl, e Nọyaẹnmwa gie emwa ke ehe ne ọ wa rrei dee ne iran do gu uwa gbinna. Uhunmwu ẹvbo nẹdẹ, kevbe ne ọ wegbe nọ, uhunmwu ẹvbo ne uwa i họn ẹvbo ne iran zẹ.

Jerimaia 5:15 ပူးပေါင်းရင်းမြစ်များ

Gẹnẹsis 11:7

Wa gie ima tuorre gha khian ne a ya gua ẹvbo ne iran zẹ ne iran ghẹ ghi gha họn ẹvbo egbe.”

Psalm 81:5

Rẹn ọ re ọ rhie ẹre ne ivbi Izrẹl, vbe ẹghẹ ne ọ na gu otọ Igipt gbinna. I họn vbe urhu okpa ne a ma rẹn khare wẹẹ,

Aizaia 28:11

Adeghẹ wa ma danmwehọ mwẹ, Osanobua gha gie emwa ẹvbo ọvbehe, emwa ni zẹ eghọnmighọn, ne iran do ma uwa nene emwi.

Aizaia 29:3

Osanobua gha dekun ẹvbo nii, ọ ghi lẹga ẹre, ọ ghi khọn ẹnrẹn.

Aizaia 29:6

e Nọyaẹnmwa ne Oghodua gha ya okpẹhoho ne ọ wegbe kevbe ighohiotọ miẹn uwa fan, ọ gha gie ẹhoho amẹ kevbe erhẹn ne ọ to khian,

Aizaia 33:19

Wa i ghi ra dọlegbe miẹn avbe ọrriọvbe ni tọn ukpe ihue mu nii, iran ni zẹ ẹvbo ne uwa i họn.

Aizaia 39:3

Ẹre Aizaia ne akhasẹ na bu e Hẹzekaia gha khian, ọ nọ rẹn wẹẹ, “De ehe ne avbe emwa na ke rre yi, vbe iran tama ruẹn hẹ?” E Hẹzekaia keghi wanniẹn wẹẹ, “Ehe ne ọ rrei ọ re iran ke rre, e Babilọn.”

Aizaia 5:26

E Nọyaẹnmwa ru iyama nẹ wẹ ne a tie uhunmwu ẹvbo okpa ne ọ rre urria rre. Ọ fi ewọe gie iran wẹ ne iran ke ehe ne agbọn sẹe gha dee. Ghe vbe iran zẹgiẹgiẹ ya ululẹ dee.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Jerimaia 1:15

Rhunmwuda te imẹ ghi tie avbe uhunmwu ẹvbo hia ni rre odẹ okuọ wẹ ne iran gha dee. Avbe ọba iran ghi mu ẹkete iran gbọọ ye onurho e Jerusalẹm, kevbe lẹga ekẹn ne a gbe lẹga ẹre, kevbe yan avbe ẹvbo ni dekẹe vbe Juda.

Jerimaia 2:26

E Nọyaẹnmwa khare wẹẹ, “Zẹ vbene a ya oya ne oyi vbe a gha mu ẹẹn, erriọ zẹẹ, ọ re a ra ya oya ne uwa ne ivbi Izrẹl hia avbe ọba uwa, kevbe avbe ekhaẹmwẹ kevbe avbe ohẹn kevbe avbe akhasẹ.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 4:16

Iran rre do tama avbe uhunmwu ẹvbo nii yotọ, iran ke tama Jerusalẹm wẹ avbe eghian wa ke ẹvbo ne ọ rrei okpa dee. Avbe eghian na gha go ye avbe okpẹvbo e Juda uhunmwu,

Jerimaia 5:11

Ivbi Izrẹl kevbe ivbi e Jerusalẹm wa ya mwẹ ne avbokho fẹẹrẹ. Mẹ ne Nọyaẹnmwa ọre ọ taa ẹe.”

Jerimaia 6:22

E Nọyaẹnmwa khare wẹẹ, “Emwa ke ẹvbo ne ọ rre odẹ okuọ dee, uhunmwu ẹvbo nọkhua okpa ne ọ mwẹ ẹtin gha mu egbe okuo.

Ezikiẹl 18:31

Wa sẹ avbe emwi dan ne uwa te ka ru de yi rae, ne uwa gie iro ọgbọn kevbe ekhọe ọgbọn la uwa orhiọn. Vbọzẹ ne uwa na ho ne uwa wulo yi, wa ne ivbi Izrẹl.”

Daniẹl 1:4

Iran ghi gha re emọ ni mose, ni mwẹ ẹwaẹn, ne a ma ẹre emwi ẹse, ni rherhe rẹn emwi ne a ma iran ẹre, ne ẹ i vbe mwẹ ehe ne emwi na ru ẹre egbe rhọkpa, ne iran miẹn ehe na gha re emwa ni gha winna vbe uwu ẹguae ọba. Aspenaz ghi vbe ma iran vbene a tie kevbe vbe a gbẹn ẹvbo ne emwa e Babilọn zẹ hẹ.

Daniẹl 7:7

Ehe ne I na ye ghe ẹre nii aranmwẹ ne ogienẹ keghi ladian ọ wa mwẹ ẹtin ne ọ mu ọmwa ohan, ọ gbe orrirri. Akọn ematọn ẹnrẹn ne lẹulẹu, ọ re ọ ya piẹn emwi ne ọ miẹn gbe, ọ ghi ya owẹ mama iran ginna otọ. Ọ keghi mwẹ igho igbe ne ọ ya lughaẹn ne avbe aranmwẹ nekpa.

Emọs 6:14

E Nọyaẹnmwa ne Osanobua ne Oghodua tobọ ẹre ta ẹe wẹẹ, “Wa ne ivbi Izrẹl, I ra gie ivbiyokuo ẹrrẹe ne iran do mu uwa ẹvbo dia. Iran gha wọ uwa uhunmwu ke Ada e Hamat kpao vbe odẹ okuọ yasẹ ovbi ẹzẹ Araba vbe odẹ ekẹn.”

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

I Kọrinti 14:21

A gbẹn ọẹn ye uwu Ebe wẹẹ: “Nọyaẹnmwa khare wẹẹ: I gha gu avbe emwa na guan I gha gie emwa ne a i họn urhu ne ọ zẹ gu iran guan. Kevbe akhuarhamwunu eghọẹn, se evba, uhin ighẹ emwa mwẹ i ra ye danmwehọ mwẹ.”

Diuteronomi 28:33

Ẹvbo ẹrrẹe ghi viọ emwiokọ uwa ne uwa miẹn ẹsọn nọkhua yi ya kọ, vbene emwirhọkpa ina sẹ uwa obọ gberra ukpokpo ekugbakẹghẹrẹ kevbe obọ ne ọ tọn ne a ya mu uwa.

Diuteronomi 28:49

E Nọyaẹnmwa gha mu okpẹvbo ke ehe ne agbọn sẹe gha dee, emwa ne uwa i họn ẹvbo ne iran zẹ, ọ ghi mu ẹre aro da uwa. Iran ghi siẹn rhu uwa zẹ vbe oghohọn.