Jerimaia 49:8 - Edo Bible (E Baibol Ẹdo) Version 1996

⁸ Ivbi e Dedan, wa fi egbe egbe werriegbe ne uwa lẹ! Wa ya lẹre! Iran do fuẹn ivbi uniẹn Isọ rua rhunmwuda, ẹghẹ sẹ ne nian ne I gha na rri iran oya.

Jerimaia 49:8 ပူးပေါင်းရင်းမြစ်များ

Aizaia 2:21

E Nọyaẹnmwa gha rre do mu agbọn na rueghe, emwa gha lẹre ye uvun otọ kevbe uvun okuta, ne iran miẹn ehe na lẹ ohu ẹre fe, kevbe ne iran lẹre ne ẹtin ẹnrẹn kevbe uyi ẹre.

Aizaia 21:13

Uhunmwu ne a gie vbekpa Arebia ọ re ọna khin. Ivbi e Dedan, wa ne ekhẹn ekpatẹ ne okotọ ẹre sierre vbe Arebia ne ẹvbo ne ọ dihoi rua,

Aizaia 34:5

E Nọyaẹnmwa dunmwu umozo ẹre nẹ vbe ẹrinmwi, banbanna nian, ọ gha degbe Idọm ne emwa ne irẹn kha nẹ wẹ te iran ra fuan.

Jerimaia 46:21

Uhin avbe ivbiyokuo ne ọ ve ẹre igho viọ ba egbe, egbe wọ ehia yotọ nẹ zẹ vbe ivbi ẹkhuia ẹmila. Iran ma kpaegbe ne iran gbinna iran hia fi iyeke gbe, iran na lẹẹ ẹdẹ ne iran ra khian rhie sotọ nẹ, ẹdẹ ne iran ra la ọrhiae rrie.

Jerimaia 48:28

“Wa ne emwa ni rre Moab, wa kpao vbe ore ẹvbo uwa rre. Wa ya gha rre ukpe uhunmwu oke okuta! Wa ye egbe uwa do gha yevbe idu ne ọ bọ oko ye ẹzẹ ne ọ la uguowẹ okuta.

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Jerimaia 48:6

‘Ẹgiẹgiẹ, wa lẹ rhie uhunmwu hin ẹbe rre!’ erriọ iran tae, ‘Wa rhulẹ zẹ vbe ekẹtẹkẹtẹ oha ne ato!’

Jerimaia 49:30

“Ivbi e Hazọ, mẹ ne Nọyaẹnmwa tama uwa ne uwa lẹ gha rrie ehe ne ọ rrei ne uwa ya lẹre. e Nebukiadneza ne ọba ne Babilọn wa khuan khẹ uwa, ẹmwẹ ne ọ tae ọrọre wẹẹ,

Jerimaia 49:32

“Wa viọ e kamẹl iran kevbe ẹmila iran hia. I gha zagha iran lele ehe hia ighẹ iran ni gbe eto muotọ na, I ghi vbe gie ọkhọ egbe hia rruan iran.

Jerimaia 50:27

Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Jerimaia 6:1

Uvbi e Bẹnjamin, wa lẹ ne uwa rhie uhunmwu hin ẹbe rre! Wa lẹ ladian vbe Jerusalẹm! Wa kpe okpe vbe Tẹkoa, ne uwa hie erhẹn orhiema ye Bẹt-Hake-rẹm, ọkhọ kevbe omurhia ra ke odẹ okuọ gha dee.

Ezikiẹl 25:13

Banbanna nian, I tae ighẹ I gha rri Idom oya, I ghi gbele emwa nagbọn kevbe aranmwẹ ni rre otọe nii hia a. I gha ya ẹe khian ẹvbo ne ọ gbe ẹvbi kevbe ore ẹvbo Tẹman gha dee do sẹ Dedan, a gha gbele avbe emwa nii uan vbe okuo.

Malakai 1:3

I keghi vbe khuiwu Isọ kevbe ivbi uniẹn ọnrẹn. I dunmwu ẹvbo oke ọghe Isọ ua, I na se otọe ne o rro rae ne avbe aranmwẹ oha.”

Malakai 1:4

Adeghẹ emwa Idọm ne ivbi uniẹn Isọ ghi vbe kha wẹẹ, “A guọghọ ima ẹvbo rua, sokpan, ma gha dọlegbe họlọ iran,” ẹghẹ nii, e Nọyaẹnmwa ghi vbe wanniẹn wẹẹ, “Gie iran dọlọ ẹe bọ, I gha dọlegbe dunmwu ẹẹn sẹ otọ. Emwa ghi gha tie iran ‘Ẹvbo dan’ kevbe ‘Uhunmwu ẹvbo ne ohu ẹre mu e Nọyaẹnmwa ẹdẹdẹmwẹdẹ.’ ”

Arhie Maan 6:15

Ẹkpo nii ọre iran ne avbe ọba agbọn, iran ni khaemwisẹ kevbe iran nekhua vbe ivbiyokuo, iran ne ekhaẹmwẹ, iran ni fe, kevbe emwa ọvbehe hia kevbe avbe eviẹn, kevbe iran ni yan egbe iran, iran hia kegha lẹ lao uwu uvun okuta ya gha lẹ re, kevbe ototọ avbe okuta nekhua.

Giọgis 6:2

Emwa Midian keghi wegbe sẹ ivbi Izrẹl, ẹre avbe Izrẹl na lẹ la uhunmwu oke ya gha lẹre ye uvun okuta kevbe ehe ne ọ ghi sẹtin degue iran.

I Samuẹl 13:6

Iran keghi gu ivbi Izrẹl gbinna ọghe ọhanabe, ẹ i ghi ye iran ẹse hiehie. Eso na lẹre ye uwu uvun okuta kevbe uvun otọ vbe uwu avbe okuta, deba uwu uye kevbe uhae.