Jerimaia 49:7 - Edo Bible (E Baibol Ẹdo) Version 1996

⁷ Emwi ne Nọyaẹnmwa ne Oghodua tae vbekpa Idọm ọ re ọna khin: “Ivbi Idọm i ghi sẹtin ye ẹrherhe iran roro emwi gba ra? Iran ni bu iran ude i ghi sẹtin tama iran emwi ne iran gha ru ra? Ẹwaẹn ne iran wan hia wa khian ne a hobẹkun ne ẹ ra?

Jerimaia 49:7 ပူးပေါင်းရင်းမြစ်များ

Gẹnẹsis 25:30

ọ keghi khama Jekọb wẹẹ, “Ohanmwẹ gbe mwẹ, fian mẹ kherhe vbe ọpẹkhẹrhẹ ne yẹn ẹn na.” (Ọnii ọ siẹe ne a na tiẹre Idọm)

Gẹnẹsis 27:41

Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”

Gẹnẹsis 32:3

E Jekọb keghi gie emwa ke odaro bu Isọ ne ọtiọnrẹn vbe Idọm.

Gẹnẹsis 36:11

Ivbi Ẹlifaz kegha re Tẹman, Ọma, Zefo, Gatam kevbe Kanaz.

Gẹnẹsis 36:15

Enena ọrọre okpemwa vbe avbe ivbi uniẹn Isọ. Emọ ikpia ọghe ovbi Isọ nokpia nọdiọn ighẹ Ẹlifaz. Okpemwa teman, Ọma, Zefo, Kenaz.

Gẹnẹsis 36:8

Ẹre Isọ ghi na ya yin ẹvbo oke ọghe Idọm.

I Krọnikol 1:53

Kenaz, Tẹman, Mibza,

Job 2:11

Eha vbe uwu avbe se ne Job mwẹ keghi re, Ẹlifaz ne ovbi ẹvbo ne a tie ẹre Tẹman, e Bildad ne ovbi e Siua kevbe Zofa ne ovbi e Naama. Iran ghi họn vbene emwi ba so e Job hẹẹ, iran na wẹ iran ra ya fu ẹre ẹko rre.

Job 4:1

Ẹre Ẹlifaz ne ovbi ẹvbo ne a tie ẹre Tẹman na wanniẹn, ọ wẹẹ, “E Job ohu gha muẹn ra adeghẹ I guan yọ? Mẹ i ghi sẹtin hunwan sẹ ọna.

Psalm 137:7

Nọyaẹnmwa, ye emwi ne ivbi Idọm ru rre, vbe ẹdẹ ne iran khọn Jerusalẹm. Yerre vbe iran gha go hẹ wẹẹ, “Wa wa dunmwu ẹn sẹ otọ.”

Aizaia 21:11

Ọna ọrọre uhunmwu ne a gie rre vbekpa Idọm. Ọ wẹẹ, “Abodẹ, vbe ọ ra kpee sẹ hẹ ẹdẹ ke gbe yi? Tama mwẹ, vbe ọ gha kpee sẹ hẹ ọ ke fo.”

Aizaia 29:14

Rhunmwuda ọnii, I gha runran iran, vbe ne I gha na kinmwi iran yan egbe yan egbe vbe a ma ro a ma kọ. Iran ni te wan gha khian akpa, ẹwaẹn ne iran wẹ iran wan hia ghi do khian ekẹkan.”

Jerimaia 12:14

E Nọyaẹnmwa khare wẹẹ, “I mwẹ ẹmwẹ ne I gha tama avbe ẹdogbo Izrẹl, emwa ni rhia rua a ighẹ otọ ne I mu ne ivbi Izrẹl, ne emwa mwẹ. I gha viọ emwa nii hin ẹvbo iran rre zẹ vbene a vbokho ovbi erhan, I ghi vbe miẹn e Juda fan vbe obọ iran.

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 49:20

Rhunmwuda ọnii, danmwehọ vbene I khuan khẹ ivbi Idọm hẹ kevbe emwi ne I ra ru ivbi ẹvbo e Tẹman re. Te a ra silo ivbi iran kpao, izegbe ghi zẹ emwa hia.

Jerimaia 8:9

A ye ekhue mu avbe umẹwaẹn uwa, ehia tighi ye iran aro, obọ vba iran. Iran hee ẹmwẹ mwẹ yotọ nẹ, de ẹwaẹn ne iran ghi mwẹ nian?

Eve Orriara 4:21

Wa gha giẹ ivbi Idom kevbe Uz; wa gha ghọghọ vbe ẹghẹ ne uwa ya sẹtin, ọkhọ ne ọ ra rruan uwa vbe dee. Wa tobọ uwa gha vbe dobidokpannọ wa ghi bannọ uan vbe uwu ekhue.

Ezikiẹl 32:29

“Idom rre evba ke ẹe ke avbe ọba ke iran ni khaemwisẹ yan rẹn, ivbiyokuo ni wegbe ọ re iran te khin sokpan, banbanna, iran lovbiẹ deba emwa nimarhuẹ, vbe ẹvbo emwa ni wulo nẹ, emwa ne a gbele vbe okuo.

Daniẹl 11:41

Ọ gha vbe mu okuo la Otọe Eyan nii ne arẹngbe. Ọ gha gbele arriaisẹn vbe ihe igbe nibun, sokpan avbe ẹvbo zẹ vbe Idọm, e Moab, kevbe ehe ne ọ ghi kẹe vbe Amọn, gha lẹ fe vbe obọ ẹre.

Joẹl 3:19

“Igipt gha khian ato kevbe Idọm ne ẹvbo, gha vbe khian itowa, rhunmwuda, iran mu okuo ye e Juda, iran keghi gbele emwa ni ma rẹn ọkpa ọma rẹn eva ni rrọọ.

Habakọk 3:3

Osanobua dọlegbe ke Idọm dee, Osanobua ke oke Paran nọhuanrẹn dee. Ose ẹre gba ẹrinmwi fo, agbọn kevbe vuọn ne urhomwẹ ọnrẹn.

Diuteronomi 23:7

“Wa ghẹ sọnnọ ivbi Idọm, etẹn uwa iran khin. Wa ghẹ sọnnọ ivbi Igipt rhunmwuda wa ka di otọ iran ya ẹghẹ ọkpa.