Jerimaia 49:5 - Edo Bible (E Baibol Ẹdo) Version 1996

⁵ “I gha si ohan ye uwa egbe vbe igienenẹ. Wa hia gha lẹkua. Edọmwadẹ ọghọe gha lẹ ne ọ rhie uhunmwu ẹnrẹn lẹre, a i ghi vbe miẹn ọmwa ne ọ gha dọlegbe si ivbiyokuo uwa koko ne uwa ọvbehe.

Jerimaia 49:5 ပူးပေါင်းရင်းမြစ်များ

II Ọba 19:7

E Nọyaẹnmwa gha ru ẹe ne Ọgbaisi họn ẹmwẹ ne a ta khian ne ọ gha ya ẹe werriegbe gha rrie ẹvbo ẹre, e Nọyaẹnmwa ghi ru ẹe ne iran gbe ẹe rua vbe odọ nii.”

Job 15:21

Utumwẹ afianma ọ re ọ ra gha tu vbe ehọ ẹre vbe ẹghẹ hia. Avbe izigan ghi hẹ rhu ẹe vbe ẹghẹ ne irẹn gha te ya gha ro ighẹ ẹbe fo.

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Aizaia 16:3

Iran tama emwa e Juda wẹẹ, “Tama ima emwi ne ima gha ru. Degue ima zẹvbe erhan ne ọ gbe irhu vbe ogiavan, ne u gie ima lẹre ye irhu ruẹ. Emwa ni lẹẹ hin owa rre ma khin, viọ ima lẹre ye ehe ne ọmwarhọkpa i ra na miẹn ima.

Jerimaia 15:8

Ikhuo ni dẹgbẹ ni rre otọe uwa, bun sẹ ekhae ni rre ọkpẹn okun. I gbele avbe igbama uwa ye isẹrre I keghi ru ẹe ne usẹ gha sẹ iye iran, I ye akhiẹ nọkhua kevbe ohan fi iran emwi vbe udomwurri.

Jerimaia 16:16

E Nọyaẹnmwa keghi kha wẹẹ, “I ra gie ne a tie avbe ọgbehẹn nibun, ne iran do munọ avbe emwa na, vbe iyekọnii, I ghi vbe gie ne a tie avbe ohuẹ nibun, ne iran do ru ọba fi iran vbe avbe uhunmwu oke nekhua kevbe negiẹrẹ hia kevbe vbe uwu uvun okuta nekhua.

Jerimaia 20:4

E Nọyaẹnmwa tobọ ẹre khare wẹẹ, “Rẹn ra ya uwẹ khian ohan ne egbe ruẹ kevbe avbe ọse ruẹ hia, wẹ gha vbe miẹn iran vbe a ya umozo avbe eghian gbele iran hia. I ra do viọ ivbi e Juda hia yan ẹtin ọba e Babilọn obọ. Ọ gha viọ eso vbọ oghunmwu gha rrie ẹvbo irẹn, ọ ghi gbele ni dekẹe ua.

Jerimaia 46:5

“Sokpan, de emwi ne I ghi bẹghe?” erriọ Nọyaẹnmwa nọrẹn. “Ehia ye ohan lẹ werriegbe. Iran khulo iran, avbe ivbiyokuo iran zẹ ulẹ ua udu iran kpan fi ẹko, iran keghi lẹ vbene okhian sẹtin kẹ iran sẹ, iran ma vbe gbe aro ghe iyeke.

Jerimaia 49:29

Fu iran avbe owa ukpọn, deba emwirri iran, ukpọn ne iran tan ye onurho owa ukpọn iran, deba emwi hia ni rre owa ukpọn iran, fu iran avbe ekẹtẹkẹtẹ viọ ne u vbe tama avbe emwa nii wẹẹ, ‘Ugborrirri lẹ khinkhian uwa.’

Jerimaia 6:25

Ohan i ghi gie ima khian ladian hin adesẹ ore ẹvbo rre, ra ne a khian lele ukpo, rhunmwuda, te avbe eghian mwa viọ emwi igbinna mwẹ, ohan rre ehe hia lẹga mwa.”

Eve Orriara 4:15

Emwa ghi gha tama iran wẹẹ, “Wa ladian mwa! Awua rre uwa egbe! Ghẹ ya obọ kan mwẹ!” Rhunmwuda onii iran keghi zozo, ke ẹvbo okpa dinna ọvbehe vbene a i na miẹn ọmwa ne ọ miẹn iran yi.

Emọs 4:3

A ghi kpolo uwa gha rrie ehe ne ekẹn ne a gbe lẹga ẹvbo ne ọ ghi sikẹ evba sẹẹ, a ghi filo uwa kua.”

Jọsua 2:9

Ọ tama iran wẹẹ, “Mẹ rẹnrẹn wẹ e Nọyaẹnmwa mu otọe na ne uwa nẹ, ne I wa tama uwa nian wẹ ohan uwa wa mu emwa hia ni rre otọe na zẹzẹzẹ.