Jerimaia 49:31 - Edo Bible (E Baibol Ẹdo) Version 1996

³¹ ‘Wa larre! Wa gie ima ya hẹrhu iran ni ro ighẹ iran i ghi rre uwu ẹbe, ẹkun sẹ iran otọ nẹ. Ẹvbo iran i mwẹ ẹkhu ne a yi yọ, ra emwi ne a ya khui ẹre, ẹi vbe mwẹ emwi ne a ya degue ọ re hiehiere.’

Jerimaia 49:31 ပူးပေါင်းရင်းမြစ်များ

Psalm 123:4

Ọ kpee gbe ne iran ni fe kegha ya ima gbogiẹ, iran hia ni hio kevbe ni kpokpo mwa gha zan mwa.

Psalm 73:12

Erriọ iran ne emwa dan ye. Iran mwẹ emwi ọrhẹnrhẹn te iran ye miẹn nibun ba ẹre.

Aizaia 32:11

Uwu ọrọkhọrhọ ọ re uwa ye dee usin, vbe ne a i na mwẹ oyanghan, sokpan, banbanna nian, wa gie ohan ya uwa gha guọ zẹzẹzẹ, wa bannọ ukpọn uwa kua, ne uwa viọ osọnmwẹ ukpọn rhuan.

Aizaia 32:9

Wa ne ikhuo ni rre uwu ọrọkhọrhọ, wa ni i mwẹ oyanghan rhọkpa, wa danmwehọ vbene I kha hẹ.

Aizaia 42:11

Wa gie oha kevbe avbe okpẹvbo ni rrọọ rho Osanobua; wa gie emwa Keda rho ẹre! Wa gie iran ni rre ẹvbo e Sẹla kevbe avbe uhunmwu oke go ugomwẹ oghọghọ!

Aizaia 47:8

“Danmwehọ ẹmwẹ na, wẹ ne ọyẹnmwẹ yẹẹ, wẹ ne ọ ro ighẹ ẹbe fo, ẹkun vbe sẹ uẹ otọ. U khare wẹ u kpọlọ vba Osanobua nẹ kevbe wẹ ọmwa ne ọ ye vbe ruẹ ighi rrọọ, u te ro ighẹ u i ra dẹgbẹ ẹdẹ ra ne ọmọ wu ẹ.

Jerimaia 48:11

E Nọyaẹnmwa khare wẹẹ, “Te ẹkun wa sẹ e Moab otọ ẹdẹ, a ma he vbe viọ iran yo iwe ẹdẹ. Te Moab ye vbe ayọn ne a gie ẹe de hẹnhẹn vbe ne a ma na kpokpo ẹe, a ma vbe ruẹn ọnrẹn ke uru okpa ye ọvbehe. A ma he rhia uwinhinmwẹ ọnrẹn uan, Ọ ke wa ye rhiẹnrhiẹn vbene ọ ye ẹdẹ.

Ezikiẹl 30:9

“Ọ gha ghi sẹ ẹdẹ nẹdẹrriọ ighe a ghi fuẹn Igipt ua nẹ, I gha ya okọ gie emwa uhunmwu ya rueghe emwa e Sudan ni ma rẹn ne a ye. Iran ghi wa runran. Ẹdẹ nẹdẹrriọ he dee!”

Ezikiẹl 38:11

U gha kha wẹ u ra mu okuo la ẹvbo ne ẹ i mwẹ ẹtin, ehe ne emwa hia na rrọ vbe ọfumwegbe kevbe ne ẹkun na sotọ vbe avbe ẹvbo ne a ma gbe ekẹn ga vbe ne ẹ i na mwẹ ne ọ gbinna ne ẹẹn.

Ezikiẹl 39:6

I gha hie erhẹn vbe ore nọkhua e Magọ kevbe avbe eghute hia ne emwa na rrọ vbe ẹkun ne ọ sotọ, emwa hia gha vbe rẹn ighe mẹ ọrọre Nọyaẹnmwa.

Maika 7:14

Nọyaẹnmwa, gha re ne ọ su ohuan avbe emwa ruẹn, emwa ne u hannọ zẹ. A gha rhe miẹn wẹ iran ọkpa ọ ya yin fua vbe otọ ẹgbo, otọe ne ọ maa emwiokọ lẹga iran. Gie iran ya gha koko egbe iran vbe ehe ne oha ne aranmwẹ na rri evbare ne ọ mobọ maa nii, vbe Basian kevbe Giliad, zẹ vbene iran gha ru vbe ẹghẹ ne ọ kpee fua.

Nahum 1:12

Vbenian ọ re Nọyaẹnmwa tama ivbi Izrẹl ne emwa rẹn: “A gha rhe miẹn wẹ ivbi Asiria wegbe, iran vbe bun, a gha fuẹn iran an, a ghi ho iran bẹkun. Wa ne emwa mwẹ, I gie uwa sẹ usẹ, sokpan, I i ghi dọlegbe ru ẹe vberriọ.

Zẹfanaia 2:15

Emwi ne ọ ra rruan rẹn ọre ọnii khin ighe ẹvbo ni ne ọ ya ẹtin ẹnrẹn rhuọ vberriọ ne ọ na vbe ro wẹ ẹbe fo. Emwa rẹn ro wẹ ẹvbo iran ọ re ọ ghi kpọlọ sẹẹ vbe agbọn na hia. U miẹn egbe ehe ne ọ dihoi rua ne ọ ra khian, ehe ne avbe aranmwẹ oha gha na gha kẹtin. Ọmwa ne ọ rhirhi a la evba gberra gha ya iyeke werriegbe rhunmwuda vbene ọ ya mu ọmwa ohan.

Nọmbas 23:9

I gha ke uhunmwu oke ni yo bẹghe iran. I gha sẹtin ke uhunmwu oke ne giẹre rhie aro lele iran. Ẹvbo ne irẹn ọkpa vbe ẹhi ẹre rrọ iran khin. Irẹnrẹn i ghẹ afiangbe iran sẹ avbe ẹvbo ọvbehe.

Diuteronomi 33:28

Ẹre ivbi e Jekọb na gha rrọọ vbe ọfumwegbe ọ kevbe gbe ẹkun sẹ otọ vbe otọ ne ọka kevbe ayọn na kpọ ehe ne iso na gie evbu gha tue ye otọ.