Jerimaia 49:29 - Edo Bible (E Baibol Ẹdo) Version 1996

²⁹ Fu iran avbe owa ukpọn, deba emwirri iran, ukpọn ne iran tan ye onurho owa ukpọn iran, deba emwi hia ni rre owa ukpọn iran, fu iran avbe ekẹtẹkẹtẹ viọ ne u vbe tama avbe emwa nii wẹẹ, ‘Ugborrirri lẹ khinkhian uwa.’

Jerimaia 49:29 ပူးပေါင်းရင်းမြစ်များ

Gẹnẹsis 37:25

Ugbẹn vbe iran ghi rri evbare, iran keghi miẹn vbe ọwarọkpa emwa Ismẹl ni ke Giliad dee, iran rrie Igipt. Iran ye ekẹtẹkẹtẹ kun avbe ọmọ erhan ne a re eso kevbe ne ọ winhin, iran viọ rrie Igipt.

Job 1:3

Ọ kegha mwẹ ohuan arriaisẹn ihinrọn (7,000), e kamẹl arriaisẹn eha (3,000), oghẹn ẹmila arriaisẹn (1,000) kevbe ekẹtẹkẹtẹ iyisẹn isẹn (500). Ọ kevbe gha mwẹ eguọmwadia ni bun ẹsẹse. Rẹn ọ re ọ wa gha re ọmwa ne ọ fe sẹẹ vbe odẹ Owẹn owiẹ.

Psalm 120:5

A gha gu uwa yin te ọ yevbe ne ọmwa rre Mẹsiẹk ra ne a rre uwu ẹbu avbe ivbi e Keda.

Psalm 31:13

I họn ewẹwẹwẹ, ne avbe eghian mwẹ ta; iran wa khuan khẹ mwẹ iran gha si uma ne iran gbe mwẹ uan.

Aizaia 13:20

Ọmwarhọkpa i ghi ra dọlegbe yin evba ọvbehe. Igabari ne ọ zozo khian i ghi ra dọlegbe bu agọ ye evba, ọsuohuan i ghi viọ ohuan rẹn ya rria vbe evba ọvbehe.

Aizaia 60:7

Avbe ohuan e Keda kevbe Neboiọt hia. a gha viọ iran bu ruẹ rre zẹ vbe emwi izọ ese a gha ya iran zọ ese vbe Ogiukpo ghe Nọyaẹnmwa. E Nọyaẹnmwa ghi do ya Ọgua Osa ẹre khian ne ọ mwẹ uyi sẹẹ vbene ọ ka ye ẹdẹ.

Jerimaia 10:20

Owa ukpọn mwa rhiae, irri ne ọ da ẹe yi giagiae. Ivbi mwa hia kpao. Emwa ne ọ ghaghi mu owa ukpọn mwa kpaegbe i ghi rrọọ, ọmwa i ghi rrọ ne ọ gha tan ukpọn onurho ẹre.”

Jerimaia 4:20

Ọfuan okpa lele ọvbehe itowa ọre ẹvbo nii hia ghi khin. Iran dunmwu agọ ima hia vbe udomwurri iran yanghan ukpọn onurho ni rrọ ua.

Jerimaia 46:5

“Sokpan, de emwi ne I ghi bẹghe?” erriọ Nọyaẹnmwa nọrẹn. “Ehia ye ohan lẹ werriegbe. Iran khulo iran, avbe ivbiyokuo iran zẹ ulẹ ua udu iran kpan fi ẹko, iran keghi lẹ vbene okhian sẹtin kẹ iran sẹ, iran ma vbe gbe aro ghe iyeke.

Jerimaia 49:24

Te ivbi e Damaskọs ghi mitan, iran ye afianma lẹ kua. Iran rre uwu obalọ kevbe omanọ, zẹvbe okhuo ne emwi ubiẹmwẹ ru.

Jerimaia 49:5

“I gha si ohan ye uwa egbe vbe igienenẹ. Wa hia gha lẹkua. Edọmwadẹ ọghọe gha lẹ ne ọ rhie uhunmwu ẹnrẹn lẹre, a i ghi vbe miẹn ọmwa ne ọ gha dọlegbe si ivbiyokuo uwa koko ne uwa ọvbehe.

Jerimaia 6:25

Ohan i ghi gie ima khian ladian hin adesẹ ore ẹvbo rre, ra ne a khian lele ukpo, rhunmwuda, te avbe eghian mwa viọ emwi igbinna mwẹ, ohan rre ehe hia lẹga mwa.”

Habakọk 3:7

I miẹn vbe ohan mu ivbi e Kusian avbe ivbi e Midian gha guọ.

II Kọrinti 4:8

Ẹghẹ hia ọre a ya rueghe mwa, sokpan a ma rẹnkhẹn mwa an, ma zẹdia bi iro eva, sokpan iro ma han mwa.

II Kọrinti 7:5

Uhin vbe ima sẹ Masidonia nẹ, ma ma ye hẹ wẹ, Orueghe gba ehe hia, ẹzọ ne a gu emwa ọvbehe gui, afianma ne ọ fian ọmwa vbe ekhọe.

Giọgis 6:5

Iran ghi viọ ẹmila iran kevbe owa ukpọn iran ni bun vbe irhiso gha dee. A i sẹtin ka iran kevbe ogologo iran vbene iran ghi bun sẹ. Iran kegha rhia otọe nii uan.

Giọgis 7:12

Ivbi e Midian, Amẹlẹk kevbe iran ne ẹwae ni rre uwu ato keghi wa gba iya nii zẹ vbe irhiso, iran keghi vbe mwẹ ekẹtẹkẹtẹ ni bun zẹ vbe ekhae ni rre ọkpẹn okun.

Giọgis 8:21

Sokpan e Zẹba kevbe Zalmuna ke kha wẹẹ, “Tobọ gbele ima an rhunmwuda, ọmwa ne ọ sihe okpia ọre ọ sẹtin ru emwi okpia.” Ẹre Gidiọn na gbele Zẹba kevbe Zalmuna, ọ na viọ emwi itegbe ni rre ẹyaẹn ekẹtẹkẹtẹ iran.

Giọgis 8:26

Emwiehọ igoru ne Gidiọn nọ rẹn sẹ omwa uwan iyeha, a ma ka avbe emwi itegbe, emwiurhu kevbe ẹwu ododo ne avbe ọba Midian yọe, ra ne ọ gbalọ ẹyaẹn avbe ekẹtẹkẹtẹ iran ba ẹre.