Jerimaia 49:28 - Edo Bible (E Baibol Ẹdo) Version 1996

²⁸ Emwi ne Nọyaẹnmwa tae vbekpa ẹwae Keda kevbe avbe otọe ne Nebukiadneza ne ọba e Babilọn khọn rẹn, ne Hazọ gha kha yan ọ re ọna khin: “Dekun emwa Keda, ne u vbe fuẹn emwa odẹ ahọ nii uan!

Jerimaia 49:28 ပူးပေါင်းရင်းမြစ်များ

Gẹnẹsis 25:13

Eni ivbi Ismẹl ọre ena khin zẹ vbene a ya biẹlẹ iran lele egbe. Ovbi Ismẹl nọdiọn kegha re Nabaiọt vbe iyeke ọnii Keda, Adbil, Mibsam, e Misma, Duma, Masa,

Gẹnẹsis 25:6

Sokpan vbe ọ te wu, ọ keghi ye emwi ne avbe ivbi ẹre nikpia nekpa ne avbe amwẹ ọnrẹn nekpa biẹlẹ nẹẹn. Ọ keghi gie iran gha rrie odẹ ahọ, lahin ehe ne Aizik ne ovbi ẹre ye rre.

I Krọnikol 1:29

Ivbi Ismaẹl keghi do khian ọkaẹgbẹe, ẹwae iweva, ena ọrọre Nabaiọt (eni ovbi Ismaẹl ne okpia ne ọdiọn ọ re a he ẹre re ginna), Keda, Adbil, Mibsam,

Job 1:3

Ọ kegha mwẹ ohuan arriaisẹn ihinrọn (7,000), e kamẹl arriaisẹn eha (3,000), oghẹn ẹmila arriaisẹn (1,000) kevbe ekẹtẹkẹtẹ iyisẹn isẹn (500). Ọ kevbe gha mwẹ eguọmwadia ni bun ẹsẹse. Rẹn ọ re ọ wa gha re ọmwa ne ọ fe sẹẹ vbe odẹ Owẹn owiẹ.

Psalm 120:5

A gha gu uwa yin te ọ yevbe ne ọmwa rre Mẹsiẹk ra ne a rre uwu ẹbu avbe ivbi e Keda.

Ihuan Ne Ọ Sọọ Ihuan Hia 1:5

Wa ne ikhuo Jerusalẹm te I siere sokpan, I wa mose, I sie rua vbe owa e Keda ni rre ato sokpan I mose vbe ukpọn ne a ya te ẹguae Solomọn.

Aizaia 11:14

Iran gha koko dekun e Filistia ni rre odẹ ọlarrie owẹn, iran ghi vbe fu iran ni rre odẹ ahọ emwi viọ. Iran gha khọn ivbi Idọm kevbe Moab, ivbi Amọn ghi gha họn ẹmwẹ ne iran.

Aizaia 21:13

Uhunmwu ne a gie vbekpa Arebia ọ re ọna khin. Ivbi e Dedan, wa ne ekhẹn ekpatẹ ne okotọ ẹre sierre vbe Arebia ne ẹvbo ne ọ dihoi rua,

Aizaia 42:11

Wa gie oha kevbe avbe okpẹvbo ni rrọọ rho Osanobua; wa gie emwa Keda rho ẹre! Wa gie iran ni rre ẹvbo e Sẹla kevbe avbe uhunmwu oke go ugomwẹ oghọghọ!

Jerimaia 2:10

Wa laghe odẹ orrie gha rrie Saiprọs ne uwa gie ọmwa gha rrie otọe Keda vbe odẹ ekẹn wa gha miẹn wẹ, emwi e ọ ye vbenian ma he ka sunu ẹdẹ yi.

Jerimaia 49:14

Mẹ keghi kha wẹẹ, “Idọm, e Nọyaẹnmwa gie uhunmwu gunmwẹ. Ọ gie ọmwa okpa uhunmwu ne ọ ya tama avbe uhunmwu ẹvbo hia wẹ ne iran si ivbiyikuo iran koko ne iran dekun ruẹn.

Jerimaia 49:33

A gha ye Hazọ khian ato ẹdẹdẹmwẹdẹ, ehe ne a miẹn wẹ avbe ekuaghagha okpa ọ re a miẹn vbọ. Ọmwa rhọkpa i ghi ra dọlegbe yin evba. Mẹ ne Nọyaẹnmwa taa ẹe nẹ.”

Ezikiẹl 27:21

Ivbi Arebia kevbe iran ni khaemwisẹ yan Keda kevbe ya ivbi ohuan, iye ohuan kevbe ẹwe ha osa.

Giọgis 6:3

Ẹghẹ kẹghẹ ne ivbi Izrẹl ya kọ emwiokọ, avbe ivbi e Midian deba ivbi Amẹlẹk kevbe emwa ni rre uwu ato ghi do gu iran gha gbinna!