Jerimaia 49:26 - Edo Bible (E Baibol Ẹdo) Version 1996

²⁶ Ọ gha sẹ ẹdẹ ne ẹdẹrriọ, a gha gbele avbe igbama ye adesẹ ore ẹvbo, a ghi fuẹn avbe ivbiyokuo ẹre hia a.

Jerimaia 49:26 ပူးပေါင်းရင်းမြစ်များ

Jerimaia 11:22

Rhunmwuda ọnii, e Nọyaẹnmwa ne Oghodua ke kha wẹẹ, “I gha rri iran oya! A gha gbele avbe igbama iran vbe okuo; ohanmwẹ gha gbele ivbi iran an.

Jerimaia 50:30

Rhunmwuda ọnii, a gha gbele avbe igbama ẹnrẹn ye adesẹ ore ẹvbo, a gha vbe fuẹn avbe ivbiyokuo ẹre hia a, vbe ẹdẹ nẹdẹrriọ. Mẹ ne Nọyaẹnmwa taa ẹe nẹ.

Jerimaia 9:21

Uwu la ewindo ima la owa nẹ, ọ keghi la avbe ẹguae ima ọ gbele emọ negiẹrẹ vbe orere mwa kevbe avbe igbama vbe ẹki.

Eve Orriara 2:21

Ke ibiẹka kevbe eniwanrẹn, ehia wulo lele otọ vbe adesẹ ore ẹvbo. Avbe igbama kevbe ivbialeke ne umozo avbe eghian gbele ua. Ẹdẹ ne ohu mu uwẹ u keghi rẹnkhẹẹn iran an vbe ne a i na mwẹ itohan.

Ezikiẹl 27:27

Avbe ẹfe ne u ya do ẹki hia, avbe oziguẹ ni rre okọ ruẹ, avbe owinna ni rre okọ ruẹ kevbe avbe ekhẹn ni do ẹki, ivbiyokuo ni rre okọ nii hia, ehia keghi wirua ye uwu okun. Vbe okọ ruẹ niin ye ẹzẹ.

Emọs 4:10

“I gie egboghogbogho yan uwa zẹ vbe ne I giee ẹe rrie Igipt. I gbele igbama uwa vbe okuo, I keghi viọ uwa ẹsin kpao. I ye ẹwia orinmwi khiọ uwa ihue vbe agọ uwa. Sevba, wa ma ye bu mwẹ rre.