Jerimaia 49:24 - Edo Bible (E Baibol Ẹdo) Version 1996

²⁴ Te ivbi e Damaskọs ghi mitan, iran ye afianma lẹ kua. Iran rre uwu obalọ kevbe omanọ, zẹvbe okhuo ne emwi ubiẹmwẹ ru.

Jerimaia 49:24 ပူးပေါင်းရင်းမြစ်များ

Gẹnẹsis 3:16

Rẹn keghi vbe tama okhuo nii wẹẹ, “I gha rhie ba ọlọghọmwa ruẹn vbe u a gha hanmwa, ke obalọ ruẹ vbe ẹghẹ ubiẹmwẹ. Sevba, te u gha ye gha rhikhan lele ọdafọn, ọdafọn ọre ọ gha kha yan ruẹn.”

Aizaia 13:8

Ehia gha runran, obalọ ghi la iran egbe, zẹ vbe obalọ okhuo ne emwi ubiẹmwẹ ru. Iran gha ya ohan tanro ye egbe egbe, ekhue ghi giẹn iran aro hia a.

Jerimaia 30:6

Banbanna nian, wa mudia ne uwa ro iro. Okpia gha hanmwa ọmọ biẹ ra? Vbọzẹ ne I na bẹghe avbe ikpia yi ni viọ obọ yan ẹko iran, vbe okhuo ne emwi ubiẹmwẹ ru? Vbe ehia ghi na fua banbanban hẹ?

Jerimaia 4:31

I họn urhu eve ọkpa, ọ yevbe ọghe okhuo, ne emwi ubiẹmwẹ ru, vbe ọ khian biẹ ọmọ okaro. Utumwẹ e Jerusalẹm nọ, ọ gha hẹwẹ ukuke, o nien obọ ladian gha kha wee, “I wiri! Iran ra do gbe mwẹ uan.”

Jerimaia 48:41

A ghi vbe khọn mu avbe okpẹvbo kevbe ehe ne a gbe odin gaa ni rrọ hia. Vbe ẹdẹ ne ẹdẹrriọ, avbe ivbiyokuo e Moab ghi gha guọ zẹzẹzẹ vbe okhuo ne emwi ubiẹmwẹ ru.

Jerimaia 49:22

Avbe eghian gha hẹrhu e Bozra zẹ vbe oghohọn ne ọ vin ghe otọ kẹe ke ifuẹn ne a rhanrẹn vbe ẹdẹ ne ẹdẹrriọ, ivbiyokuo Idọm ghi gha guọ zẹzẹzẹ zẹvbe okhuo ne emwi ubiẹmwẹ ru.”

Jerimaia 49:29

Fu iran avbe owa ukpọn, deba emwirri iran, ukpọn ne iran tan ye onurho owa ukpọn iran, deba emwi hia ni rre owa ukpọn iran, fu iran avbe ekẹtẹkẹtẹ viọ ne u vbe tama avbe emwa nii wẹẹ, ‘Ugborrirri lẹ khinkhian uwa.’

Jerimaia 49:37

I gha ru ẹe ne emwa Ẹlam gha fian afianma avbe eghian iran ni ho ne iran gbele iran. Vbene ohu nọkhua ya mu mwẹ, erriọ I ra ya fuẹn emwa Ẹlam uan, I gha gie ivbiyokuo gie iran, a te do miẹn wẹ I wa fuẹn iran fẹẹrẹ.

Jerimaia 50:43

Ọba e Babilọn họn ẹmwẹ na, obọ ẹre keghi luẹluẹ, akhiẹ dan dekun ẹnrẹn obalọ ne ọ yevbe ọghe okhuo ne ọ ra biẹ.

Jerimaia 6:24

Ivbi e Jerusalẹm keghi kha wẹẹ, “Ma họn ẹmwẹ na nẹ, obọ mwa keghi luẹluẹ ye ima egbe, akhiẹ kevbe obalọ hihiẹ yan mwa, zẹvbe okhuo ne emwi ubi-ẹmwẹ ru.

Hozia 13:13

Ẹghẹ te wa gha rrọ ne Izrẹl gha na miẹn uhunmwu, sokpan ukọnmwẹ ma gie ẹe lo ẹre, ọ yevbe ọmọ ne a ra biẹ ne ọ wẹ rẹn ighi ke ẹko ladian.

Matiu 24:8

Ena hia keghi yevbe emwi ubiẹmwẹ ne ọ ru okhuo vbe ọ te biẹ.

Iyẹn ne ọ Maan Ọghe Mak 13:8

Okpẹvbo ọkpa gha mu okuo gie okpẹvbo ọvbehe. Arriọba ọkpa gha vbe mu okuo gie arriọba ọvbehe. Igbohiotọ ghi gha rre ehe hia. Ukhunmwu ghi gha fi. Ena hia gha yevbe ne emwi ubiẹmwẹ ru okhuo.