Jerimaia 49:23 - Edo Bible (E Baibol Ẹdo) Version 1996

²³ Emwi ne Nọyaẹnmwa tae vbekpa Damaskọs ọ re ọ na khin: “Ekhọe emwa ni rre Hamat kevbe Apad ma sẹ otọ, afianma vbe fian iran rhunmwuda, iran họn iyẹn dan, ohawa lẹ rhu iran zẹ vbe amẹ okun iran i ghi sẹtin kẹtin.

Jerimaia 49:23 ပူးပေါင်းရင်းမြစ်များ

Gẹnẹsis 14:15

Rẹn vbe emwa rẹn keghi ghae ye otu vbe evba, iran keghi dekun iran vbe odẹ ekẹn ọghe Damaskọs.

Gẹnẹsis 15:2

Sokpan Ebram keghi kha wẹẹ, “Nọyaẹnmwa ne Udazi, I i mwẹ emọ, de esa ne ẹse ne u ra ru mẹ khin? Ọmwa ne I mwẹ ne ọ gha rri ukhu, ọrọre Eliezẹ ne ovbi e Damaskọs.

II Samuẹl 17:10

Ẹghẹ nii, uhin ghẹ te ohan ghẹ ghi mu iran ni te din vbe oduma vbe uwu emwa ruẹn, rhunmwuda emwa Izrẹl hia rẹn erha ye ovbiyokuo ne ẹkpẹn, kevbe wẹ ekpakpasusu emwa rẹn khin vbe igbinna.

II Samuẹl 8:9

E Toi ne Ọba e Hamat keghi họn ighẹ e Devid khọnmiotọ ivbiyokuo e Hadadezẹ hia.

I Ọba 11:24

Rẹn keghi do khian ọkaolotu avbe ikpata eso (Emwi na keghi sunu vbe Devid khọn Hadadeza miotọ nẹ ne ọ na vbe gbele avbe ọba ẹ Siria ni ga gie ẹe.) E Rezọn kevbe emwa rẹn kegha rre Damaskọs, emwa rẹn na ya ẹe ma ọba e Siria.

II Ọba 17:24

Ọba Asiria keghi viọ emwa ke Babilọn gha dee kevbe Kut, Iva, Hamat kevbe Sefavim, ọ na do wẹ ne iran yin avbe ẹvbo e Sameria, ne iran do rhie ihe ivbi Izrẹl ne a hẹ gha rrie iwe. Iran keghi munọ avbe otọe na, iran na yin ẹnrẹn.

II Ọba 18:34

Iran ghi vbo nian ighẹ avbe ẹbọ e Hamat kevbe Apad? Ẹbọ iran vbo ighẹ Sefavim, Hena kevbe Iva? A miẹn ọmwa ne ọ miẹn e Sameria fan ra?

II Ọba 19:13

Avbe ọba ẹvbo ne a tie ẹre Hamat, Apad, Sefavim, Hena kevbe Iva vbo?”

II Ọba 5:12

Yevbe sẹ ọnii, avbe Abana kevbe Fapa ne ẹzẹ nii rre e Damaskọs vbe owa, maa sẹ ẹzẹ ke ẹzẹ vbe Izrẹl, mẹ ghẹ ghi ya khuẹ vbe enii ne egbe rran mwẹ.”

II Krọnikol 16:2

Rhunmwuda ọnii, Asa keghi viọ esiliva kevbe igoru vbe aza ni rre Ọgua Osa kevbe ẹguae, ọ na viọ gie Benhadad ne ọba e Siria vbe Damaskọs, ọ na gie ne a tama rẹn wẹẹ,

Ẹksọdọs 15:15

Banbanna nian, avbe ekhaẹmwẹ nii rre Idọm runraẹn nẹ, okpemwa nii rre Moab guọ nẹ. Egbe fu emwa hia nii rre Kenan,

Aizaia 10:9

I khọn avbe ẹvbo ne a tie ẹre Kalno kevbe Kakẹmis, e Hamat kevbe Apad. I khọn e Sameria kevbe Damaskọs.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 13:7

Obọ edọmwadẹ ọghọe gha luẹluẹ ginna ẹre egbe, ẹtin gha fo edọmwadẹ ọghọe.

Aizaia 36:19

De ehe ne iran ye nian ighẹ ẹbọ avbe Hamat kevbe Apad. Ẹbọ avbe Sefavim vbo? A miẹn ọmwa ne ọ miẹn Sameria fan ra.

Aizaia 37:13

Ọba avbe ẹvbo Hamat vbo kevbe Apad, Sefavim, Hena kevbe Iva.”

Aizaia 57:20

Sokpan te emwa dan yevbe okun ne ọ hẹ yo hẹ rre, ne ulẹmwẹ ọnrẹn idobọ yi ne ọ na vẹ ladian, ọ ghi ya gha viọ iku kevbe isan ẹmila rre.

Aizaia 7:8

Vbọzẹ? Rhunmwuda, e Siria ma wegbe sẹ e Damaskọs ne igiogbe ọ re, e Damaskọs ma vbe wegbe sẹ e Rezin ne Ọba. Sokpan, zẹ vbe ọghe Izrẹl, vbe ọ te do sẹ ukpo isẹn yan iyeha, iran gha zanzan ẹẹn ruan sẹrriọ wẹ, ẹ i ghi sẹtin guakpao do gha re uhunmwu ẹvbo ẹdẹ.

Jerimaia 39:5

Sokpan, ivbiyokuo e Babilọn keghi zẹẹ iran khu, obọ iran keghi vba e Zedekaia vbe otọe ne ọ rriẹe vbe ọkpẹn e Jẹriko. Iran keghi mu ẹẹn gie ọba Nebukiadneza ne ọ gha rre Ribla vbe otọ Hamat, evba nii ọ re Nebukiadneza na bu abe gbe ẹe.

Ezikiẹl 27:18

Ivbi e Damaskọs dẹlẹ emwi atẹ ruẹ kevbe avbe emwi ne u ya obọ ru, iran kevbe ayọn ne a miẹn vbe Helbon, kevbe eto ohuan ne a miẹn vbe Saha ha osa yọ. Iran ye ematọn ne a gbẹnnẹ kevbe oziza guẹ do ẹki.

Emọs 6:2

Wa ya ghe ore Kalnẹ. Wa ghi vbe ke evba kpao ya ghe ore nọkhua ighẹ Hamat kevbe ya sẹ e Gat ne ẹvbo e Filistin. Emwi rrọ ne iran ya maa sẹ otọ arriọba e Juda kevbe Izrẹl ra? Ehe ne otọe iran lae vbe digba sẹ ọwua ra?

Nahum 2:10

A fuẹn Ninevi ua, a hee ẹe ye otọ, ọ dihoi rua! Ẹtin hia ranran an rhunmwuda ohan, igbọn gha rhie gbe egbe, ẹtin fo. Te aro ghi reghe ua vbe uhunmwu.

Nọmbas 13:21

Ẹre emwa nii na la ghe odẹ okuọ, iran na ghe otọe nii ke ẹgbo Zin vbe odẹ ekẹn ya sẹ Rehọb, ne ọ rre ọkpẹn Hamat Pas vbe odẹ okuọ.

Iwinna 27:20

Vbe ikpẹdẹ ni bun, ma ma bẹghe owẹn ra avbe orhọnmwẹ, ẹhoho keghi wa ye kakabọ gha hoho, ọ ghi zẹ kpẹe, ma keghi wa rhie aro hin rre wẹ a gha ye miẹn uhunmwu.

Iwinna 9:2

Ọ na ya miẹn ẹre ebe ọghe rẹn ọna khin, ne ọ rhie mwẹ gha rrie Ọgua ediọn avbe Ju ni rre Damaskọs wẹ, rẹn gha miẹn emwa ni lele odẹ ọghe Nọyaẹnmwa vbe odọ, ne ọ sẹtin munọ ehia, ikpia kevbe ikhuo nọ viọ iran gha di e Jerusalẹm.

II Kọrinti 11:32

Ẹghẹ ne I na gha rre Damaskọs, enọkhaemwisẹ vbe ototọ Aretas ne ọba, keghi gie emwa ya gha khẹ onurho ẹvbo nii wẹ ne iran mu mwẹ.

Diuteronomi 20:8

“Avbe ekaolotu ghi vbe tama emwa ni wẹẹ, ‘Arhin eso rre emwa ra ne obọ ẹre i ghi guọ emwi, ne ohan vbe mu? Adeghẹ ọ rrọọ ọ sẹtin gha rrie owa, ne ọ ghẹ kọ ohan ye emwa nekpa ekhọe.’

Jọsua 14:8

Sokpan, emwa ni lele mwẹ gha khian keghi zẹ afianma ye emwa egbe, mẹ keghi ye ẹko ata họn ẹmwẹ ne Nọyaẹnmwa Osanobua mwẹ.

Jọsua 2:11

Ọwarọkpa vbe ima họn ẹn, ohan kegha mu ima, egbe na wọ edọmwadẹ ọghọe. Osanobua uwa, e Nọyaẹnmwa ọrọre Osanobua vbe ẹrinmwi kevbe agbọn.