Jerimaia 49:17 - Edo Bible (E Baibol Ẹdo) Version 1996

¹⁷ “Okuo ne ọ ra sunu vbe egbe Idọm gha mu ohan sẹ vberriọ wẹ ọmwa ne ọ rhirhi la evba gberra, ohan gha mu ẹn, afianma gha vbe fian ẹẹn.

Jerimaia 49:17 ပူးပေါင်းရင်းမြစ်များ

I Ọba 9:8

Ọgua Osa na ghi do khian otiku ọrhiae, ọ ghi gha yan emwa hia ni la evba gberra unu an, ọ ghi gbe orrirri ku iran, iran ghi kha wẹẹ, ‘Vbọzẹ ne Nọyaẹnmwa na ru otọ na kevbe emwa na vbenian yi?’

Jerimaia 18:16

Iran ye otọe nii khian ọghe ohan ne a ra gha zan ẹdẹdẹmwẹdẹ emwa ni lae gberra hia gha miẹn emwi ne ọ gha ye izegbe zẹ iran vbọ ọ gha yan iran unu uan, iran ghi gha fieghe uhunmwu.

Jerimaia 49:13

“Mẹ tobọmwẹ vẹn ihẹn ne wẹ e Bozra gha khian ne ọ mianmwẹ ughe, ọ ghi vbe khian ato, emwa gha yae gha gbogiẹ, a ghi ya ẹe gha tie ihẹn. Avbe igue ni lẹga ẹre hia gha khian itowa ẹdẹdẹmwẹdẹ. Mẹ ne Nọyaẹnmwa ọ re ọ taa ẹe.”

Jerimaia 50:13

Rhunmwuda ohu mwẹ, ọmwa ne ọ gha yin e Babilọn i ghi rrọ, te a ra yae khian itowa, emwa ni la evba hia, ọ gha yan iran unu an, orrirri ghi vbe gbe ku iran.

Jerimaia 51:37

Ẹvbo ni gha khian utete itowa, ehe ne avbe aranmwẹ oha ghi dia. Te ọ khian gha mianmwẹ ughe, ọmwarhọkpa i ra yin evba, emwa ni miẹn ọẹn hia gha vbe runran.

Ezikiẹl 25:13

Banbanna nian, I tae ighẹ I gha rri Idom oya, I ghi gbele emwa nagbọn kevbe aranmwẹ ni rre otọe nii hia a. I gha ya ẹe khian ẹvbo ne ọ gbe ẹvbi kevbe ore ẹvbo Tẹman gha dee do sẹ Dedan, a gha gbele avbe emwa nii uan vbe okuo.

Ezikiẹl 27:36

Ọwuẹ fo, ọfo vbe otọ ẹdẹdẹmwẹdẹ, avbe ekpatẹ ni rre otọe agbọn hia keghi wa runran, ohan mu iran wẹ ne emwi ne ọ rruan ruẹn ghẹ vbe do rruan iran.’ ”

Ezikiẹl 35:15

zẹ vbene uwẹ vbe ghọghọ ye ọfuan ọghe Izrẹl ne emwi obọ mwẹ. E Sẹa ne oke nọkhua, ẹn, kevbe otọe Idom hia gha dihoi rua. Ẹghẹ nii, emwa hia gha do rẹn ighe mẹ ọrọre Nọyaẹnmwa.”

Ezikiẹl 35:3

Tama iran vbe ne imẹ ne Nọyaẹnmwa ne Udazi kha hẹ wẹ: “Oghian uwa ọre I khin wa ne oke nekhua ni rre Idọm.

Ezikiẹl 35:7

I gha ye ẹvbo oke Idom khian otọe ne ọgbe ẹvbi I ghi gbele emwa hia ne ọ rhirhi lae gberra.

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Zẹfanaia 2:15

Emwi ne ọ ra rruan rẹn ọre ọnii khin ighe ẹvbo ni ne ọ ya ẹtin ẹnrẹn rhuọ vberriọ ne ọ na vbe ro wẹ ẹbe fo. Emwa rẹn ro wẹ ẹvbo iran ọ re ọ ghi kpọlọ sẹẹ vbe agbọn na hia. U miẹn egbe ehe ne ọ dihoi rua ne ọ ra khian, ehe ne avbe aranmwẹ oha gha na gha kẹtin. Ọmwa ne ọ rhirhi a la evba gberra gha ya iyeke werriegbe rhunmwuda vbene ọ ya mu ọmwa ohan.

Diuteronomi 29:22

“Vbe ẹghẹ ne ọ dee, avbe ivbi uwa kevbe avbe erriọvbe ni ke otọe ne ọ rre gha dee, gha miẹn ọkhọ kevbe oya ne Nọyaẹnmwa zẹ rruan otọe uwa.