Jerimaia 49:15 - Edo Bible (E Baibol Ẹdo) Version 1996

¹⁵ “E Nọyaẹnmwa ra do ya uwẹ khian ne ọ ma wegbe, ai ghi vbe miẹn ọmwa ne ọ gha ya ọghọ nuẹn.

Jerimaia 49:15 ပူးပေါင်းရင်းမြစ်များ

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Jerimaia 49:14

Mẹ keghi kha wẹẹ, “Idọm, e Nọyaẹnmwa gie uhunmwu gunmwẹ. Ọ gie ọmwa okpa uhunmwu ne ọ ya tama avbe uhunmwu ẹvbo hia wẹ ne iran si ivbiyikuo iran koko ne iran dekun ruẹn.

Jerimaia 49:16

Itengbemu ruẹ hiẹ ruẹ nẹ. Ai ghi miẹn ọmwa ne ọ muohan ruẹn zẹ vbene a te ka mu ohan ruẹn yi. Odukhunmwu okuta nekhua ni yo sẹẹ ọ re u diaa, odukhunmwu gban an ọghe avbe oke nekhua, ọ gha khọn ruẹn ne u ya gha rre uwu iso zẹ vbe oghohọn, te Nọyaẹnmwa ra siọ fi otọ. E Nọyaẹnmwa taa ẹe nẹ.

Obedaia 1:2

E Nọyaẹnmwa khama Idọm wẹẹ: “I gha ya uwẹ khian ne mitan mitan; emwa hia gha zan ruẹn.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Iyẹn ne ọ Maan Ọghe Luk 1:51

Ọ nien obọ ẹre ne ọ wegbe ladian. Ọ keghi zagha iran ni tọn egbe mu kevbe emwamwa iran kua.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.