Jerimaia 49:10 - Edo Bible (E Baibol Ẹdo) Version 1996

¹⁰ Sokpan, te imẹ wa bannọ ivbi Isọ rua fẹẹrẹ, I na vbe kie ehe ne iran lẹre yi hia yotọ sẹrriọ wẹ iran i ghi sẹtin lẹre ọvbehe. A fuẹn ivbi idom hia a fẹẹrẹ. A ma vbe sẹ okpa rae vbọ.

Jerimaia 49:10 ပူးပေါင်းရင်းမြစ်များ

Psalm 37:28

Rhunmwuda, e Nọyaẹnmwa ho ẹmwẹ emwi ne ọgbae, ẹi vbe he emwa ni guobọ ẹre yotọ, ọ degue iran rhinrin ẹdẹ. Sokpan, a gha khulo ivbi uniẹn emwa dan ladian.

Aizaia 17:14

Iran si ohan rre vbe ẹghẹ ota, sokpan, ọ gha sẹ owiẹ, iran kpao nẹ. Erriọ ọ ra rruan iran hia ni fu emwi viọ vbe ẹvbo mwa.

Aizaia 45:3

I gha viọ emwi ighobioye guẹ kevbe avbe ẹkhokho ni so ebiebi rre, ẹghẹ nii ọ re u gha na rẹn wẹ mẹ ọrọre Nọyaẹnmwa. Kevbe wẹ Osanobua ọghe Izrẹl ọ re ọ so eni ruẹn ya tie ruẹ.

Jerimaia 13:26

E Nọyaẹnmwa tobọ ẹre ọ re ọ ra bannọ uwa a, ọ ghi gie agbọn miẹn emwi ekhue uwa.

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Eve Orriara 4:22

E Zaiọn rrii oya ye orukhọ ne ọ ru nẹ, e Nọyaẹnmwa i ghi ra sẹ mwa rae ye iwe ọvbehe. Sokpan, e Nọyaẹnmwa gha rri uwa oya, wẹ Idọm. Ọ gha we ruẹ uhe ua vbekpa emwi irriabe ne u ru.

Emọs 9:3

Iran gha ya lẹre ye odukhunmwu Oke Kamẹl, te I gualọ iran mu. Iran gha lẹre mẹ vbe ototọ okun, I ghi tama Ugbogiorinmwi amẹ ne ọ fian iran re.

Obedaia 1:6

Wa ne ivbi uniẹn Isọ, iran fu ẹfe ruẹ hia viọ.

Obedaia 1:9

Emwa ni gbinna ni rre Tẹman gha runran, a ghi vbe gbele ivbiyokuo ni rre Idọm hia a.

Ebe ne Pọl gbẹẹn gie emwa Rom 9:13

Zẹ vbene ebe tae, “Ẹmwẹ Jekọb yẹ mwẹ, sokpan ohu Isọ mu mwẹ.”