Jerimaia 48:47 - Edo Bible (E Baibol Ẹdo) Version 1996

⁴⁷ Sokpan e Nọyaẹnmwa gha gie agbọn dọlegbe maa e Moab vbe ẹghẹ ne ọ dee. Avbe emwi na hia, ọre Nọyaẹnmwa khare ighe ọ gha sunu vbe egbe Moab.

Jerimaia 48:47 ပူးပေါင်းရင်းမြစ်များ

Job 19:25

Sokpan, mẹ rẹnrẹn ighẹ arhiọnkpa rre ẹrinmwi, ne ọ gha do mu ẹzọ mwẹ gui.

Aizaia 18:7

Ẹdẹ dee ne Nọyaẹnmwa gha na miẹn emwi ihaoko vbe obọ ẹvbo na ne ẹzẹ ghae ye inu ihe ne ọ khin, ẹvbo ni wegbe ni vbe mwẹ ẹtin na, ẹvbo ni taẹn ne ikpakpa egbe ẹre vbe rrie na, ne emwa mu ohan rẹn la otọ agbọn hia. Iran gha rri Oke Zaiọn, ehe ne a na ga e Nọyaẹnmwa ne Oghodua.

Aizaia 23:18

A ghi ya igho ne ọ miẹn vbe ẹki fi ohan ne Nọyaẹnmwa. Ẹ i ra vbe viọ ẹre hin rre, sokpan, avbe emwa ni ga e Nọyaẹnmwa gha ya igho nii dẹlẹ evbare kevbe ukpọn ne iran gha lo.

Aizaia 25:11

Iran gha niẹn obọ ladian zẹ vbe ọmwa ne ọ ra khue vbe ẹzẹ, sokpan, Osanobua gha gbe iran kotọ, obọ iran ghi dinmwi lughọlughọ ye uwu ẹzẹ.

Aizaia 45:20

E Nọyaẹnmwa khare wẹẹ, “Wa do si egbe koko, wa ne emwa ni rre uhunmwu ẹvbo, wa hia ni miẹn uhunmwu vbe arriọba nọkhua ni de. Wa ladian ne a do gui ẹzọ uwa. Iran ni gha mu amazẹ erhan, hẹ yo hẹ rre iran na gha na erhunmwu ghe ẹbọ ne ẹ i ra sẹtin miẹn iran fan, emwa nii ma zẹdẹ rẹn emwi rhọkpa hiehiere.

Jerimaia 12:14

E Nọyaẹnmwa khare wẹẹ, “I mwẹ ẹmwẹ ne I gha tama avbe ẹdogbo Izrẹl, emwa ni rhia rua a ighẹ otọ ne I mu ne ivbi Izrẹl, ne emwa mwẹ. I gha viọ emwa nii hin ẹvbo iran rre zẹ vbene a vbokho ovbi erhan, I ghi vbe miẹn e Juda fan vbe obọ iran.

Jerimaia 12:15

Sokpan, I gha viọ iran kpao nẹ, I gha tohan iran, I gha viọ dọmwadẹ uhunmwu ẹvbo dọlegbe gha die otọ ẹre kevbe ẹvbo ẹre.

Jerimaia 23:20

Ẹ i ra vbe dobọyi vbe ọ te do ru emwi ne ọ wẹ rẹn ra ru hia fo. Ọ gha sẹ ẹdẹ ne ọ dee, emwa rẹn gha wa rẹn emwi ne a ya ọna kha ẹsẹse.”

Jerimaia 46:26

I ghi viọ iran ne emwa ni ho ne iran gbele iran an, ne Nebukiadneza ne Ọba e Babilọn kevbe ivbiyokuo ẹre. Sokpan, ọ ghẹ ghi kpee fua, emwa gha vbe dọlegbe yin Igipt vbene ọ ka ye yi vbe ẹghẹ ne ọ gberra. Mẹ ne Nọyaẹnmwa taa ẹe nẹ.”

Jerimaia 49:39

Sokpan, vbe okiekie ehia, I gha gie agbọn vbe dọlegbe maa ivbi Ẹlam. Mẹ ne Nọyaẹnmwa taa ẹe nẹ.”

Jerimaia 49:6

“Sokpan, vbe okiekie, I gha gie agbọn dọlegbe maa Amọn. Mẹ ne Nọyaẹnmwa taa ẹe nẹ.”

Ezikiẹl 38:8

Vbe iyeke ukpo nibun, I gha tama rẹn ne ọ ya khọn ẹvbo ọkpa ne a ke viọ avbe emwa nii werriegbe gha dee do si iran koko, ne iran vbe gba gha rrọọ ke ẹghẹ nii gha dee vbe ne a i na fian afianma okuo. Ọ gha mu okuo la avbe oke Izrẹl ne ọ dihoi rua kevbe ne emwa na lẹkua ke ẹghẹ ne ọ kpẹre gha dee, sokpan, ne emwa hia ghi ye nian vbe a i mwẹ ẹbe.

Daniẹl 10:14

Te I rre do rhie ma ruẹn emwi ne ọ gha sunu vbe egbe emwa ruẹn ẹdẹnakhuẹ. Umian ọghe ẹdẹnakhuẹ ọ re ọna khin.”

Daniẹl 11:41

Ọ gha vbe mu okuo la Otọe Eyan nii ne arẹngbe. Ọ gha gbele arriaisẹn vbe ihe igbe nibun, sokpan avbe ẹvbo zẹ vbe Idọm, e Moab, kevbe ehe ne ọ ghi kẹe vbe Amọn, gha lẹ fe vbe obọ ẹre.

Daniẹl 2:28

Sokpan, Osanobua ọkpa ne ọ rhie emwi oro ma emwa rre ẹrinmwi. Rẹn tama ruẹn nẹ emwi ne ọ ra do sunu ẹdẹnakhuẹ. Umogun. Banbanna nian, I ra ta imina nii nu u miẹn vbe u vbiẹ ma ruẹn.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Nọmbas 24:14

E Balam keghi tama e Balak wẹẹ, “Banbanna nian, I ra bu avbe emwa mwẹ, sokpan vbe I te kpao, I gha tama ruẹn emwi ne ivbi Izrẹl gha ru avbe emwa ruẹn re ẹdẹ ne ọ dee,”

Diuteronomi 31:29

I rẹnrẹn wẹ I gha wu ne, iran ghi do khian emwa dan, iran ghi mu emwi ne I ma iran ẹre fua. Vbe ẹdẹ ne ọ dee, ọkhọ gha rruan iran rhunmwuda, iran ya ohu mu e Nọyaẹnmwa, vbe ne iran na ya gha ru emwi ne ọ tama iran ighẹ a wua.”

Diuteronomi 4:30

Sokpan, deghẹ ọlọghọmwa ghi vba uwa, ighẹ te emwi na hia ghi sunu vbe egbe uwa, ẹghẹ nii wa ghi werriegbe bu e Nọyaẹnmwa gha dee, wa ghi do gha ya ẹmwẹ ọnrẹn ru emwi.