Jerimaia 48:44 - Edo Bible (E Baibol Ẹdo) Version 1996

⁴⁴ Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Jerimaia 48:44 ပူးပေါင်းရင်းမြစ်များ

I Ọba 19:17

Ọmwa ne obọ e Hazaẹl ma vba ya gbe ua, e Jehu ghi gbe ẹe rua, ọmwa ne ọ vbe lẹ e Jehu fe, Elaisia ghi gbe ẹe rua.

I Ọba 20:30

Iran ni miẹn uhunmwu vbọ keghi lẹ la adesẹ ore ẹvbo, iran kegha rrie ẹvbo ne a tie ẹre Afẹk, ekẹn ne a gbe lẹga ẹvbo nii keghi siẹn rhu iran, ọ keghi gbele arhin arriaisẹn eha irrọ vbe ọgban (27,000), vbe uwu iran. E Benhadad kevbe lẹfua, ọ na ya lẹre ye ughugha ne ọ rre iyeke owa.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 24:17

Emwa hia, wa danmwehọ mwẹ. Ohan nọkhua rrọ, avbe uye kevbe ifi diakhẹ uwa.

Aizaia 24:18

Ọmwa ne ọ wẹ rẹn ra lẹ ne ugborrirri nii, gha de ye uvun, ọmwa ne ọ vbe lẹ hin obọ uvun rre, ọ ghi de ye ifi. Okpamẹ nọkhua gha gbefua ke iso rre, ẹyotọ agbọn gha vbe mu rueghe.

Jerimaia 10:15

Iran i mwẹ esa ne iran ye, te ọ kere ne a gha zan iran, a gha fuẹn iran an, vbe Nọyaẹnmwa a ghi fi iran emwi.

Jerimaia 11:23

A gha gbele avbe igbama iran vbe okuo; ohanmwẹ gha gbele ivbi iran an. I rhie ẹghẹ yọ nẹ ne I gha gie ọkhọ ya rruan ivbi Anatọt, ọ gha sẹ ẹghẹ nii, okpa ne ọ ra miẹn uhunmwu vbọ i rrọọ.”

Jerimaia 16:16

E Nọyaẹnmwa keghi kha wẹẹ, “I ra gie ne a tie avbe ọgbehẹn nibun, ne iran do munọ avbe emwa na, vbe iyekọnii, I ghi vbe gie ne a tie avbe ohuẹ nibun, ne iran do ru ọba fi iran vbe avbe uhunmwu oke nekhua kevbe negiẹrẹ hia kevbe vbe uwu uvun okuta nekhua.

Jerimaia 23:12

Odẹ ne iran la khian gha miọnghọn, ọ ghi vbe so ebiebi I gha gie iran rrua owẹ ne iran dele. I ra gie ọkhọ do rruan iran ẹghẹ ne a gha na rri iran oya dee. Mẹ ne Nọyaẹnmwa tae nẹ.

Jerimaia 46:21

Uhin avbe ivbiyokuo ne ọ ve ẹre igho viọ ba egbe, egbe wọ ehia yotọ nẹ zẹ vbe ivbi ẹkhuia ẹmila. Iran ma kpaegbe ne iran gbinna iran hia fi iyeke gbe, iran na lẹẹ ẹdẹ ne iran ra khian rhie sotọ nẹ, ẹdẹ ne iran ra la ọrhiae rrie.

Jerimaia 49:8

Ivbi e Dedan, wa fi egbe egbe werriegbe ne uwa lẹ! Wa ya lẹre! Iran do fuẹn ivbi uniẹn Isọ rua rhunmwuda, ẹghẹ sẹ ne nian ne I gha na rri iran oya.

Jerimaia 50:24

E Babilọn, te uwẹ gunmwẹ gha gbinna, banbanna nian, ifi ne I khuẹẹn khẹ ruẹ mu ẹẹn nẹ, a gha rhe miẹn wẹ, wẹ ma rẹn.

Jerimaia 50:27

Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Jerimaia 51:18

Iran i vbe mwẹ esa, emwi ne a zan nọ. Ẹghẹ ne Nọyaẹnmwa gha na ru iran emwi, a gha fuẹn iran an.

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Eve Orriara 3:47

Ma vba ẹbe kevbe ọrhiae vbe egbe; uwu ẹbe kevbe ohan ọ re ima wa ye.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Emọs 5:19

Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.

Maika 7:4

Iran ni maa sẹ, kevbe ne ẹ i ru ero vbe uwu iran, te ehia wa kuogboi zẹ vbe irunmwu. Ẹdẹ ni rre nẹ ne Nọyaẹnmwa gha rri avbe emwa oya, zẹ zẹ iran ighe avbe akhasẹ tama iran ye otọ. Banbanna nian, iro han iran hia.