Ne I vbe tama iran wẹ e Nọyaẹnmwa ne Oghodua khare wẹẹ; “I gha guọghọ emwa na kevbe ẹvbo na an, ọ ghi ye vbe uru obuẹ ne a guọghọ ua nẹ ẹ i ghi gie a dọlegbe mama kugbe. Emwa gha ya gha re orinmwi iran ye Tofẹt, rhunmwuda ehe ọvbehe i ghi ra gha rrọ ne a gha re iran yi.
Mẹ keghi kha wẹẹ, “E Jehoiakim ne ọba wa vbe yevbe uru ne ọ wu ne a mu fua, ne ọmwarhọkpa i gualọ nẹ ra? Ọnii ọ siẹe ne a na viọ irẹn vbe ivbi ẹre gha rrie iwe vbe otọ ne a ma rẹn emwi rhọkpa vbe ekpa ẹre?”
“Wa gha viẹe, wa ne avbe ọkaolotu, wa ne ọsuohuan avbe ohuan mwẹ. Wa gha khiẹ, ne uwa vbe gha werriẹ vbe uwu ebubẹ. Ẹghẹ sẹ nẹ nian ne a gha ya lọkọ uwa a, a gha gbele uwa vbene a gbele ogho.