Jerimaia 48:37 - Edo Bible (E Baibol Ẹdo) Version 1996

³⁷ Iran hia khiokhio eto mu otọ iran keghi vbe gbẹn ẹtu iran. Iran valọ obọ iran, edọmwadẹ ọghọe keghi vbe rhuan ukpọn akhiẹ.

Jerimaia 48:37 ပူးပေါင်းရင်းမြစ်များ

Gẹnẹsis 37:29

Ugbẹn vbe Riubẹn ghi dọlegbe sẹ uhae nii, vbe ọ ghi miẹn wẹ Josẹf i ghi rre evba, ọ keghi sọ ẹwu ye egbe ẹre ẹkun zẹ vbe orhiema ọghe akhiẹ.

Gẹnẹsis 37:34

E Jekọb keghi sọ ẹwu ye egbe ẹre ẹkun, ọ na mu ukpọn nekhui rhuan zẹ vbe orhiema akhiẹ, ọ keghi ya ẹdẹ nibun khiẹ ovbi ẹre.

I Ọba 18:28

Rhunmwuda ọnii, avbe akhasẹ nii keghi kakabọ gha tọn urhu mu na erhunmwu, iran na gha ya abẹe vbe agbada giagia egbe iran zẹ vbene iran ru ẹe, sẹrriọ ne esagiẹn ghi na gha tue ladian.

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

II Ọba 6:30

Ọba ghi họn ẹmwẹ na, ọ keghi sọ ukpọn rẹn uan rhunmwuda vbene ọ gbe ẹre egbe sẹ, emwa ni sikẹ ọkpẹn ekẹn keghi bẹghe ẹre wẹ ukpọn akhiẹ ẹre ọ yọ kotọ.

I Krọnikol 19:4

E Hanun na munọ emwa ne Devid gie ẹre uhunmwu, ọ na gbẹn iran ẹtu kua, ọ na giagia ẹwu iran la ẹkun, ọ na wẹ ne iran gha rrie.

Aizaia 20:2

Odẹ ukpo eha ne ọ gberra, emwi na ke do sunu, e Nọyaẹnmwa ke khama Aizaia ne ovbi Amọz wẹ ne ọ bannọ ibata ẹre kevbe ukpọn ẹkpo ivin ne ọ te yọ hẹ kua. Ọ keghi gele ru vberriọ, ọ na bannọ uan gha ya owẹ kẹkan mama otọ lele ehe hia khian.

Aizaia 3:24

Ne iran gha na te gha lo ori ne ọ winhin, iran ghi gha wia. Ne iran gha na te gha ya ugbẹkun ni mose gba, iran ghi gha lo irri ne khuarakhuara, ne iran gha na te gha mwẹ eto ne ọ mose, iran ghi gbe akpan, ne iran gha na te rhuan ukpọn ne ọ mose, iran ghi silo osọnmwẹ ukpọn ye egbe, a ghi fi ose iran werriẹ khian emwiekhue!

Aizaia 37:1

E Hẹzekaia ne ọba ghi wa họn ẹmwẹ na, ọ ke yanghan ukpọn rẹn uan, ọ keghi hẹ ukpọn akhiẹ ye egbe, ọ na gha rrie Ọgua Osa e Nọyaẹnmwa.

Jerimaia 16:6

Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.

Jerimaia 41:5

Arhin iyenẹ keghi ke Siẹkẹm rre, kevbe Silo kevbe Sameria iran zẹlẹ ẹtu iran, iran keghi sọlọ ukpọn iran, iran vbe ya emwi valọ egbe iran. Iran keghi viọ ọka kevbe eturari mwẹ ne iran ya yo imuohan vbe Ọgua Osa.

Jerimaia 47:5

Ivbi e Gaza miẹn akhiẹ nọkhua, ọgbunu gbe ivbi Askẹlọn unu an vbe Filistia ra khiẹ kpee sẹ hẹ vbe otọ yi?

Jerimaia 49:3

Ivbi e Hesbọn, wa gha tulo! A fuẹn Ai rua nẹ! Ikhuo e Raba, wa ya gha khiẹ! Wa viọ ukpọn akhiẹ ye egbe ne uwa gha khiẹ. Wa gha hẹ yo hẹ rre vbe uwu iro ne ọ hanrẹn. A gha mu e Milkọm ne ẹbọ uwa gha rrie iwe, ke ẹe ke avbe ohẹn ọnrẹn kevbe avbe ivbi ọba.

Ezikiẹl 27:31

Iran zẹ eto iran ne uẹn, iran keghi viọ ukpọn akhiẹ ye egbe. Ekhọe iran hia rriara, vbe iran viẹ nii.

Ezikiẹl 29:18

“Ovbi ọmwa, e Nebukiadneza ne ọba e Babilọn gu e Taia gbinna. Ọ keghi ya avbe ivbiyokuo ẹre mu ihẹ ne ọ khua sẹrriọ wẹ te iran ghi gbele akpan, ẹtẹ keghi vẹ vbe izabọ iran, sokpan, ke ọba kevbe ivbiyokuo, ne ọ miẹn emwi esi ọkpa rhie ke ọe ladian, ẹ i rrọ ighe ẹsọn ne iran miẹn nii.

Ezikiẹl 7:18

Iran gha viọ ukpọn akhiẹ ye egbe, iran ghi gha guẹ kpẹkpẹkpẹ. A gha zẹlẹ iran hia eto, a ghi vbe fa iran uan.

Levitikọs 19:28

Wa ghẹ gbẹnnẹ egbe ra ne u wa giagia egbe ya gha khiẹ orinmwi. Mẹ ọ re Nọyaẹnmwa.

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Maika 1:16

Wa ne ivbi e Juda, wa zẹ eto uwa ne uwa ya khiẹ emọ ne uwa ho ẹmwẹ ọnrẹn. Wa gie akpan gha rre uwa uhunmwu zẹ vbene ọghe ugu ye, rhunmwuda, a gha miẹn uwa ivbi uwa viọ gha rrie iwe.

Iyẹn ne ọ Maan Ọghe Mak 5:5

Ke asọn kevbe avan, ọre ọ ya hẹ yo yẹ rre vbe uwu itẹ kevbe uhunmwu oke, ọ ghi gha goo, ọ ghi gha ya okuta giagia egbe ẹre.

Arhie Maan 11:3

Mẹ gha gie avbe osẹe mwẹ eva, ni yọ ukpọn ẹkpo ivin, iran ghi vbe ya gha kpe orhu ẹmwẹ Osanobua vbe uwu ikpẹdẹ iyeha yan uri yan arriaisẹn nii (1,260).”