Jerimaia 48:33 - Edo Bible (E Baibol Ẹdo) Version 1996

³³ A rhie oghọghọ kevbe ọyẹnmwẹ hin otọe Moab ne ọ maa emwiokọ rre nẹ. I dobọ ayọn ne ọ la ke udin ayọn rre yi nẹ. A i ghi miẹn ọmwa ne ọ gha zẹ udin ayọn, ne ọ gha vbe gha we ne oghọghọ.

Jerimaia 48:33 ပူးပေါင်းရင်းမြစ်များ

Aizaia 5:10

Azara ne a kọ ye awowo otọe isẹn, egalọn ofigbọn isẹn kẹkan ọre a ra gha miẹn vbọ. Ẹgbẹdin emwiokọ enẹ ne a ya kọ, ẹgbẹdin emwiokọ ọkpa kẹkan ọre a gha vbe gha rhọ vbọ.”

Aizaia 7:23

“Ọ gha sẹ ẹghẹ nii, avbe ogba azara ne mose mose, ne erhan azara arriaisẹn ye, ne ọ vbe sẹ igho esiliva arriaisẹn, igban ọkhuẹnkhuẹn kevbe ọkọsọ ghi sọn rhu ẹe.

Aizaia 9:3

Wẹ rhie oghọghọ nọkhua ne iran Nọyaẹnmwa; u ya ẹko iran gha rhiẹnrhiẹn iran ghọghọe ye iwinna ne u winnaẹn zẹ vbene emwa ghọghọ vbe iran a gha rhọ emwiorhọ ra vbe iran a gha ghae emwi ne iran gbinna ẹn viọ vbe okuo.

Joẹl 1:16

Ma bolo aro ua gha ghe ẹre, vbe a fuẹn ima emwiokọ ua, ẹkorhiẹnrhiẹnmwẹ i ghi rre uwu Ọgua Osa Osanobua mwa.

Joẹl 1:5

Wa rhiọrre ne uwa gha viẹ, wa ne avbe ọdayọn, wa gha viẹ, wa ni da ayọn, iran dunmwu ehia a ighe avbe alimo ne a te ya ru ayọn ọgbọn.

Emọs 5:17

Ugomwẹ gha rre uwu ogba azara hia. Emwi na hia sunu rhunmwuda, I dee ra do rri uwa oya.” Erriọ Nọyaẹnmwa khare.

Hagai 2:16

wa ghi kpao gha rrie ehe ne a si ọka gbo yi, ne uwa na rhie aro ye agban ugie, sokpan, igbe kẹkan ọ re uwa miẹn vbọ. Wa ghi wẹ wa ra sa egalọn ayọn ekigbesiyeha vbe ẹgbẹdin nọkhua, sokpan wa ghi miẹn ugie kẹkan vbọ.