Jerimaia 48:29 - Edo Bible (E Baibol Ẹdo) Version 1996

²⁹ E Moab hio gbe. I họn nẹ vbene iran hio hẹ, ne iran na vbe tọn egbe mu, iran ghi gha ye obọ rra ẹwẹe, ne iran na vbe kha i ghẹ a ma he miẹn egbe iran ẹdẹ.

Jerimaia 48:29 ပူးပေါင်းရင်းမြစ်များ

Psalm 138:6

A gha rhe miẹn wẹẹ ehe ne u ye vbe odukhunmwu yo ẹsẹse, te u ye zẹ ye avbe emwa ne a ma rẹn re, iran ni tọn egbe mu i vbe sẹtin lẹre ne uẹn.

Itan 18:12

A i yọghọ ne ọmwa adeghẹ ẹ i mu egbe rriotọ; emwa ni tengbemu, odẹ ọfuan ọre iran gbẹn khian.

Itan 21:24

Ma mwẹ ọmwa ne ọ ye obọ rra ẹwẹe ọre, I gha ma ruẹn ọmwa ne ọ tọn egbe mu, ne ọ hio kevbe ne ẹ i ro ne ọmwa.

Itan 30:13

Emwa eso rrọ ni ro wẹ iran maa gbe a i miẹn ọmwa vbe ne iran ye hiehiere.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Aizaia 13:11

E Nọyaẹnmwa khare wẹẹ, “I gha fian ọfuan fi otọ agbọn, I ghi vbe rria avbe emwa dan hia ikhi ye orukhọ iran. I gha vbokho iran hia uhunmwu rri otọ ighe avbe iran ni tọn egbe mu. I gha rria iran ikhi ighe iran ni hio kevbe emwa dan.

Aizaia 16:6

Ivbi e Juda khare wẹẹ, “Ma họn vbene ivbi e Moab hio hẹ, ma rẹnrẹn ighe iran tọn egbe mu, iran ghi gha ya obọ rra ẹwẹe, sokpan, orhuọ ne iran rhuọ, ifianyanegbe nọ.”

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Iyẹn ne ọ Maan Ọghe Luk 14:11

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

Jems 4:6

Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”