Jerimaia 48:28 - Edo Bible (E Baibol Ẹdo) Version 1996

²⁸ “Wa ne emwa ni rre Moab, wa kpao vbe ore ẹvbo uwa rre. Wa ya gha rre ukpe uhunmwu oke okuta! Wa ye egbe uwa do gha yevbe idu ne ọ bọ oko ye ẹzẹ ne ọ la uguowẹ okuta.

Jerimaia 48:28 ပူးပေါင်းရင်းမြစ်များ

Gẹnẹsis 8:12

E Noa keghi yevbe ziengbe la ikpẹdẹ ihinrọn, ọ na vbe zẹ idu obọ, ẹghẹ na, ọ ma ghi dọlegbe rre.

Ihuan Ne Ọ Sọọ Ihuan Hia 2:14

U yevbe edi ne ọ lẹre ye uvun okuta. Gun mwẹ bẹghe ugbaro ruẹ ne lọgiọọ. Ne I vbe họn urhu ne ighẹnghan ruẹn.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Jerimaia 48:9

Wa mu okuta ayere yotọ ne Moab ẹ i ghi rrei a fuẹn ọnrẹn uan ban. A gha ya avbe ẹvbo ni rrọọ khian itowa, a i ghi miẹn ọmwa ne ọ gha yin ẹnrẹn ọvbehe.”

Jerimaia 49:16

Itengbemu ruẹ hiẹ ruẹ nẹ. Ai ghi miẹn ọmwa ne ọ muohan ruẹn zẹ vbene a te ka mu ohan ruẹn yi. Odukhunmwu okuta nekhua ni yo sẹẹ ọ re u diaa, odukhunmwu gban an ọghe avbe oke nekhua, ọ gha khọn ruẹn ne u ya gha rre uwu iso zẹ vbe oghohọn, te Nọyaẹnmwa ra siọ fi otọ. E Nọyaẹnmwa taa ẹe nẹ.

Jerimaia 49:8

Ivbi e Dedan, wa fi egbe egbe werriegbe ne uwa lẹ! Wa ya lẹre! Iran do fuẹn ivbi uniẹn Isọ rua rhunmwuda, ẹghẹ sẹ ne nian ne I gha na rri iran oya.

Giọgis 6:2

Emwa Midian keghi wegbe sẹ ivbi Izrẹl, ẹre avbe Izrẹl na lẹ la uhunmwu oke ya gha lẹre ye uvun okuta kevbe ehe ne ọ ghi sẹtin degue iran.

I Samuẹl 13:6

Iran keghi gu ivbi Izrẹl gbinna ọghe ọhanabe, ẹ i ghi ye iran ẹse hiehie. Eso na lẹre ye uwu uvun okuta kevbe uvun otọ vbe uwu avbe okuta, deba uwu uye kevbe uhae.