Jerimaia 48:26 - Edo Bible (E Baibol Ẹdo) Version 1996

²⁶ E Nọyaẹnmwa khare wẹẹ, “Wa ye ayọn ne Moab da ne ọ gha gbe ẹe, rhunmwuda ọ sọtẹ mwẹ nẹ. E Moab gha de wunnu vbe uwu ekpa ne ọ kpaa yotọ, emwa hia ghi gha giẹ ọe.

Jerimaia 48:26 ပူးပေါင်းရင်းမြစ်များ

Job 15:25

“Erriọ ọre ẹdagbọn iran ye, ighẹ iran ni kun ekpa da Osanobua. Ọna vbe gha yagha Udazi.

Job 9:4

Osanobua wan ẹsẹse, ọ vbe mwẹ ẹtin, ọmwa ne ọ gha sẹtin mu aro da ẹre irrọ.

Psalm 2:4

E Nọyaẹnmwa giee ke ẹkete ẹre vbe ẹrinmwi rre, ọ keghi vbe ya uma eghẹrẹ iran gbogiẹ.

Psalm 59:8

Sokpan, te uwẹ giẹ iran Nọyaẹnmwa, te uwẹ ya iran ni ma yayi hia gbogiẹ.

Psalm 60:3

U gie avbe emwa ruẹn rrioya ẹsẹsẹmwẹse; te ima ghi ye owẹ ba otọ ku khian vbe ọmwa ne ayọn gbe.

Psalm 75:8

E Nọyaẹnmwa mu ukpu ọkpa mwẹ obọ ọ vuọn ne ayọn nọ wegbe ọghe izohu ẹre, ọ sa ẹe ladian avbe emwa dan keghi dae, iran dae ya sẹ ototọ ukpu fẹẹrẹ.

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Ẹksọdọs 9:17

Sevba te u ye hio ku emwa mwẹ, u ma gie iran kpao.

Aizaia 10:15

Sokpan, e Nọyaẹnmwa khare wẹẹ, “Ughanmwa gha kha ighe rẹn ọ re ọ sẹ ọmwa ne ọ ya ẹe winna ra? Ọsara ọ re ọ vbe kpolo sẹẹ ọmwa ne ọ yae va erhan ra? Orhokhua i tọn ọmwa mu, ọmwa ọ re ọ tọn orhokhua mu.”

Aizaia 19:14

E Nọyaẹnmwa ru ẹe ne iran gha bu iran ude ne ọ ye emwi lighi ye ọmwa aro, emwi ne ọ ghi lae rre ọrọre wẹ te Igipt ba emwi hia ku ru, te ọ ghi zẹ owẹ ahanmwahan zẹvbe ọdayọn ne ekpa ne ọ kpae miọnghọn ẹre owẹ.

Aizaia 28:8

Eteburu ne iran tota yi, ekpekpa ọ re ọ ghi gba ẹre, ai vbe miẹn ihe ọkpa ne otọ ne ọ ma gbiruẹn ghi ye vbọ.

Aizaia 29:9

Gie obọ kẹe ne u wa gha zurọ khian! Gie obọ kẹe, ne uwa rhu aro vbe uhunmwu. Wa gie ayọn gha gbe uwa, vbene uwa ma na da ayọn wa gha dobidokpannọ khian vbe ne uwa ma na da ayọn rhọkpa.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 63:6

Vbe uwu ne ohu na mu mwẹ nii, I keghi, ya owẹ rrilo avbe uhunmwu ẹvbo ginna otọ I keghi duẹ iran an, I keghi hihiẹẹ, esagiẹn arrọọ iran yotọ.”

Jerimaia 48:39

“A salọ Moab ua! Wa gha go! A fa Moab ua nẹ. Itowa ọ re ghi nọ, te avbe ẹvbo ni lẹga ẹre hia ghi ya ẹe gbogiẹ. Mẹ ne Nọyaẹnmwa taa ẹe nẹ.”

Jerimaia 48:42

A gha fuẹn Moab ua, ẹi ghi ra vbe gha re okpẹvbo ọvbehe rhunmwuda, ọ sọtẹ mwẹ nẹ.

Jerimaia 50:29

“Wa tama iran ni fi uhanbọ ne iran dekun e Babilọn. Wa gie iran gha khian ighe avbe emwa ni ghi guara fi uhanbọ kevbe ifẹnmwẹ. Wa ghae ga ẹvbo nii, wa ghẹ vbe gie ọmwarhọkpa miẹn uhunmwu vbọ. Wa ru ẹre emwi hia ne irẹn vbe ru emwa re werriegbe. Wa hae nẹ zẹ vbene irẹn ka ru. Rhunmwuda, uhiomwẹ ọ re ọ ya yin da mwẹ, mẹ ne ọmwa Nọhuanrẹn ọghe Izrẹl.

Jerimaia 51:39

Te iran zuan ra? I gha le evbare ne iran, I gha ya ayọn ne iran da, iran ghi vbe gha ghọghọ. Iran gha ya vbiẹ vbe ne iran i ghi ra na rhiọrre ọvbehe.

Jerimaia 51:57

I gha ye ayọn ne avbe enikhaemwisẹ iran da, ne ọ gha gbe iran, avbe umẹwaẹn, ọkaolotu, kevbe ivbiyokuo. Iran gha ya lovbiẹ, sokpan iran i ghi rhiọrre. Mẹ ne ọba taa ẹe nẹ. Mẹ ọrọre Nọyaẹnmwa ne Oghodua.

Jerimaia 51:7

“Te Babilọn te ye vbe ukpu igoru vbe obọ mwẹ, ọ kegha ya ayọn ne otọ agbọn hia da ne ọ gha gbe iran. Avbe uhunmwu ẹvbo da ayọn rẹn, ẹrherhe iran keghi kulo.

Eve Orriara 1:21

“Danmwehọ ikhiẹkhiegbe mwẹ ọmwa ne ọ ra fu mwẹ ẹko rre i rrọọ. Avbe eghianmwẹ wa ghọghọ ua ighe u gie ọkhọ rruan mwẹ. Gi ẹdẹ ne u buruu ni gele rre, gie eghian mwẹ rrioya zẹ vbe mwẹ.

Eve Orriara 3:15

Oya vbe ẹhorriẹ ọ re ọ rhie mẹ gha re kevbe ne I gha wọn.

Eve Orriara 4:21

Wa gha giẹ ivbi Idom kevbe Uz; wa gha ghọghọ vbe ẹghẹ ne uwa ya sẹtin, ọkhọ ne ọ ra rruan uwa vbe dee. Wa tobọ uwa gha vbe dobidokpannọ wa ghi bannọ uan vbe uwu ekhue.

Daniẹl 11:36

Ọba e Siria ghi gha da gbe da mu, ọ ghi gha rhuọ we rẹn kpọlọ sẹẹ avbe ẹbọ, kevbe wẹ rẹn sẹ Osanobua ne ọ kpọlọ Sẹehia. Ọ gha sẹtin gha ru avbe emwi na ọ te do sẹ ẹghẹ ne Osanobua gha ya rria ẹre ikhi. Osanobua gha ru zẹ vbene ọ mwamwaẹn zẹẹ.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Daniẹl 8:10

Ọ wegbe sẹrriọ wẹ ọ keghi sẹtin gha gu ivbiyokuo ẹrinmwi gbinna, avbe orhọnmwẹ tobọ iran, ọ keghi munọ eso gbotọ vbọ, ọ na ye owẹ rrilo iran ginna otọ.

Nahum 3:11

E Ninevi, wẹ tobọ ruẹ gha vbe zurọ ezurọ ọmwa ne ayọn gbe! We tobọ ruẹ gha vbe hia ne u lẹ eghian ruẹn fe.

Habakọk 2:16

Erriọ ọ re a gha vbe ya ekhue yọ uwẹ ẹwu ye ihe uyi ne a gha te rhie ne uẹn, wẹ tobọ ruẹ gha da ayọn, u ghi gha ya owẹ fi otọe dọn khian. E Nọyaẹnmwa gha mu ukpu irri oya ọwuẹ ne uẹn wọn, a gha fi uyi ruẹ werriẹ ghe efaa.

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.