Jerimaia 48:2 - Edo Bible (E Baibol Ẹdo) Version 1996

² Ose e Moab fo vbotọ, eghian khọn mu e Hesbọn nẹ, iran vbe kun vbene iran gha ya fuẹn e Moab ua hẹ nẹ. A gha rhie obọ gue ẹvbo avbe Ọmwẹmwẹ unu. ivbiyokuo gha mu okuo gha khian.

Jerimaia 48:2 ပူးပေါင်းရင်းမြစ်များ

Aizaia 15:1

Uhunmwu ne a gie rre vbekpa e Moab ọ re ọna khin. Iran rẹnkhẹẹn avbe okpẹvbo ne a tie ẹre Aa kevbe Kẹẹ vbe asọn ọkpa, otọ e Moab na ghi wa hunwan hiii.

Aizaia 15:5

Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Aizaia 16:14

“Vbe ukpo eha ne ọ dee zẹẹ, ẹfe ọrhẹnrhẹn ne Moab mwẹ gha khian ne a ho bẹkun. Ibozẹghẹ ọ re ọ ra kẹe rre vbe ẹvbo ọrhẹnrhẹn ne ọ mwẹ, te iran ni ra vbe ye mitan mitan.”

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Jerimaia 25:15

E Nọyaẹnmwa ne Osanobua Izrẹl keghi tama mwẹ wẹẹ, “Ghe ukpu ayọn ne ọ vuọn ne ohu mwẹ vbe emwa na, mu ẹẹn bu avbe uhunmwu ẹvbo ne I giọ bu hia gha khian, ne u ya ne iran da vbọ.

Jerimaia 25:17

Rhunmwuda ọnii, I keghi mu ukpu nii vbe obọ e Nọyaẹnmwa, I keghi mu ẹẹn ne avbe ẹvbo nii ne Nọyaẹnmwa he gie mwẹ, bu hia, I na ya ne iran da vbọ.

Jerimaia 31:36

Ọ yan rẹn wẹ vbe ne emwi gha ye zẹe ẹghẹ vbe ne a na yii ẹe, ẹre Izrẹl gha vbe gha re uhunmwu ẹvbo.

Jerimaia 33:24

“U ma miẹn vbene emwa tae khian hẹ wẹ mẹ he Izrẹl kevbe Juda yotọ nẹ, ẹgbẹe eva ne imẹ hannọ zẹ. Iran keghi rhunmwuda ọnii, gha ye aro gbe emwa mwẹ re, iran i ghi vbe ka iran ye uhunmwu ẹvbo.

Jerimaia 46:28

I gha bu uwa rre, I ghi do miẹn uwa fan I gha fuẹn ehia a ighe avbe ẹvbo ne I zagha uwa kui, sokpan, mẹ i ra fuẹn uwa a. Mẹ i ra sẹ uwa rae vbe ne a i na rri uwa oya hiehiere, sokpan, I gha rrie uwa oya, I gha ru ẹe vbe ne ọ kei yi. Mẹ ne Nọyaẹnmwa guaan nẹ.”

Jerimaia 48:17

“Wa khiẹ ẹvbo nii, wa ni yin diake ẹe wa hia fẹẹrẹ ni rẹn usi ẹre. Wa kha wẹẹ, ‘A ye arriọba ẹtin ẹnrẹn owẹ yotọ, uyi kevbe ẹtin ẹnrẹn i ghi rrọ ọvbehe.’

Jerimaia 48:42

A gha fuẹn Moab ua, ẹi ghi ra vbe gha re okpẹvbo ọvbehe rhunmwuda, ọ sọtẹ mwẹ nẹ.

Jerimaia 48:45

Iran ni lẹ hin ẹvbo iran rre, ne ẹtin vbe fo nẹ, gha te gha ho ne a miẹn iran yi vbe Hesbọn, ẹvbo nii ne ọba e Saihọn gha khaemwisẹ yan ẹghẹ ọkpa, sokpan, erhẹn wa to vbọ nian. Erhẹn giẹn ehe ne a ka sẹ vbọ kevbe avbe oke ni yo ọghe avbe ivbi e Moab ne okuo ye.

Jerimaia 49:3

Ivbi e Hesbọn, wa gha tulo! A fuẹn Ai rua nẹ! Ikhuo e Raba, wa ya gha khiẹ! Wa viọ ukpọn akhiẹ ye egbe ne uwa gha khiẹ. Wa gha hẹ yo hẹ rre vbe uwu iro ne ọ hanrẹn. A gha mu e Milkọm ne ẹbọ uwa gha rrie iwe, ke ẹe ke avbe ohẹn ọnrẹn kevbe avbe ivbi ọba.

Jerimaia 49:37

I gha ru ẹe ne emwa Ẹlam gha fian afianma avbe eghian iran ni ho ne iran gbele iran. Vbene ohu nọkhua ya mu mwẹ, erriọ I ra ya fuẹn emwa Ẹlam uan, I gha gie ivbiyokuo gie iran, a te do miẹn wẹ I wa fuẹn iran fẹẹrẹ.

Nọmbas 32:37

Ẹwae Riubẹn keghi dọlegbe bọlọ Hesbọn, Eliala, kirriatam.