Jerimaia 48:17 - Edo Bible (E Baibol Ẹdo) Version 1996

¹⁷ “Wa khiẹ ẹvbo nii, wa ni yin diake ẹe wa hia fẹẹrẹ ni rẹn usi ẹre. Wa kha wẹẹ, ‘A ye arriọba ẹtin ẹnrẹn owẹ yotọ, uyi kevbe ẹtin ẹnrẹn i ghi rrọ ọvbehe.’

Jerimaia 48:17 ပူးပေါင်းရင်းမြစ်များ

Psalm 110:2

E Nọyaẹnmwa gha fian te ẹtin arriọba ruẹ ke Zaiọn rre. Rẹn keghi kha wẹẹ, “Gha khaemwisẹ yan avbe eghian ruẹn.”

Aizaia 10:5

E Nọyaẹnmwa keghi kha wẹẹ, “Asiria, te imẹ lo Asiria zẹ vbe orhokhua ne I ra ya rria iran ne ohu ẹre mu mwẹ ikhi.

Aizaia 14:6

iran ni ya ohu wọ avbe emwa nii uhunmwu, vbe ne iran i na vbe dobọ ẹvbo ni iran khọnrẹn ne iran zẹ kpokpo yi.

Aizaia 16:8

Avbe ugbo ni rre ọkpẹn Hesbọn kevbe avbe ogba azara ọghe Sibma khian ne a guọghọ ua, avbe ogba azara nii, ne ayọn rẹn te gbe uhunmwu ẹvbo hia. Vbe ẹghẹ ọkpa, avbe azara ẹre keghi ya vẹ sẹ ore Jaza, ọ keghi vbe vẹ vbe odẹ ahọ ya sẹ ato, kevbe odẹ orrie ya sẹ Okun Nọwu.

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Jerimaia 48:39

“A salọ Moab ua! Wa gha go! A fa Moab ua nẹ. Itowa ọ re ghi nọ, te avbe ẹvbo ni lẹga ẹre hia ghi ya ẹe gbogiẹ. Mẹ ne Nọyaẹnmwa taa ẹe nẹ.”