Jerimaia 48:13 - Edo Bible (E Baibol Ẹdo) Version 1996

¹³ Ẹghẹ nii, ivbi e Moab gha khian ne iro hanrẹn ba ẹmwẹ e Kemọs ne ẹbọ iran, zẹ vbene iro e Bẹtẹl han ivbi Izrẹl, ẹbọ ni ne iran te mu ẹtin yan.

Jerimaia 48:13 ပူးပေါင်းရင်းမြစ်များ

I Ọba 11:33

I gha ru emwi na rhunmwuda, e Solomọn fi iyeke gbe mwẹ, ọ keghi ya gha gho Astat ne ẹbọ ne okhuo ọghe Saidọn e Kemọs ne ẹbọ ọghe Moab, kevbe Milkọm ne ẹbọ ọghe Amọn. E Solomọn ma họn ẹmwẹ mẹ, ọ de iyi, ọ ma rhie uhi mwẹ kevbe ilele mwẹ mwẹ zẹ vbene Devid ne erha ẹe ru.

I Ọba 11:7

Ọ keghi bọ ehe ne a na gho Kiẹmọs ne ẹbọ emwiekhue Moab ye odẹ ahọ e Jerusalẹm kevbe ehe ne a na gho e Milkọm ne ẹbọ emwiekhue Amọn.

I Ọba 18:40

Elaija keghi kha wẹẹ, “Wa munọ avbe akhasẹ e Bal, wa ghẹ gie ọkpa lẹfua vbọ!” Iran keghi mu nọ iran hia, Elaija keghi viọ iran gha rrie ovbi Ẹzẹ Kisiọn, ọ na gbele iran an.

II Krọnikol 25:15

Emwi na keghi ya ohu mu e Nọyaẹnmwa, ọ na gie akhasẹ ọkpa bu Amezaia gha khian. Akhasẹ nii keghi nọ wẹẹ, “Vbọzẹ yi ne u na gha gho ẹbọ ẹrrẹe ne ọ ma kue sẹtin miẹn emwa rẹn fan vbe obọ ruẹ?”

Aizaia 16:12

Ivbi e Moab gha miẹn ẹsọn a gha wu a rrie, ne iran ya hin uhunmwu oke, ne iran na ya gha yo aro ẹbọ kevbe ẹgbo ẹbọ ni rrọ, ya gha na erhunmwu sokpan, ọ maa rhọkpa i ra ke ọe ladian ne iran.

Aizaia 2:20

Ọ gha sẹ ẹdẹ nẹdẹrriọ, iran gha filo amazẹ igoru kevbe esiliva ne iran mannọẹn kua, iran gha sẹ ehia rae ne ofẹn oha kevbe avbe ẹguẹn.

Aizaia 45:16

Te ekhue ra gha mu iran ni ma amazẹ hia a gha fa iran hia a.

Aizaia 45:20

E Nọyaẹnmwa khare wẹẹ, “Wa do si egbe koko, wa ne emwa ni rre uhunmwu ẹvbo, wa hia ni miẹn uhunmwu vbe arriọba nọkhua ni de. Wa ladian ne a do gui ẹzọ uwa. Iran ni gha mu amazẹ erhan, hẹ yo hẹ rre iran na gha na erhunmwu ghe ẹbọ ne ẹ i ra sẹtin miẹn iran fan, emwa nii ma zẹdẹ rẹn emwi rhọkpa hiehiere.

Jerimaia 48:12

Rhunmwuda ọnii nian, ẹghẹ dee ne I gha na gie emwa ne iran ya tue Moab kua zẹ vbe ayọn. Iran gha tue avbe uru ayọn rẹn kua, iran ghi vbe dunmwu ehia a.

Jerimaia 48:39

“A salọ Moab ua! Wa gha go! A fa Moab ua nẹ. Itowa ọ re ghi nọ, te avbe ẹvbo ni lẹga ẹre hia ghi ya ẹe gbogiẹ. Mẹ ne Nọyaẹnmwa taa ẹe nẹ.”

Jerimaia 48:46

Wa tohan ivbi e Moab. A fuẹn iran an ighe avbe emwa ni gho Kemọs, a keghi vbe viọ ivbi iran nikpia kevbe nikhuo zẹ vbe oghunmwu gha rrie.

Jerimaia 48:7

“E Moab, ẹtin ruẹn ọ re u mu ẹtin yan kevbe ẹfe ruẹ, sokpan, banban, uhin ighẹ te a ra khọn ruẹn, e Kemọs ne ẹbọ ruẹ gha yo iwe ọ ghi lele ivbi ọba kevbe avbe ohẹn ọnrẹn gha khian.

Giọgis 11:24

Te uwẹ ghi ho ne u mu ẹẹn werriegbe na? Wẹ sẹtin gba emwi ne Kemọs ne ẹbọ rua rhie nuẹn mwẹ obọ. Sokpan emwi hia ne Nọyaẹnmwa Osanobua mwẹ viọ ne ima nẹ, te ima ra gba mwẹ obọ.