Jerimaia 46:9 - Edo Bible (E Baibol Ẹdo) Version 1996

⁹ Tama avbe ẹsin ne iran gha khian, kevbe avbe ikẹkẹ okuo ne iran khianmwu. Gie avbe ivbiyokuo ladian, emwa ni ke Sudan kevbe Libya rre, iran ni viọ asa mwẹ, kevbe emwa ni guẹ uhanbọ ne a fi, ni ke Lidia rre.’ ”

Jerimaia 46:9 ပူးပေါင်းရင်းမြစ်များ

Gẹnẹsis 10:13

Igipt keghi gha re erha emwa Lidia, Anam, Lehab, Naftu,

Gẹnẹsis 10:6

Ivbie Ham kegha re Kus, Igipt, Libya kevbe Kenan, iran ọrọre erha odede avbe iran ne a he ẹre eni gie iran.

I Krọnikol 1:11

Ivbi uniẹn Igipt kegha re emwa Libya, Anam, Lehab, Naftu.

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Jerimaia 30:5

“I họn utumwẹ afianma, utumwẹ ohan ne ẹ i vbe re ọghe ọfumwegbe.

Jerimaia 47:3

Iran gha họn ukpukpẹ owẹ avbe ẹsin, e khuanghankhuanghan ọghe ikẹkẹ okuo, kevbe okhirhikhirhi owẹ ikẹkẹ, erha emọ i ra werriegbe ya viọ ivbi iran, obọ iran gha wu ginna iran egbe.

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Ezikiẹl 27:10

“Ivbiyokuo ni ke Pẹsia rre kevbe Lidia kevbe Libya rre usun iran ni re ivbiyokuo ruẹ. Iran viọ asa kevbe erhu ẹgere iran rrọ ye ibareke ruẹ. Iran na ọ re ọ ru emwi uyi mu ye uẹ obọ.

Ezikiẹl 30:4

Okuo gha sa vbe Igipt, akhiẹ nọkhua gha rre Sudan; a gha gbele enibun vbe Igipt, iran gha fu emwi ni rre ẹvbo nii viọ a ghi ya ee khian itowa.

Ezikiẹl 30:5

“Okuo ni ọ re ọ ra vbe gbele avbe ivbiyokuo, ne iran vbu viọ ke Sudan rre, kevbe Libya, e Lidia, Arebia, e Kub, deba iran ni ke ehe ne emwa mwẹ ye rre.”

Nahum 3:9

Rẹn ọ re ọ gha kha yan e Sudan kevbe Igipt, ẹtin ẹnrẹn ma vbe gha mwẹ khian sẹ evba. Te Libya ye egbe kọ ẹe.

Iwinna 2:10

Ke Frigia Pamfilia, kevbe Igipt kevbe iwewe Libya, ọkpẹn Sairin kevbe Rom rre.

I Kọrinti 1:8

Rẹn gha ya uwa mudia gbain ya sẹ ufomwẹ, ne a miẹn ehe na miẹn wẹ, ọ gha sẹ Ẹdẹ Jesu Kristi Nọyaẹnmwa, wa ghi gha re emwa ne a miẹn wẹ ẹ i mwẹ abe.