Jerimaia 46:5 - Edo Bible (E Baibol Ẹdo) Version 1996

⁵ “Sokpan, de emwi ne I ghi bẹghe?” erriọ Nọyaẹnmwa nọrẹn. “Ehia ye ohan lẹ werriegbe. Iran khulo iran, avbe ivbiyokuo iran zẹ ulẹ ua udu iran kpan fi ẹko, iran keghi lẹ vbene okhian sẹtin kẹ iran sẹ, iran ma vbe gbe aro ghe iyeke.

Jerimaia 46:5 ပူးပေါင်းရင်းမြစ်များ

Gẹnẹsis 19:17

Ugbẹn vbe iran ghi viọ iran ladian hin ore ẹvbo rre nẹ, ọkpa vbe avbe odibosa nii ke kha wẹẹ, “Le fua! Ghẹ ghe odieke, ghẹ vbe yakọ vbe iya na. Lẹ gha rrie uhunmwu oke, ne a ghẹ gbele uwa a.”

Aizaia 13:8

Ehia gha runran, obalọ ghi la iran egbe, zẹ vbe obalọ okhuo ne emwi ubiẹmwẹ ru. Iran gha ya ohan tanro ye egbe egbe, ekhue ghi giẹn iran aro hia a.

Aizaia 19:16

Ẹghẹ dee ne ohan gha na gha mu ivbi Igipt zẹ vbe ikhuo. Ohan gha mu iran, iran ghi gha guọ zẹzẹzẹ vbe iran a miẹn wẹẹ e Nọyaẹnmwa ne Oghodua niẹn obọ ẹre ladian ne ọ ya rri iran oya.

Aizaia 42:17

Iran hia ni mu ẹtin yan avbe amazẹ ni tie avbe amazẹ emwi ne iran gho ekhue gha mu iran, a gha fa iran an.”

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Jerimaia 46:15

Vbọzẹ ne Apis ne ẹbọ uwa nọkhua na de yi? E Nọyaẹnmwa ọ re ọ gbe ẹe fi otọ!’

Jerimaia 46:21

Uhin avbe ivbiyokuo ne ọ ve ẹre igho viọ ba egbe, egbe wọ ehia yotọ nẹ zẹ vbe ivbi ẹkhuia ẹmila. Iran ma kpaegbe ne iran gbinna iran hia fi iyeke gbe, iran na lẹẹ ẹdẹ ne iran ra khian rhie sotọ nẹ, ẹdẹ ne iran ra la ọrhiae rrie.

Jerimaia 49:29

Fu iran avbe owa ukpọn, deba emwirri iran, ukpọn ne iran tan ye onurho owa ukpọn iran, deba emwi hia ni rre owa ukpọn iran, fu iran avbe ekẹtẹkẹtẹ viọ ne u vbe tama avbe emwa nii wẹẹ, ‘Ugborrirri lẹ khinkhian uwa.’

Jerimaia 49:5

“I gha si ohan ye uwa egbe vbe igienenẹ. Wa hia gha lẹkua. Edọmwadẹ ọghọe gha lẹ ne ọ rhie uhunmwu ẹnrẹn lẹre, a i ghi vbe miẹn ọmwa ne ọ gha dọlegbe si ivbiyokuo uwa koko ne uwa ọvbehe.

Jerimaia 6:25

Ohan i ghi gie ima khian ladian hin adesẹ ore ẹvbo rre, ra ne a khian lele ukpo, rhunmwuda, te avbe eghian mwa viọ emwi igbinna mwẹ, ohan rre ehe hia lẹga mwa.”

Ezikiẹl 32:10

Emwi ne I ru uwẹ re gha gbe orrirri ku avbe uhunmwu ẹvbo nibun. I gha fieghe umozo mwẹ, avbe ọba gha runran, iran ghi vbe gha guọ zẹzẹzẹ. Vbe ẹdẹ ne u gha wa de nii, iran hia gha guọ rhunmwuda iran ma rẹn vbene ọ gha vbe ye iran hẹ.”

Ezikiẹl 39:18

Te iran khian rri ikun avbe ivbiyokuo, iran ghi vbe wọn esagiẹn iran ni khaemwisẹ, vbe agbọn, iran na hia fẹẹrẹ ne a ra gbele ua zẹ vbe ogho, ra avbe oteghe ohuan ra ẹwe, ra ẹmila ni tii.

Nahum 2:8

Emwa hia hii lahin e Ninevi rre, zẹ vbe amẹ uhae ne ọ vẹ ua, ọmwa ọkpa datu wẹẹ, “Wa mudia! Wa mudia!” A kakabọ ye ugomwẹ ta ẹe sokpan a ma miẹn ne ọ gbearoghe iyeke.

Nahum 2:9

Wa fu avbe esiliva viọ, wa fu igoru viọ. Ẹfe wa vuọn ẹvbo nii!

Zẹfanaia 1:14

Ẹdẹ nọkhua ọghe Nọyaẹnmwa sikẹ otọ nẹ, ọ wa sẹẹ otọ fo, ọ wa dee ẹgiẹgiẹ! Ẹdẹ ne ẹdẹrriọ gha wa rriara, rhunmwuda, ovbiyokuo ne ọ wegbe sẹ gha rhie urhu hoho ua ẹdẹrriọ vbe ẹtin a ghi fo ẹe!