Jerimaia 46:4 - Edo Bible (E Baibol Ẹdo) Version 1996

⁴ Wa gbalọ avbe ẹsin uwa egbe, ne uwa hin iran! Wa tẹn ye uviẹn ne uwa viọ erhu uwa rhuẹ. Wa lọ asoro uwa! Wa viọ ẹwu ematọn okuo uwa yọ!’

Jerimaia 46:4 ပူးပေါင်းရင်းမြစ်များ

II Krọnikol 26:14

Uzaia keghi viọ avbe emwi igbinna vbenian ne ivbiyokuo ẹre avbe asa, asoro, ẹrhu ẹgere, ẹwu ematọn, uhanbọ kevbe ifẹnmwẹ kevbe ikpẹ okuta ne a ya filo umọvọn.

Nehimaia 4:16

Ke ẹghẹ nii kpao, obọkpa vbe emwa kegha winna, obọkpa vbọ keghi ya gha ba odẹ, vbe ne iran na viọ ẹwu ematọn yọ, iran na viọ asoro, asa kevbe uhanbọ ya mu egbe igbinna. Avbe ekaolotu ima keghi wa mudia ye emwa ni iyeke gbangbaangban

Aizaia 8:9

Wa ne uhunmwu ẹvbo, wa ya ohan si egbe koko! Wa danmwehọ, wa ne ẹvbo ni rre urria vbe otọ agbọn na. Wa mu egbe ne uwa ya gbinna. Sokpan, wa gie ohan gha mu uwa. Ẹn, wa mu egbe ne uwa ya gbinna, sokpan, wa gie ohan gha mu uwa.

Jerimaia 46:14

“Ya kha vbe ore ẹvbo Igipt, vbe Migdọl, Mẹmfis kevbe Tapanhes wẹẹ, ‘Wa mu egbe ne uwa ya gbinna ne egbe uwa; emwi ne uwa mwẹ, a gha fuẹn ehia vbe okuo!

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Jerimaia 51:3

Ghẹ rhie ẹghẹ ne ivbiyokuo ẹre ya viọ ẹwu igbinna iran yọ, ra ne iran fi ifẹnmwẹ iran. Ghẹ fi yi vbe avbe igbama rẹn hiehiere! Wa fuẹn ivbiyokuo iran an fẹẹrẹ.

Ezikiẹl 21:28

“Ovbi ọmwa, guan zẹvbe akhasẹ, ta ẹe ladian wẹ mẹ ne Nọyaẹnmwa ne Udazi ọ re ọ tama ivbi Amọn ni kpa unu ghe Izrẹl, tama iran wẹẹ, ‘Umozo mu egbe nẹ ọ ra ya fuẹn emwi. A kpee ẹe nẹ ọ gha gbe emwi, ne ọ gha fi wain zẹ vbe ayan,

Joẹl 3:9

“Wa ya ẹmwẹ na wewe, ma avbe uhunmwu ẹvbo wẹẹ, ‘Wa mu egbe okuo; wa si iyokuo uwa koko ne uwa khianmwu!

I Samuẹl 17:38

Ọ keghi viọ ẹwu okuo ọghe ọe ne Devid ne ọ hẹ yọ, ọ keghi mu ẹrhu ẹgere rhuẹ Devid, ọ na ma ẹwu igbinna ematọn nẹ.

I Samuẹl 17:5

ọ keghi mu ẹrhu ẹgere rhuẹ, ọ kevbe mwẹ ẹwu ematọn ne ukhuamwẹ ọnrẹn sẹ omwa uwan isẹn yan iyehan (125).