Jerimaia 46:28 - Edo Bible (E Baibol Ẹdo) Version 1996

²⁸ I gha bu uwa rre, I ghi do miẹn uwa fan I gha fuẹn ehia a ighe avbe ẹvbo ne I zagha uwa kui, sokpan, mẹ i ra fuẹn uwa a. Mẹ i ra sẹ uwa rae vbe ne a i na rri uwa oya hiehiere, sokpan, I gha rrie uwa oya, I gha ru ẹe vbe ne ọ kei yi. Mẹ ne Nọyaẹnmwa guaan nẹ.”

Jerimaia 46:28 ပူးပေါင်းရင်းမြစ်များ

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:7

E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Aizaia 27:7

E Nọyaẹnmwa ma he rri Izrẹl oya ne obọ da ẹe zẹ vbene avbe eghian rẹn ye, emwa ni bun vbe ọghe iran ma he vbe wulo vbọ.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

Aizaia 44:1

E Nọyaẹnmwa khare wẹẹ, “Danmwehọ nian, Izrẹl ne ọguọmwadia mwẹ emwa mwẹ ne I hannọ zẹ ivbi uniẹn Jekọb.

Aizaia 45:23

Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Jerimaia 10:24

Dia emwa ruẹn ye odẹ Nọyaẹnmwa, sokpan, ghẹ gie obọ da mwa gbe, ra ne u rri ima oya vbe ohu a gha mu ẹẹn, ne a ghẹ miẹn wẹ ọghe ima fo ye evba.

Jerimaia 15:20

Zẹ vbe ọghe ne ọ kan uwẹ kan iran, I gha ru ẹe ne u gha yevbe ekẹn ne ọ wegbe ne a ye oze gbe. Iran gha guẹ gbinna, sokpan, obọ iran i ra gba ruẹ. I gha mudia ke uẹ ne I degue ruẹ, ne emwi rhọkpa ghẹ ru uẹ.

Jerimaia 23:4

I gha zẹ enikhaemwisẹ ne iran gha gbearoghe iran. Ohan i ghi ra ye gha mu emwa mwẹ ra ne afianma gha fian iran, mẹ i ghi dọlegbe rri iran oya. Mẹ ne Nọyaẹnmwa ta ẹe nẹ.”

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Jerimaia 30:11

I gha bu uwa rre, I ghi do miẹn uwa fan I gha fuẹn iran an ighe avbe uhunmwu ẹvbo hia ne I zagha uwa gha rrie. Sokpan mẹ i ra fuẹn uwa a fẹẹrẹ, mẹ i ra wa sẹ uwa rae vbe na i na rri uwa oya. Sokpan, I gha ra rri uwa oya, I ga ruẹe vbe ne ọ ke yi. Mẹ ne Nọyaẹnmwa tae nẹ.”

Jerimaia 4:27

(E Nọyaẹnmwa tae nẹ, wẹ otọ agbọn hia gha khian ne ọ rhia ẹe, sokpan wẹ rẹn i ra fuẹn ọnrẹn uan fẹẹrẹ.)

Jerimaia 5:10

I gha gie avbe eghian ne iran do giagia azara emwa mwẹ ku otọ, sokpan, ne iran ghẹ wa fuẹn ọnrẹn uan fẹẹrẹ. I gha wẹ ne iran giagia ẹre abọ kua, rhunmwuda, avbe abọ nii i re ọghomwẹ.

Jerimaia 5:18

E Nọyaẹnmwa khare wẹẹ, “Uhin do sẹ egbe ẹghẹ ne a kha na, mẹ i ra ye wa fuẹn emwa mwẹ fo.

Jerimaia 51:46

Wa ghẹ gie awẹawẹ ne uwa họn ya egbe wọ uwa ra ne ohan gha mu uwa. Ukpukpo ọ re awẹawẹ ughughan ya zọ ladian, awẹawẹ ọghe uyinmwẹ ikẹtin vbe otọe nii, kevbe ẹghẹ ọba okpa ne ọ gu ọba ọvbehe khọn.

Daniẹl 2:35

Vbe ọwarọkpa nii, ematọn ne ọ rrọọ, kevbe obuẹ, kevbe oze kevbe esiliva kevbe igoru na wa rẹnkhẹẹn uan, ọ yevbe ebubẹ vbe ehe ne a na dunmwu ọka vbe ẹghẹ okhuakhua, ẹhoho keghi kpolo ehia gha rrie, a na wa ho ehia bẹkun. Sokpan, okuta ne ọ rrọọ keghi do digba khian oke nọkhua, ne ọ wa gba otọe agbọn hia.

Habakọk 3:2

E Nọyaẹnmwa, I họọn emwi ne u ru, ohan wa mu mwẹ. Banbanna nian, vbe ru vbe ẹghẹ ima, avbe emwi nikpọlọ ne u te ka ru ẹkpo nẹdẹ. Ye vbe mwẹ itohan a gha rhe wẹ te ohu mu ẹẹn.

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iwinna 18:10

rhunmwuda, I rrọọ yaba ruẹ. Ọmwa ne ọ gha sẹtin ruẹ emwi rhọkpa ẹ i rrọọ, rhunmwuda emwa ni re ọghomwẹ bun vbe ẹvbo na.”

I Kọrinti 11:32

Sokpan te Nọyaẹnmwa bu ohiẹn ima, ọ ghi vbe rri ima oya ne a ghẹ miẹn ehe na bu abe uwu gbe ima, deba emwa ne agbọn.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.