Jerimaia 46:25 - Edo Bible (E Baibol Ẹdo) Version 1996

²⁵ E Nọyaẹnmwa ne Oghodua, ne Osanobua Izrẹl wẹẹ, “I gha rria Amọn ikhi, ẹbọ ne Tẹbes gho, ke ẹe kevbe Igipt, deba avbe ẹbọ ẹre kevbe avbe ọba ẹre. I ra mu ọba Igipt kevbe iran ni mu ẹtin ya rẹn.

Jerimaia 46:25 ပူးပေါင်းရင်းမြစ်များ

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Aizaia 19:1

Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.

Jerimaia 44:30

I gha rhie Hofra ne ọba Igipt ye avbe eghian rẹn obọ, iran ni ho ne iran gbe ẹe rua zẹ vbene I rhie Zedekaia ne ọba e Juda ye Nebukiadneza ne ọba e Babilọn obọ, ọmwa ne ọ gha re eghian rẹn ne ọ ho ne ọ gbẹe rua.”

Jerimaia 49:3

Ivbi e Hesbọn, wa gha tulo! A fuẹn Ai rua nẹ! Ikhuo e Raba, wa ya gha khiẹ! Wa viọ ukpọn akhiẹ ye egbe ne uwa gha khiẹ. Wa gha hẹ yo hẹ rre vbe uwu iro ne ọ hanrẹn. A gha mu e Milkọm ne ẹbọ uwa gha rrie iwe, ke ẹe ke avbe ohẹn ọnrẹn kevbe avbe ivbi ọba.

Ezikiẹl 30:22

Rhunmwuda ọnii nian, ẹmwẹ ne imẹ ne Nọyaẹnmwa ne Oghodua tae, ọ re ọna khin. Oghian ọba Igipt ọ re I khin. Te I ra bunnọ ẹre obọ eveva, ke ne ọ maa ne ọ rrọọ ke ne ọ ka vbe buun nẹ, umozo ghi fe ẹre obọ de fua.

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.