Jerimaia 46:21 - Edo Bible (E Baibol Ẹdo) Version 1996

²¹ Uhin avbe ivbiyokuo ne ọ ve ẹre igho viọ ba egbe, egbe wọ ehia yotọ nẹ zẹ vbe ivbi ẹkhuia ẹmila. Iran ma kpaegbe ne iran gbinna iran hia fi iyeke gbe, iran na lẹẹ ẹdẹ ne iran ra khian rhie sotọ nẹ, ẹdẹ ne iran ra la ọrhiae rrie.

Jerimaia 46:21 ပူးပေါင်းရင်းမြစ်များ

II Samuẹl 10:6

Ivbi Amọn wa rẹn wẹ te iran ho e Devid ẹmwẹ, iran na ya viọ ivbiyokuo arriaisẹn ugie (20,000) vbe Siria kevbe Betrehob kevbe Zọba, arriaisẹn iweva (12,000) vbe Tob deba ọba Maaka ke ẹe kevbe ivbiyokuo arriaisẹn (1,000).

II Ọba 7:6

E Nọyaẹnmwa keghi gie ivbi e Siria họn emwi ne ọ yevbe ne ivbi iyokuo ni bun khọn dee ke iran kevbe ikẹkẹ okuo kevbe ẹsin, ivbi e Siria keghi te gha ro ighẹ ivbi Izrẹl ya vbu ivbi e Hiti kevbe avbe ọba Igipt kevbe ivbi iyokuo iran ba egbe gha dee do gu iran gbinna.

Psalm 37:13

Sokpan e Nọyaẹnmwa gha giẹ emwa dan rhunmwuda ọ rẹnrẹn ighe a gha fuẹn iran an ban.

Itan 15:17

A hẹko gu emwa ne a ho ẹmwẹ ọnrẹn la lọ uwọnmwẹ ọ re ọ maa sẹẹ ne a ya gu ọmwa ne ẹko ọmwa i maa rri emiowo ne ọ maa sẹẹ.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 34:7

Emwa ni gha dele zẹ vbe ede kevbe ivbi ẹkhuia ẹmila, otọ ghi gha baa ne esagiẹn, efun ghi vbe gba ehe hia.

Jerimaia 18:17

I gha zagha emwa mwẹ vbe odaro avbe eghian iran, zẹ vbe ebubẹ ne ẹhoho hoho khian I ghi fi iyeke mwẹ gbe iran I i ra yi iran obọ, vbe ọfuan ni a rre.”

Jerimaia 46:22

Igipt lẹẹ fua ọ gha mẹ khian vbe ẹyẹn, vbe ivbiyokuo avbe eghian, ya egbe dee. Iran ya ughanmwa yaan rẹn, vbe ikpia ni ra tọn erhan gbotọ.

Jerimaia 46:5

“Sokpan, de emwi ne I ghi bẹghe?” erriọ Nọyaẹnmwa nọrẹn. “Ehia ye ohan lẹ werriegbe. Iran khulo iran, avbe ivbiyokuo iran zẹ ulẹ ua udu iran kpan fi ẹko, iran keghi lẹ vbene okhian sẹtin kẹ iran sẹ, iran ma vbe gbe aro ghe iyeke.

Jerimaia 46:9

Tama avbe ẹsin ne iran gha khian, kevbe avbe ikẹkẹ okuo ne iran khianmwu. Gie avbe ivbiyokuo ladian, emwa ni ke Sudan kevbe Libya rre, iran ni viọ asa mwẹ, kevbe emwa ni guẹ uhanbọ ne a fi, ni ke Lidia rre.’ ”

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Jerimaia 49:8

Ivbi e Dedan, wa fi egbe egbe werriegbe ne uwa lẹ! Wa ya lẹre! Iran do fuẹn ivbi uniẹn Isọ rua rhunmwuda, ẹghẹ sẹ ne nian ne I gha na rri iran oya.

Jerimaia 50:11

E Nọyaẹnmwa khare wẹẹ, “Wa ne ivbi e Babilọn, wa ọ re ọ ya khọn ẹvbo mwẹ. Wa ghọghọ nian, ẹko wa vbe rhiẹnrhiẹn uwa, wa gha hẹ yo hẹ rre vbe ẹmila ne ọ wiẹn ọka ra ẹsin ne ọ ra mu.

Jerimaia 50:27

Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Ezikiẹl 30:22

Rhunmwuda ọnii nian, ẹmwẹ ne imẹ ne Nọyaẹnmwa ne Oghodua tae, ọ re ọna khin. Oghian ọba Igipt ọ re I khin. Te I ra bunnọ ẹre obọ eveva, ke ne ọ maa ne ọ rrọọ ke ne ọ ka vbe buun nẹ, umozo ghi fe ẹre obọ de fua.

Ezikiẹl 35:5

“Oghian ne ẹ i mwẹ erọkhọrọkhọ ọ re uwa gha khin Izrẹl re, wa keghi gie emwa gha lọkọ emwa rẹn vbe ẹghẹ odekun ẹrhia; ẹghẹ ne a na rria ẹre ikhi ọfovbotọ ye orukhọ ne ọ ru.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Emọs 6:4

U miẹn vbe ọ gha ba so uwa hẹ, wa ni nien obọ nien owẹ ua ye aga ne pọrhọ ọwua, wa ni rri emiowo oteghe ẹkhuia kevbe oteghe ohuan.

Obedaia 1:13

Ọ ma te kei ne u la ẹvbo emwa mwẹ ne u ya gbe ọvẹ yan iran vbe usẹ ne iran sẹ, ne u vbe do emwi ẹfe iran hẹ, vbe ẹdẹ ne emwi degbe iran.

Maika 7:4

Iran ni maa sẹ, kevbe ne ẹ i ru ero vbe uwu iran, te ehia wa kuogboi zẹ vbe irunmwu. Ẹdẹ ni rre nẹ ne Nọyaẹnmwa gha rri avbe emwa oya, zẹ zẹ iran ighe avbe akhasẹ tama iran ye otọ. Banbanna nian, iro han iran hia.

Matiu 22:4

Ọ keghi vbe gie eguọmwadia ọvbehe ya khama iran wẹẹ, ‘A le evbare nẹ, avbe ẹmila abẹgbe ne a ware, ọre a ya le ẹe, a wa mwamwa emwi hia ye otọ nẹ. Wa gha dee do rri evbare irhiọha’,

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.